Fact Check: हे छायाचित्र केदारनाथमध्ये तपश्चर्या करणाऱ्या साधूचे नाही, व्हायरल झालेला दावा चुकीचा आहे
विश्वास न्यूजला हिमाच्छादित साधू बनावट असल्याचा दावा करणारी व्हायरल पोस्ट आढळली आहे. तपासात असे आढळून आले की, बर्फाने झाकलेले दाखवलेले साधूचे चित्र खरे तर हरियाणातील सोनीपत येथील गावातील बाबा भाले गिरीजी महाराजांचे असून ते संपादित केले आहे. काही सोशल मीडिया वापरकर्ते त्याचे मूळ चित्र मॉर्फ करून खोटे दावे करून व्हायरल करत आहेत.
- By: Pragya Shukla
- Published: Nov 18, 2022 at 09:13 PM
- Updated: Nov 20, 2022 at 11:26 PM
नवी दिल्ली (विश्वास न्यूज): एका साधूने तपश्चर्या केल्याचा फोटो सोशल मीडियावर मोठ्या प्रमाणात व्हायरल होत आहे. केदारनाथमध्ये उणे १० अंश तापमानात हा साधू तपश्चर्या करत असल्याचा दावा करत हे छायाचित्र शेअर केले जात आहे. कडाक्याच्या थंडीमुळे तपश्चर्या करताना ते बर्फाने झाकले गेले.
विश्वास न्यूजने तपास केला असता हा व्हायरल दावा खोटा असल्याचे आढळून आले. तपश्चर्या करणाऱ्या साधूच्या चित्राचा केदारनाथशी काहीही संबंध नाही. हे चित्र हरियाणातील एका गावातील साधूचे असून ते संपादित करण्यात आले आहे. जे युजर्स सोशल मीडियावर खोटे दावे करून शेअर करत आहेत.
काय होत आहे व्हायरल?
फेसबुक यूजर Rao Pankaj ने व्हायरल चित्र शेअर करून लिहले: “माईनस १०डिग्री सेंटीग्रेड में, केदारनाथ यात्रा बंद होने के बावजूद भी केदार नाथ धाम के दरबार में तपस्या करते एक साधू महाराज..#हरहरमहादेव ..सत्य सनातन धर्म की जय।”
तपास:
व्हायरल दाव्याची सत्यता पडताळण्यासाठी, आम्ही फोटोचा गूगल रिव्हर्स इमेज सर्च केला. दरम्यान, आम्हाला हा फोटो 18 जून 2019 रोजी बाबा सरबांगी नावाच्या फेसबुक अकाउंटवर अपलोड केलेला आढळला. फोटो शेअर करताना कॅप्शनमध्ये म्हटले आहे की, हा फोटो जुना आखाड्यातील बाबा भाले गिरीजी महाराजांचा आहे. पेज ट्रोल केल्यावर आम्हाला बाबा भाले गिरीजी महाराजांचे आणखी बरेच फोटो सापडले. ही छायाचित्रे पाहून साधू बर्फाने नाही तर राखेने झाकलेले असल्याचे स्पष्टपणे कळते. त्यानंतर हे स्पष्ट झाले आहे की, व्हायरल झालेला फोटो जुना आणि एडिट केलेला आहे.
मिळालेल्या माहितीच्या आधारे, आम्ही संबंधित कीवर्डसह गूगल वर शोधण्यास सुरुवात केली. या दरम्यान आम्हाला फॅन ऑफ रेणुका पनवार नावाच्या यूट्यूब चॅनेलवर अपलोड केलेला बाबा भाले गिरी जी महाराज यांच्याशी संबंधित व्हिडिओ सापडला. हा व्हिडिओ ऑगस्ट 2019 रोजी शेअर करण्यात आला होता. मिळालेल्या माहितीनुसार, व्हायरल फोटोमध्ये दिसणारे साधू पंच दसनम जुना आखाड्याचे महंत आहेत. ते हरियाणातील बहलोलपूर येथील पराशर ऋषी मंदिराचे महंत देखील आहेत. 2019 मध्ये बाबा भाले गिरीजी महाराज यांनी 41 दिवसांची अग्नी तपश्चर्या केली. हा व्हिडिओ त्यावेळचा आहे. व्हिडिओमध्ये साधू आपले संपूर्ण शरीर राखेने झाकलेले दिसत आहे.
आम्हाला इतर अनेक YouTube चॅनेलवर बाबा भाले गिरी जी महाराज यांच्याशी संबंधित व्हिडिओ देखील आढळले.
अधिक माहितीसाठी आम्ही दैनिक जागरणचे सोनीपतचे मुख्य प्रतिनिधी संजय निधी यांच्याशी संपर्क साधला. त्यांनी आम्हाला सांगितले की व्हायरल दावा खोटा आहे. हा व्हिडिओ बाबा भाले गिरीजी महाराज यांचा असून जवळपास तीन वर्षे जुना आहे. बाबा भाले गिरीजी महाराज दरवर्षी विविध प्रकारची तपश्चर्या करतात. तीन वर्षांपूर्वी त्यांनी ही तपश्चर्या केली.
तपासाअंती, आम्ही खोट्या दाव्यासह ही पोस्ट शेअर करणाऱ्या वापरकर्त्याची पडताळणी केली. तपासात हा युजर बिहारमधील गया येथील रहिवासी असल्याचे समोर आले आहे. फेसबुकवर युजरला 818 लोक फॉलो करतात.
निष्कर्ष: विश्वास न्यूजला हिमाच्छादित साधू बनावट असल्याचा दावा करणारी व्हायरल पोस्ट आढळली आहे. तपासात असे आढळून आले की, बर्फाने झाकलेले दाखवलेले साधूचे चित्र खरे तर हरियाणातील सोनीपत येथील गावातील बाबा भाले गिरीजी महाराजांचे असून ते संपादित केले आहे. काही सोशल मीडिया वापरकर्ते त्याचे मूळ चित्र मॉर्फ करून खोटे दावे करून व्हायरल करत आहेत.
- Claim Review : केदारनाथ यात्रा बंद असतानाही उणे 10 डिग्री सेंटीग्रेड तापमानात एक साधू महाराज केदारनाथ धामच्या दरबारात तपश्चर्या करत आहेत.
- Claimed By : Rao Pankaj
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
