Fact Check: जालंधर मध्ये ‘लाल सिंह चड्ढा’ मूवी च्या समर्थन चे हे छायाचित्र आहे, विरोधाचे नाही

नवी दिल्ली (विश्वास न्यूज): आमिर खानचा प्रसिद्ध चित्रपट ‘लाल सिंह चड्ढा’ रिलीज झाल्यानंतर सोशल मीडियावर एक फोटो शेअर केला जात आहे. यामध्ये काही शीख चित्रपटाचे पोस्टर घेऊन जाताना दिसत आहेत. फोटो शेअर करून युजर्स दावा करत आहेत की हा फोटो जालंधरमधील ‘लाल सिंह चड्ढा’च्या विरोधातील आहे. यावेळी आमिर खान मुर्दाबादच्या घोषणाही देण्यात आल्या.

विश्वास न्यूजने तपासात असे आढळून आले की, व्हायरल झालेला फोटो हा चित्रपटाच्या निषेधाचा नसून समर्थनार्थ केलेल्याचा आहे. जालंधरमध्ये शिवसेनेने चित्रपटगृहाबाहेर चित्रपटाच्या विरोधात निदर्शने केली. यानंतर शिखांनी तेथे पोहोचून चित्रपटाला पाठिंबा दिला.

काय होत आहे व्हायरल?

फेसबुक यूजर ‘पंकज पाल‘ (आर्काइव लिंक) ने 12 ऑगस्ट रोजी फोटो शेअर केले आणि लिहले:

लाल सिंह चड्ढा का जालंधर में विरोध
लगे आमिर खान मुर्दाबाद के नारे।।

तपास:

व्हायरल दाव्याची चौकशी करण्यासाठी, आम्ही प्रथम ते Google वर कीवर्डसह शोधले. यामध्ये आम्हाला 12 ऑगस्ट रोजी इंडियन एक्सप्रेसमध्ये प्रसिद्ध झालेल्या बातमीची लिंक मिळाली. त्यात व्हायरल फोटोही आढळून आला. याच्या कॅप्शनमध्ये लिहिले आहे की, ‘लाल सिंग चड्ढा’ चित्रपटाच्या समर्थनार्थ प्रदर्शन करताना शिख. बातम्यांनुसार, जालंधरमधील पीव्हीआर सिनेप्लेक्समध्ये स्क्रीनिंग सुरू असताना शिवसेनेचे सदस्य पोहोचले आणि त्यांनी विरोध केला. यानंतर पोलिसांनी सिनेमा हॉलच्या व्यवस्थापकाशी बोलून स्क्रीनिंग थांबवले. यानंतर शीख संघटनेचे लोक तेथे पोहोचले आणि त्यांनी चित्रपटाच्या समर्थनार्थ घोषणाबाजी केली.

असेच चित्र ट्रिब्यून इंडियामध्ये ११ ऑगस्ट रोजी प्रसिद्ध झालेल्या बातमीत पाहायला मिळते. वृत्तानुसार, शिवसेनेने जालंधरमधील एमबीडी मॉलच्या बाहेर चित्रपटाच्या विरोधात निदर्शने केली. शीख संघटनाही तेथे पोहोचल्याने परिस्थिती तणावपूर्ण बनली. तेथील शिवसैनिकांचा विरोध करत त्यांनी चित्रपटाचे समर्थन केले.

अधिक माहितीसाठी, आम्ही जालंधरमधील दैनिक जागरणचे मुख्य रिपोर्टर मनोज त्रिपाठी यांच्याशी बोललो. ते म्हणतात, ‘एमबीडी मॉल जालंधरमध्ये शिवसेनेने निषेध केला आणि शीख संघटनांनी समर्थनार्थ घोषणाबाजी केली. फोटो समर्थनार्थ घोषणा देत आहे.

आम्ही फेसबुक पेज ‘पंकज पाल’ स्कॅन केले ज्याने चुकीचा दावा करून फोटो शेअर केला आहे. 1 फेब्रुवारी 2018 रोजी तयार करण्यात आलेल्या या पेजचे 18 हजार फॉलोअर्स आहेत.