Fact Check: स्पेशल इफेक्ट्स वापरून तयार केलेला व्हिडिओ, खरा समजून लोकं करत आहेत शेअर

नवी दिल्ली (विश्वास न्यूज): मेरठमध्ये भूत दिसल्याचा दावा करणारा एक व्हिडिओ सोशल मीडियावर शेअर केला जात आहे. ही घटना एका व्यक्तीने आपल्या कॅमेऱ्यात कैद केली आहे. मेरठमधील कासिमपूर फाटक येथील स्मशानभूमीजवळ बांधलेल्या कॉलनीत घराबाहेर भूत आल्याचा दावा वापरकर्ते करत आहेत. जे पाहून पाळीव कुत्र्याने आधी भुंकले, त्यानंतर तो तरुण बाहेर आला आणि त्याला काहीतरी संशयास्पद दिसले आणि त्याने व्हिडिओ बनवला. तेव्हापासून तरुण आयसीयूमध्ये दाखल आहे.

विश्वास न्यूजने व्हायरल पोस्टची सत्यता तपासली आणि दावा खोटा असल्याचे आढळले. व्हायरल व्हिडिओ VFX कलाकार जोसेफ न्जोवू यांनी तयार केला आहे. सोशल मीडिया वापरकर्ते ते खरे असल्याचे समजून खोटे दावे करून ते शेअर करत आहेत.

काय हात आहे व्हायरल?
फेसबुक यूजर ‘संजय कुमार’ व्हिडिओ शेअर करत लिहले: मेरठ ब्रेकिंग – मेरठ में सोशल मीडिया पर एक रहस्यमयी वीडियो तेजी से हो रहा है वायरल। युवक ने एक प्रेत की वीडियो को मोबाइल कैमरे में किया कैद। वीडियो मेरठ के कासमपुर फाटक के पास बने कब्रिस्तान पास बनी कॉलोनी के बताया जा रहा है। पालतू कुत्ते के रोने की आवाज़ सुन युवक घर के बाहर झांक रहा था। तभी घर के बाहर मंडराते प्रेत के साया देख युवक ने अपने मोबाइल में बनाया वीडियो। बताया जा रहा वीडियो बनाने के बाद युवक बेहोश हो गया जो अभी भी आई सी यू मे भर्ती है। वीडियो बना रहस्य का विषय!

ह्या पोस्ट ला खरे समजून इतर यूजर्स देखील शेअर करत आहे. ह्या पोस्ट चा आर्काइव्ह व्हर्जन इथे बघा.

तपास:

व्हायरल व्हिडिओ तपासण्यासाठी, आम्ही प्रथम त्याची एक कीफ्रेम काढली आणि गूगल लेन्स वरून रिव्हर्स इमेजसह शोधले. आम्हाला 27 ऑगस्ट 2022 रोजी जय युनिक नावाच्या फेसबुक वापरकर्त्याने शेअर केलेला व्हायरल व्हिडिओ आढळला. 1 मिनिट 57 सेकंदाचा हा व्हिडिओ कॅमेरा VFX आणि आफ्टर इफेक्टसह कसा बनवला गेला हे दाखवते.

शोध दरम्यान, आम्हाला जय युनिकच्या यूट्यूब चॅनेल, जोसेफ न्जोवू व्हिज्युअल्सवर व्हिडिओ देखील सापडला. 27 ऑगस्ट 2022 रोजी अपलोड करण्यात आलेल्या व्हिडिओमध्ये हा व्हिडिओ VFX ने बनवला असल्याचेही नमूद केले आहे. व्हिडिओमध्ये केलेल्या कमेंटला उत्तर देताना जोसेफ न्जोवूने सांगितले की, त्याने हा व्हिडिओ सुमारे 2 महिन्यांपूर्वी बनवला होता. या यूट्यूब चॅनलवर असे अनेक व्हिडिओ आहेत, ज्यामध्ये व्हीएफएक्स, एडिटिंग टूल्सचा वापर करण्यात आला आहे.

तपास पुढे नेत, आम्ही जोसेफ न्जोवूचा शोध सुरू केला. यादरम्यान आम्हाला कळले की जोसेफ न्जोवू हा ग्राफिक डिझायनर आणि चित्रपट निर्माता आहे. जोसेफ न्जोवू झांबिया लिम्फा येथील आहे.

आम्ही पूर्णपणे पुष्टी करण्यासाठी जोसेफ न्जोवूशी संपर्क साधला. त्यांनी आम्हाला सांगितले की व्हायरल दावा खोटा आहे. या व्हिडिओचा वास्तवाशी काहीही संबंध नाही. हा व्हिडिओ मी VFX च्या माध्यमातून तयार केला आहे. ही काही खरी घटना नाही.

तपासाअंती, आम्ही वापरकर्ता संजय कुमार याची पडताळणी केली ज्याने ही प्रतिमा खोट्या दाव्यासह शेअर केली. फेसबुकवर युजरचे ६ हजारांहून अधिक फॉलोअर्स असल्याचे तपासात समोर आले आहे. प्रोफाइलवर दिलेल्या माहितीनुसार, युजर उत्तर प्रदेशचा रहिवासी आहे.

निष्कर्ष: विश्वास न्यूजने आपल्या तपासात असे आढळले आहे की मेरठच्या नावाने व्हायरल होत असलेल्या भूतांचा व्हिडिओ VFX च्या माध्यमातून तयार करण्यात आला आहे. व्हीएफएक्स आर्टिस्ट जोसेफ न्जोवू यांनी हा व्हिडिओ तयार केला आहे. जे सोशल मीडिया वापरकर्ते खरे असल्याचे समजून खोटे दावे शेअर करत आहेत.

टॅग्स

• Fact Check
• fake news
• Ghost on camera
• Special effects
• VFX