विश्वास न्यूजच्या तपासणीत व्हायरल दावा दिशाभूल करणारा असल्याचे आढळले. हा व्हिडीओ हैदराबाद, मुंबई आणि कोलकाता येथील नसून जयपूरमध्ये स्वातंत्र्य दिनानिमित्त तिरंग्याच्या थीमने प्रकाशित झालेल्या सोडाला एलिव्हेटेड रोडचा आहे. जो आता चुकीचा दावा करून शेअर केला जात आहे.
नवी दिल्ली (विश्वास न्यूज): सोशल मीडियावर फ्लायओव्हरचा एक व्हिडिओ व्हायरल होत आहे, ज्यामध्ये फ्लायओव्हर भगव्या, पांढर्‍या आणि हिरव्या दिव्यांनी उजळलेला दिसत आहे. सोशल मीडिया यूजर्स हा व्हिडिओ कोलकाता येथील असल्याचा दावा करत व्हिडिओ शेअर करत आहेत. काही लोकांनी ते मुंबई आणि हैदराबाद म्हणूनही शेअर केले आहे. विश्वास न्यूजने व्हायरल झालेल्या व्हिडिओची छाननी केली असता हा व्हिडिओ हैदराबाद, मुंबई आणि कोलकाता येथील नसून जयपूर येथील स्वातंत्र्य दिनानिमित्त तिरंग्याच्या थीमने प्रकाशित झालेल्या सोडाला एलिव्हेटेड रोड येथील असल्याचे आढळून आले. जो आता चुकीचा दावा करून शेअर केला जात आहे.
काय होत आहे व्हायरल?
फेसबुक यूजर “Bhagwanji Solanki ” ने 8 ऑगस्ट रोजी व्हिडिओ शेअर केला आणि लिहले: Kolkata flyover
दुसरे फेसबुक यूजर Akash Sharma रोजी लिहले: The Metro flyover in Borivali east got lit up in bright tricolour to enhance the spirit of Azadi ka Amrit Mahotsav. HarGharTiranga#AmritMahotsav
अन्य यूजर्स ने देखील असा दावा केला. ह्या पोस्ट चा आर्काइव्ह व्हर्जन इथे बघा.
तपास:
व्हायरल दाव्याची सत्यता जाणून घेण्यासाठी, आम्ही व्हिडिओचे अनेक ग्रॅब्स काढले आणि Google रिव्हर्स इमेजद्वारे ते शोधले. या दरम्यान, आम्हाला 7 ऑगस्ट 2022 रोजी JK ARMY LOVER नावाच्या YouTube चॅनेलवर अपलोड केलेल्या दाव्याशी संबंधित दावा आढळला. व्हिडिओसोबत दिलेल्या माहितीनुसार, व्हायरल झालेला व्हिडिओ जयपूरचा आहे.
हा व्हिडिओ 4 ऑगस्ट 2022 रोजी फर्स्ट इंडिया न्यूजच्या यूट्यूब चॅनेलवर देखील अपलोड करण्यात आला होता. व्हिडिओमध्ये दिसणारा फ्लायओव्हर जयपूरमधील सोडाला एलिव्हेटेड रोडचा असल्याचे या रिपोर्टमध्ये सांगण्यात आले आहे. जिथे तिरंग्याच्या थीमवर रोषणाई करण्यात आली आहे.
इंस्टाग्रामवरही rajastha.n नावाच्या हँडलने हा व्हिडिओ ४ ऑगस्टला शेअर केला आणि तो जयपूरचा असल्याचे सांगितले. येथे व्हिडिओ पहा.
व्हायरल व्हिडिओबद्दल अधिक माहितीसाठी, आम्ही दैनिक जागरणचे ज्येष्ठ पत्रकार नरेंद्र शर्मा यांच्याशी संपर्क साधला. त्यांनी आम्हाला सांगितले की, व्हायरल दावा खोटा आहे. हा व्हिडिओ जयपूरमधील सोडाळा ते अजमेर रोडचा आहे.
तपासाच्या अंतिम टप्प्यात, आम्ही भगवानजी सोलंकी वापरकर्त्याची चौकशी केली ज्याने खोटा दावा करून व्हिडिओ शेअर केला होता. तपासात तो मुंबईचा रहिवासी असून फेसबुकवर त्याचे दोन हजारांहून अधिक मित्र असल्याचे समोर आले आहे.
निष्कर्ष: विश्वास न्यूजच्या तपासणीत व्हायरल दावा दिशाभूल करणारा असल्याचे आढळले. हा व्हिडीओ हैदराबाद, मुंबई आणि कोलकाता येथील नसून जयपूरमध्ये स्वातंत्र्य दिनानिमित्त तिरंग्याच्या थीमने प्रकाशित झालेल्या सोडाला एलिव्हेटेड रोडचा आहे. जो आता चुकीचा दावा करून शेअर केला जात आहे.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923