Fact Check: मुलायम सिंह यादव चा चार वर्ष जुना व्हिडिओ आता खोट्या दाव्यासह व्हायरल

नवी दिल्ली (विश्वास न्यूज): मुलायम सिंह यादव यांचा एक व्हिडिओ सध्या सोशल मीडियावर मोठ्या प्रमाणात व्हायरल होत आहे. व्हिडिओमध्ये मुलायम सिंह यादव आजपर्यंत आपल्या मुलाला कोणीही मुख्यमंत्री बनवलेले नाही, असे म्हणताना दिसत आहेत. पण मी बनवले आणि त्याने स्वतःच्या काकांना हाकलून दिले. जो त्याच्या वडिलांचा झाला नाही, तो दुसऱ्याचा काय होणार? सोशल मीडियावर युजर्स हा व्हिडिओ आताचा समजून शेअर करत आहेत. तसेच, युजर्सचा दावा आहे की, मुलायम सिंह यादव स्वतः समाजवादी पक्षाला मतदान न करण्याचे आवाहन करत आहेत. विश्वास न्यूजने केलेल्या तपासात हा दावा खोटा असल्याचे आढळून आले आहे. मुलायम सिंह यादव यांचा व्हिडिओ २०१७ सालचा आहे.

काय होत आहे व्हायरल?

फेसबुक युजर Shiv Pratap Singh Chauhan ह्यांनी लिहले: समाजवादियो ये क्या है ये माननीय मुलायम सिंह जी ने क्या कह दिया जो अखिलेश अपने बाप का नहीं हुआ वह देश का क्या होगा: मुलायम सिंह यादव। भास्कर द्वारा जारी यह वीडियो पूरे यूपी में वायरल हो रहा है।

व्हायरल पोस्टचा मजकूर येथे आहे तसा लिहिला आहे. पोस्टचा आर्काइव्ह व्हर्जन इथे बघा. यूजर्स हा दावा ट्विटरवरही शेअर करत आहेत.

जो अखिलेश अपने बाप का नहीं हुआ वह देश का क्या होगा: मुलायम सिंह यादव
भास्कर द्वारा जारी यह वीडियो पूरे यूपी में वायरल हो रहा है। pic.twitter.com/TvbnWgHzwx

— Krishna Prasad (@PrasadKrishnaWB) December 1, 2021

तपास:
व्हायरल दाव्याचे सत्य जाणून घेण्यासाठी, आम्ही अनेक कीवर्डद्वारे गूगल सर्च केले. या दरम्यान, आम्हाला दैनिक जागरणच्या वेबसाइटवर व्हायरल दाव्याशी संबंधित एक बातमी मिळाली. 2 एप्रिल 2017 रोजी प्रसिद्ध झालेल्या या बातमीनुसार मुलायम सिंह यादव पैक्सफेड चेअरमन तोताराम यादव यांच्या हॉटेलच्या उद्घाटनासाठी मैनपुरी येथे गेले होते. तिथे त्यांनी अखिलेश यादव यांच्याबद्दल पंतप्रधान मोदींनी जे बोलले ते बरोबर असल्याचे सांगितले. त्याच्या वडिलांचे काय झाले नाही, दुसऱ्याचे काय होणार?

अधिक माहितीसाठी आम्ही दैनिक जागरणचे पत्रकार धर्मेंद्र पांडे ह्यांना संपर्क केला. त्यांनी आम्हाला सांगितले की व्हायरल होत असलेला व्हिडिओ अलीकडचा नाही. व्हायरल झालेला व्हिडिओ 2017 चा आहे. त्यावेळी मैनपुरी येथील एका कार्यक्रमात त्यांनी हे वक्तव्य केले. त्यावेळी आम्ही या संदर्भातील बातम्याही प्रसिद्ध केल्या होत्या.

तपासाअंती, आम्ही फेसबुक यूजर Shiv Pratap Singh Chauhan ह्यांचे सोशल स्कॅनिंग केले त्यावरून आम्हाला कळले की फेसबुक यूजर मूळचा उत्तर प्रदेशचा आहे आणि त्याला 700 हून अधिक लोकांनी फॉलो केले आहे.

निष्कर्ष: विश्वास न्यूज च्या तपासात कळले कि मुलायम सिंह यादव चा व्हायरल होत असलेला व्हिडिओ 2017 चा आहे.

टॅग्स

• Akhilesh Yadav
• Fact Check
• Mulayam
• Mulayam Singh Yadav