Fact Check: पीएम मोदींसोबत दिसणारे गुजरातचे कृषी मंत्री राघवजी पटेल आहे, अजंठा ग्रुपचे संस्थापक नाही

नवी दिल्ली (विश्वास न्यूज): गुजरातमधील मोरबी येथील पूल दुर्घटनेशी जोडून पीएम मोदींचा एक फोटो मोठ्या प्रमाणात व्हायरल होत आहे. फोटोमध्ये पीएम मोदी एका व्यक्तीसोबत उभे असल्याचे दिसत आहे. हा फोटो शेअर करून दावा केला जात आहे की, ज्या व्यक्तीसोबत पीएम मोदी उभे आहेत, ती व्यक्ती मोरबी ब्रिजचे नूतनीकरण करणाऱ्या कंपनीचे मालक आहे.

विश्वास न्यूजच्या तपासात हा व्हायरल दावा खोटा निघाला. व्हायरल फोटोमध्ये पंतप्रधान मोदींसोबत उभा असलेला माणूस गुजरातचे कृषी मंत्री राघवजी पटेल आहे. त्याचवेळी, मोरबी पुलाच्या नूतनीकरणाचे काम करणाऱ्या कंपनीचे नाव अजिंठा ग्रुप असून त्यांच्या संस्थापकाचे नाव ओधवजी राघवजी पटेल आहे. ओधवजी राघवजी पटेल यांचे २०१२ साली निधन झाले.

काय होत आहे व्हायरल?

फेसबुक यूजर प्रकाश पांडे ने 31 ऑक्टोबर रोजी व्हायरल चित्र शेअर करून लिहले: “ये मोदी के साथ ओधव पटेल है इसी को मोरबी ब्रिज रिपेयर का करोड़ों का टेंडर दिया गया था..आज जो मोरबी गुजरात मे 91 लोगों की मृत्यु हुई है… आकडा बढता जा रहा है.. उसमे 50 छोटे बच्चे है ! उद्योगपति ओधव पटेल नाम का व्यक्ति तीन कंपनियों को चलाता है. ओरेवा, अजंता, ओरपट… तीनों कंपनियों पर मोदीजी का हाथ है इसमे कोई संदेह नही ?”

सोशल मीडिया वर इतर यूजर हि पोस्ट खरी समजून शेअर करत आहेत. पोस्ट चा आर्काइव्ह व्हर्जन इथे बघा.

तपास:
व्हायरल फोटोचे सत्य जाणून घेण्यासाठी आम्ही गुगल रिव्हर्स इमेजद्वारे फोटो शोधला. या दरम्यान, आम्हाला 14 ऑक्टोबर 2021 रोजी पत्रिका वेबसाइटवर प्रकाशित झालेल्या व्हायरल फोटोशी संबंधित एक अहवाल मिळाला. रिपोर्टनुसार, व्हायरल फोटोमध्ये पंतप्रधान मोदींसोबत दिसणारा माणूस गुजरातचे कृषी मंत्री राघवजी पटेल आहे.

आम्ही गुजरातचे कृषी मंत्री राघवजी पटेल यांचे सोशल मीडिया खाते स्कॅन करण्यास सुरुवात केली. यादरम्यान आम्हाला हे चित्र राघवजी पटेल यांच्या अधिकृत फेसबुक अकाउंटवर अपलोड करण्यात आले. हा फोटो 14 ऑक्टोबर 2021 रोजी शेअर करण्यात आला होता. कॅप्शनमध्ये दिलेल्या माहितीनुसार, राघवजी पटेल यांनी गुजरातच्या कृषी समस्यांवर चर्चा करण्यासाठी दिल्लीत पंतप्रधान मोदींची भेट घेतली होती.

अधिक माहितीसाठी, आम्ही गुजरात दैनिक जागरणचे राजकारण कव्हर करणारे उपसंपादक राजेंद्र सिंह यांच्याशी संपर्क साधला. आम्ही व्हायरल दावा त्यांच्याशी शेअर केला. त्यांनी आम्हाला सांगितले की व्हायरल दावा खोटा आहे. हे गुजरात सरकारचे कृषिमंत्री राघवजी पटेल असून त्यांचा मोरबीच्या झुलता पूल आणि तिथे घडलेल्या घटनेशी काहीही संबंध नाही.पंतप्रधानांच्या भेटीचा हा फोटो बराच जुना आहे. राघवजी पटेल यांनी 2017 मध्ये काँग्रेसमधून बंड करून भाजपमध्ये प्रवेश केला होता आणि सध्या ते राज्य सरकारमध्ये कृषी मंत्री आहेत. त्यांचा अजिंठा ग्रुपशी काहीही संबंध नाही.

अधिक तपास करून मोरबी पुलाच्या नूतनीकरणाच्या कामात गुंतलेल्या कंपनीचा शोध सुरू केला. द हिंदूवर प्रसिद्ध झालेल्या वृत्तानुसार, अजिंठा ग्रुप पुलाच्या नूतनीकरणाचे काम करत होता. अमर उजालाच्या अहवालानुसार, अजिंठा समूहाचे संस्थापक ओधवजी राघवजी पटेल होते. 19 ऑक्टोबर 2012 रोजी लाईव्ह मिंटमध्ये प्रसिद्ध झालेल्या वृत्तात दिलेल्या माहितीनुसार, ओधवजी राघवजी पटेल यांचे 2012 साली निधन झाले.

आम्ही फेसबुक वापरकर्ता प्रकाश पांडे यांचे प्रोफाइल स्कॅन केले, ज्याने दिशाभूल करणारा दावा करून प्रतिमा शेअर केली. फेसबुकवर युजरचे चार हजार आठशेहून अधिक मित्र आहेत. प्रोफाइलवर दिलेल्या माहितीनुसार, युजर उज्जैनचा रहिवासी आहे.

निष्कर्ष: विश्वास न्यूजच्या तपासात मोरबी पुलाच्या नूतनीकरणाचे काम करणाऱ्या कंपनीच्या मालकाच्या नावाने करण्यात येत असलेला व्हायरल दावा खोटा ठरला. व्हायरल फोटोमध्ये पंतप्रधान मोदींसोबत उभा असलेला माणूस गुजरातचे कृषी मंत्री राघवजी पटेल आहे. त्याचवेळी, मोरबी पुलाच्या नूतनीकरणाचे काम करणाऱ्या कंपनीचे नाव अजिंठा ग्रुप असून त्यांच्या संस्थापकाचे नाव ओधवजी राघवजी पटेल आहे. ओधवजी राघवजी पटेल यांचे २०१२ साली निधन झाले.

टॅग्स

• BJP
• Fact Check
• fake news
• Gujarat Agriculture Minister Raghavji Patel
• Narendra Modi
• Raghavji Patel