विश्वास न्यूजने त्यांच्या तपासणीत असे आढळले की मोदींनी सर्व महिलांना मोफत शिलाई मशीन देण्याची पोस्ट खोटी आहे. अशी कोणतीही योजना मोदी सरकार चालवत नाही.
नवी दिल्ली (विश्वास न्यूज): सोशल मीडियावर एक पोस्ट शेअर करून मोदी सरकारने देशातील महिलांना स्वावलंबी बनवण्यासाठी मोफत शिलाई मशीन योजना सुरू केल्याचा दावा केला जात आहे. या योजनेअंतर्गत मोदी सरकार सर्व राज्यातील महिलांना मोफत शिलाई मशीन देत आहे. हा मेसेज फेक असल्याचे विश्वास न्यूजला आढळले. अशी कोणतीही योजना मोदी सरकार चालवत नाही.
काय होत आहे व्हायरल?
फेसबुक यूजर Karnal Ki Pehchan ने व्हायरल पोस्ट शेअर करून लिहले: “देश की महिलाओं को आत्मनिर्भर बनाने के लिए सरकार ने फ़्री सिलाई मशीन योजना शुरू की है। इस योजना का लाभार्थ महिलायें ऑनलाइन आवेदन कर कि प्राप्त कर सकती है। इसके लिए अधिकारिक वेबसाइट www.india.gov.in पर आवेदन करना होगा। उसके पश्चात् पीडीएफ का प्रिंट आउट लेकर फार्म को संबंधित ऑफ़िस में जमा करवाना होगा। इसके पश्चात् सरकार द्वारा प्रार्थी को दे दी जाएगी।” #silaimachine #centralgovernment
ह्या पोस्ट चा आर्काइव्ह व्हर्जन इथे बघा.
तपास:
विश्वास न्यूज ने दाव्याची सत्यता तपासण्यासाठी अनेक कीवर्डद्वारे Google वर शोध घेतला. परंतु व्हायरल दाव्याशी संबंधित कोणताही विश्वासार्ह मीडिया रिपोर्ट आम्हाला मिळालेला नाही.
तपास पुढे नेत आम्ही अनेक सरकारी पोर्टल्स चाळायला सुरुवात केली. पण अशी कोणतीही योजना आम्हाला कुठेही माहिती नाही. आम्ही पंतप्रधान मोदी आणि पीएमओचे अधिकृत सोशल मीडिया खाते देखील तपासले, परंतु आम्हाला तेथे अशा कोणत्याही योजनेशी संबंधित कोणतीही माहिती मिळाली नाही.
पीआयबीने 19 जुलै 2022 रोजी केलेल्या ट्विटमध्ये याचा इन्कार केला होता. मथळ्यानुसार, अशी कोणतीही योजना सरकार चालवत नाही. यासोबतच तुमची वैयक्तिक माहिती अशा प्रकारे कोणाशीही शेअर करू नका, असा सल्लाही पीआयबीला देण्यात आला आहे.
आम्ही सखोल पुष्टीकरणासाठी शिब प्रसाद, मीडिया समन्वयक, सामाजिक न्याय आणि सक्षमीकरण विभाग यांच्याशी संपर्क साधला. त्यांनी आम्हाला सांगितले की व्हायरल दावा खोटा आहे. या प्रकारची कोणतीही योजना शासनाकडून राबविली जात नाही. लोकांची फसवणूक करण्याचा खोटा दावा करून अशा पोस्ट सोशल मीडियावर शेअर केल्या जात आहेत.
तपासाच्या शेवटच्या टप्प्यात, आम्ही पोस्ट शेअरिंग पेज Karnal Ki Pehchan चा बॅकग्राउंड तपासाला. आम्हाला कळले की फेसबुकवर वापरकर्त्याचे 130,946 फॉलोअर्स आहेत. हे पेज 3 फेब्रुवारी 2020 पासून फेसबुकवर सक्रिय आहे.
निष्कर्ष: विश्वास न्यूजने त्यांच्या तपासणीत असे आढळले की मोदींनी सर्व महिलांना मोफत शिलाई मशीन देण्याची पोस्ट खोटी आहे. अशी कोणतीही योजना मोदी सरकार चालवत नाही.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923