Fact Check: जमुई येथील हिंदू जोडप्याच्या लग्नाचे प्रकरण बनावट “भगवा लव ट्रैप”च्या दाव्यासह सामायिक केले जात आहे

नवी दिल्ली (विश्वास न्यूज) सोशल मीडियावर एक व्हिडिओ व्हायरल होत आहे, ज्यामध्ये एक तरुण आणि मुलगी मंदिराच्या आवारात लग्न करताना दिसत आहे. व्हिडिओ शेअर करताना दावा केला जात आहे की जमुई येथील एका हिंदू शिक्षकाने मुस्लिम विद्यार्थिनीशी लग्न केले आहे. हे प्रकरण “भगवा लव ट्रैप” या उद्देशाने व्हायरल केले जात आहे.

बिहारच्या जमुई येथे झालेल्या या विवाहात तरुण आणि तरुणी दोघेही हिंदू समाजाचे होते, मुलीचा मुस्लिम असल्याचा दावा खोटा असल्याचे विश्‍वास न्यूजला तपासात आढळून आले आहे.

व्हायरल पोस्टमध्ये काय आहे?

व्हायरल व्हिडिओ शेअर करताना फेसबुक युजरने लिहिले की, “जमुई, बिहार येथे “प्रकाश वर्मा” नावाच्या एका शिक्षकाने आपल्या मुस्लिम विद्यार्थिनी “झीनत” ला ऑनलाईन अभ्यासादरम्यान प्रेमाच्या जाळ्यात अडकवले. मुलीच्या घरच्यांचे पटले नाही तेव्हा हिंदू शिक्षकाने त्या मुलीला 1900 km दुर पळून यायला सांगितले आणि कोर्ट मॅरेज नंतर धर्मांतर करून मंदिरात लग्न केले #BhagwaLoveTrap”.

पोस्ट चे आर्काइव वर्जन येथे पहा.

तपास

आमचा तपास सुरू करून, सर्वप्रथम आम्ही कीवर्डसह बातम्या शोधल्या आणि आम्हाला नवभारत टाइम्स. इंडिया टाइम दिनांक 19 जानेवारीची बातमी सापडली. मिळालेल्या खबरीनुसार, बिहारच्या जमुई येथून लग्नाचे अनोखे प्रकरण समोर आले आहे. या दोघांमध्ये सुमारे पाच वर्षांपासून अफेअर सुरू असल्याचे सांगण्यात येत आहे. घरच्यांना न पटल्याने दोघांनी आधी कोर्टात लग्न केले आणि नंतर मंदिरात लग्न केले. गर्लफ्रेंड जिनल कुमारी बॉयफ्रेंड जय प्रकाशची कोचिंग विद्यार्थिनी होती.

न्यूज 18 वर दिलेल्या खबरीनुसार, “विवाहित प्रियकर, 28 वर्षीय जयप्रकाश वर्मा, जमुई जिल्ह्यातील चकई येथे कोचिंग ऑपरेटर आहे. त्याची मैत्रीण, 23 वर्षीय जिनल कुमारी, तीसरी, झारखंड येथील सॉफ्टवेअर इंजिनिअर आहे. दोघांमध्ये प्रेमप्रकरण सुरू होते. नंतर, जेव्हा त्यांचे कुटुंबीय त्यांच्या लग्नासाठी तयार नव्हते, तेव्हा सॉफ्टवेअर इंजिनियर प्रेयसीने सुमारे 2000 किलोमीटरचे प्रवास करुन जमुई गाठली आणि तिचा प्रियकर, कोचिंग डायरेक्टर जयप्रकाश वर्मा यांच्याशी लग्न केले.

19 जानेवारी 2024 रोजी व्हायरल झालेल्या न्यूज 18 च्या यूट्यूब चॅनलवर अपलोड केलेला या लग्नाशी संबंधित व्हिडिओ देखील आम्हाला आढळला.

याच विषयावरील दैनिक जागरणच्या 19 जानेवारीच्या खबरीनुसार, “प्रेमी जयप्रकाशने सांगितले की, सोशल मीडियावर असा दावा केला जात आहे की आम्ही दोघे गुरु-शिष्य आहोत, परंतु तसे नाही. मी कोचिंग सेंटरमध्ये फक्त इंटरमिजिएट पर्यंत मुलांना शिकवतो आणि तो सॉफ्टवेअर इंजिनियर आहे. आम्हा दोघांचे गेल्या ५ वर्षांपासून अफेअर होते. ती झारखंडची असून चकाई येथे आली होती. बातमीत दिलेल्या खबरीनुसार, मुलीचे नाव जिनल कुमारी आणि तिच्या वडिलांचे नाव संतोष कुमार साव आहे.

पुष्टी करण्यासाठी आम्ही दैनिक जागरण जमुईचे रिपोर्टर संजय कुमार यांच्याशी संपर्क साधला. आणि ते असेही म्हणाले की, “हे प्रकरण वेगवेगळ्या समाजातील जोडप्याच्या लग्नाचे नव्हते”.

बनावट दाव्यासह व्हिडिओ शेअर करणाऱ्या फेसबुक वापरकर्त्याच्या सोशल स्कॅनिंगदरम्यान, आम्हाला आढळले की वापरकर्त्याचे 113 फॉलोअर्स आहेत.

निष्कर्ष: विश्वास न्यूजला त्यांच्या तपासणीत असे आढळून आले की बिहारमधील जमुई येथे झालेल्या या लग्नात तरुण आणि मुलगी दोघेही हिंदू समाजाचे होते, मुलीचा मुस्लिम असल्याचा दावा खोटा आहे.