Fact Check: आलिया ने नाही केले भाजप आणि मोदी वर वक्तव्य, व्हायरल दावा खोटा

नवी दिल्ली (विश्वास न्यूज): बॉलीवूड चित्रपटांवर बहिष्कार घालत असतानाच ‘ब्रह्मास्त्र’ हा चित्रपट मोठ्या पडद्यावर प्रदर्शित झाला. चित्रपटाची मुख्य अभिनेत्री आलिया भट्टची एक पोस्ट व्हायरल होत आहे. यामध्ये त्यांच्या छायाचित्राचा वापर करून त्यांनी पंतप्रधान नरेंद्र मोदी आणि भाजपविरोधात वक्तव्य केल्याचा दावा करण्यात आला आहे. बीबीसी न्यूज हिंदीचा लोगोही या पोस्टमध्ये वापरण्यात आला आहे. त्यामुळे सोशल मीडिया यूजर्स ते आलियाचे खरे वक्तव्य म्हणून व्हायरल करत आहेत.

विश्वास न्यूजने या पोस्टचा सविस्तर तपास केला. चौकशीत ते पूर्णपणे निराधार असल्याचे निष्पन्न झाले. आलियाच्या बाजूने असे कोणतेही वक्तव्य कधीच करण्यात आलेले नाही. बीबीसी हिंदीनेही अशी कोणतीही बातमी प्रसिद्ध केलेली नाही.

काय होत आहे व्हायरल?
फेसबुक यूजर उमेश गुप्‍ता ने 3 सप्टेंबर रोजी एक पोस्ट केली, ज्यात लिहले होते: ‘बॉलीवुड का अहंकार है कि जा ही नही रहा। इनलोगों से जुडे सभी का बहिष्कार आवश्यक हो गया है फिल्म हो, टेलीमिडिया हो, क्रिकेट हो या विज्ञापन हो। पुर्णतः बहिष्कार।’
ह्या पोस्ट च्या सपोर्ट मध्ये आलिया चे एक खोटे वक्तव्य वापरण्यात आले होते.

ह्या पोस्ट ला बाकी लोकं देखील व्हायरल करत आहेत, हि पोस्ट आणि त्याचा आर्काइव्ह व्हर्जन इथे बघा.

तपास:

विश्वास न्यूजने गुगल ओपन सर्च टूलद्वारे तपास सुरू केला. आलियाच्या कथित विधानाच्या आधारे प्रथम कीवर्ड तयार केले गेले. त्यानंतर त्यांना गुगलमध्ये शोधण्यात आले. व्हायरल पोस्टच्या सत्यतेची पुष्टी करणारी एकही बातमी आम्हाला सापडली नाही. आलियाच्या वतीने असे विधान केले असते तर ते नक्कीच मीडियाच्या मथळ्यात आले असते.

तपास पुढे नेत बीबीसी हिंदीची वेबसाईट शोधण्यात आली. तिथेही आम्हाला अशी कोणतीही बातमी मिळाली नाही. शोध दरम्यान, आम्हाला बीबीसी हिंदीच्या सोशल मीडिया हँडलवर व्हायरल पोस्टचे खंडन निश्चितपणे आढळले. बीबीसी न्यूज हिंदी द्वारे 7 सप्टेंबर रोजी पोस्ट केले (भाषांतर): ‘अभिनेत्री आलिया भट्टच्या विधानाचे वर्णन करताना, ते बीबीसी हिंदीच्या नावाने सोशल मीडियावर शेअर केले जात आहे. यामध्ये बीबीसी हिंदीचा लोगोही वापरण्यात आला आहे. पण हे खोटे आहे आणि त्याचा बीबीसी हिंदीशी काहीही संबंध नाही.’ हे विधान बीबीसी हिंदीच्या ट्विटर हँडल आणि फेसबुक पेजवर वाचता येईल.

या व्हायरल पोस्टबाबत विश्वास न्यूजने बीबीसी हिंदीचे संपादक मुकेश शर्मा यांच्याशी संपर्क साधला. त्यांनी सांगितले की व्हायरल पोस्ट बनावट आहे.

मुंबईत बॉलीवूड कव्हर करणाऱ्या दैनिक जागरणच्या ज्येष्ठ पत्रकार स्मिता श्रीवास्तव यांनीही याला बनावट म्हटले आहे.

विश्वास न्यूजने तपासाअंती बनावट पोस्ट करणाऱ्या युजरची चौकशी केली. फेसबुक यूजर उमेश गुप्ता यांचे ३६०० हून अधिक मित्र आहेत. या खात्याला फॉलो करणाऱ्यांची संख्या २७६५ आहे.

विश्वास न्यूजने बॉलीवूड चित्रपटांवर बहिष्कार टाकण्याशी संबंधित अनेक बनावट पोस्टची चौकशी केली आहे. तुम्ही हे अहवाल इथे, इथे आणि इथे वाचू शकता.