Fact Check: स्मृती इराणी चे दोन वर्ष जुने चित्र एडिट करून राहुल गांधी च्या ‘भारत जोडो यात्रा’ सोबत जोडून व्हायरल

नवी दिल्ली (विश्वास न्यूज): स्मृती इराणी यांचा एक फोटो सोशल मीडियावर मोठ्या प्रमाणात व्हायरल होत आहे. फोटोमध्ये स्मृती इराणी लॅपटॉपवर राहुल गांधींच्या फोटोकडे बघताना दिसत आहेत. स्मृती इराणी बसून राहुल गांधींच्या ‘भारत जोडो यात्रे’बद्दल पाहत असल्याचे हे छायाचित्र शेअर करून सांगितले जात आहे.

विश्वास न्यूजने व्हायरल झालेले चित्र तपासले असता ते एडिट केलेले असल्याचे समजले. व्हायरल झालेला फोटो अलीकडचा नसून २०२० सालचा आहे. प्रचाराच्या उद्देशाने खोटा दावा करून चित्र एडिट करून शेअर केले जात आहे.

काय होत आहे व्हायरल?

फेसबुक यूजर राजा गोरखपुरी ने वायरल चित्र 16 सप्टेंबर 2022 रोजी शेअर केले आणि कॅप्शन मध्ये लिहले, “भारत जोड़ो यात्रा में राहुल गाँधी पर पैनी नज़र रखे हुए है।”
हि पोस्ट आणि त्याचा आर्काइव्ह व्हर्जन इथे बघा.

तपास:

व्हायरल फोटोचे सत्य जाणून घेण्यासाठी आम्ही गुगल रिव्हर्स इमेजद्वारे फोटो शोधला. यादरम्यान, आम्हाला अनेक बातम्यांमध्ये मूळ फोटो सापडला. 10 डिसेंबर 2020 रोजी अमर उजालामध्ये प्रसिद्ध झालेल्या बातमीनुसार, स्मृती इराणी यांनी कोरोनादरम्यान घरून काम करतानाचा फोटो सोशल मीडियावर शेअर केला होता. यानंतर युजर्सनी त्याला थँग्स घातल्यामुळे ट्रोल केले.

अन्य न्यूज रिपोर्ट इथे पाहू शकता.

तपास पुढे नेत आम्ही स्मृती इराणी यांचे सोशल मीडिया अकाउंट स्कॅन करण्यास सुरुवात केली. या दरम्यान आम्हाला त्याच्या अधिकृत इंस्टाग्राम अकाऊंटवर अपलोड केलेले मूळ चित्र मिळाले. हा फोटो डिसेंबर २०२० मध्ये शेअर करण्यात आला होता.

दोन्ही चित्रांमधले अंतर खाली बघा.

अधिक माहितीसाठी आम्ही भाजपचे राष्ट्रीय प्रवक्ते विजय सोनकर यांच्याशी संपर्क साधला. त्यांनी आम्हाला सांगितले, ‘व्हायरल दावा खोटा आहे. अपप्रचार करण्याच्या उद्देशाने खोटा दावा करून हे छायाचित्र संपादित करून शेअर केले जात आहे.’

तपासाअंती, विश्वास न्यूजने राजा गोरखपुरी या बनावट पोस्ट वापरकर्त्याचे सोशल स्कॅनिंग केले. प्रोफाइलवर दिलेल्या माहितीनुसार, युजर गोरखपूरचा रहिवासी आहे. फेसबुकवर युजरला 399,898 लोक फॉलो करतात.