Fact check:पंतप्रधान नरेंद्र मोदी ह्यांनी आपल्या आईच्या निधनानंतर मुंडन केले नाही, व्हायरल पोस्ट खोटी आहे

नवी दिल्ली (विश्वास न्यूज): भारताचे पंतप्रधान नरेंद्र मोदी यांचा एक फोटो सोशल मीडिया वर प्रचंड व्हायरल होत आहे, ज्यामध्ये त्यांनी मुंडण केल्याचे दिसून येत आहे. पंतप्रधान नरेंद्र मोदी यांच्या आई हीराबेन मोदी यांचे नुकतेच निधन झाले असून त्या ९९ वर्षांच्या होत्या आणि त्याच दिवशी त्यांच्यावर अंत्यसंस्कार करण्यात आले. हिंदू रितीरिवाजांनुसार मोदींनी मुंडण केल्याचा दावा पोस्टमध्ये करण्यात आला आहे. विश्वास न्यूजच्या तपासात ही व्हायरल पोस्ट खोटी असल्याचे समोर आले.

काय होत आहे व्हायरल?
फेसबुक यूजर, प्रवीण राठौड़ ठि.हरनावा पट्टी ह्यांनी व्हायरल पोस्ट शेअर केली आणि लिहले: माननीय प्रधानमंत्री श्री नरेंद्र मोदी जी ने हिंदू रीति रिवाज के अनुसार अपनी मां के लिए तीये पर मुंडन करवाया है;
धन्य है ये कर्मयोगी🙏🙏 माता जी हीराबा को भावभीनी श्रद्धांजलि🌹🌹😭 #narendramodi #namo

भाषांतर: नरेंद्र मोदी यांच्या आई हिराबेन यांच्या निधनानंतर पंतप्रधान नरेंद्र मोदी यांनी हिंदू रितीरिवाजांनुसार मुंडन केले.

हि पोस्ट आणि त्याचा आर्काइव्ह व्हर्जन इथे बघा.

तपास:

विश्वास न्यूजने पंतप्रधान नरेंद्र मोदी आणि त्यांच्या आईच्या निधनाबद्दल बातम्यांचा शोध घेऊन तपास सुरू केला.

आम्हाला त्यांच्या आईच्या निधनाच्या काही बातम्या सापडल्या. पण आम्हाला कुठेच, मोदी यांनी मुंडन केले, असे सांगणारी बातमी सापडली नाही.

पंतप्रधान मोदींच्या आईच्या निधनानंतर त्यांनी पश्चिम बंगालमधील रेल्वे प्रकल्पांचे व्हर्चुल उद्घाटन केले. बातम्यांमध्ये त्यांचे चित्र होते आणि त्याने आपले मुंडण केल्यासारखे त्यात दिसत नव्हते.

कोलकाता येथील राष्ट्रीय गंगा परिषदेच्या बैठकीचे त्यांनी व्हर्चुल अध्यक्षपद भूषवले. तिथेही त्यांनी मुंडन केले असल्याचे दिसत नव्हते.

आम्ही त्यांची ट्विटर प्रोफाइल देखील तपासली, त्यात देखील त्यांच्या नुकत्याच पोस्ट केलेल्या चित्रात मुंडन केले असल्याचे दिसत नव्हते.

तपासाच्या पुढच्या टप्प्यात आम्ही यांडेक्स सर्च चा वापर करून खरे चित्र देखील शोधून काढले.
दोन्ही चित्रांमधील तुलनात्मक अध्ययन खाली बघा.

तपासाच्या पुढच्या टप्प्यात आम्ही, डॉ बिझय सोनकर शास्त्री, भाजप चे राष्ट्रीय प्रवक्ते यांना संपर्क केला. त्यांनी आम्हाला सांगितले कि व्हायरल दावा खोटा आहे. आणि मोदी यांची प्रतिमा खराब करण्यास हि पोस्ट करण्यात आली आहे. “जर का त्यांनी मुंडन केले असते, ते आपल्या त्यांच्या ऑफिशिअल हॅन्डल्स आणि त्यांच्या सार्वजनिक दर्शनात दिसले असते”, असे शास्त्री म्हणाले.

तपासाच्या शेवटच्या टप्प्यात व्हायरल पोस्ट करणाऱ्या व्यक्तीचे आम्ही सोशल बॅकग्राउंड चेक केले. फेसबुक यूजर प्रवीण राठौड़ ठि.हरनावा पट्टी ह्यांचे सात हजार फॉलोवर आहेत.