Fact Check: ‘3 इडियट्स’ मध्ये अमरदीप झा ने राजू च्या आईची भूमिका रेखाटली होती, विनिता सिंह ने नाही

नवी दिल्ली (विश्वास न्यूज): ‘3 इडियट्स’ चित्रपटातील राजू रस्तोगीच्या आईच्या भूमिकेबाबत सोशल मीडियावर एक पोस्ट व्हायरल होत आहे. यामध्ये शुगर कॉस्मेटिक्सच्या सीईओ विनिता सिंह यांनी ‘3 इडियट्स’ चित्रपटात एका गरीब आईची भूमिका साकारल्याचा दावा करत दोन छायाचित्रांचा कोलाज शेअर केला जात आहे. कोलाजमधील एक चित्र चित्रपटातील पात्र राजू रस्तोगीच्या आईचे आहे, तर दुसरे चित्र दुसऱ्या महिलेचे आहे.

विश्वास न्यूज च्या तपासात कळले कि ‘३ इडियट्स’ ह्या चित्रपटात, राजू रस्तोगीच्या आईची भूमिका अमरदीप झा ह्यांनी निभावली होती, विनिता सिंह ने नाही. या कोलाज ला चुकीच्या दाव्यासह शेअर केले जात आहे.

काय होत आहे व्हायरल?
फेसबुक यूजर Dr. APJ Abdul Kalam Film (आर्काइव्ह लिंक) ने 9 जानेवारी रोजी एक कोलाज पोस्ट करून लिहले,

CEO of Sugar Cosmetics, Vineeta Singh didn’t feel ashamed or nervous and proudly played the role of a poor mother in 3 Idiots
(शुगर कॉस्मेटिक्सच्या सीईओ विनिता सिंग यांनी 3 इडियट्समध्ये एका गरीब आईची भूमिका अभिमानाने साकारली आहे.)

तपास:
व्हायरल दाव्याची पडताळणी करण्यासाठी, आम्ही प्रथम 3 इडियट्स चित्रपटात राजूच्या आईची भूमिका करणाऱ्या अभिनेत्रीबद्दल कीवर्ड सर्च केले. 28 मार्च 2022 रोजी NDTV मध्ये प्रसिद्ध झालेल्या बातमीनुसार, चित्रपटात राजू रस्तोगीच्या आईची भूमिका करणाऱ्या अमरदीप झा यांची प्रसिद्धी चित्रपटानंतर चांगलीच वाढली होती.

चित्रपटातील सर्व पात्रांची नावे IMDb च्या वेबसाईटवर देखील पाहता येतील. त्यानुसार अमरदीप झा यांनी मिसेस रस्तोगी यांची भूमिका साकारली. यामध्ये विनिता सिंगचे नाव कुठेही कोणत्याही पात्रात दिसले नाही. म्हणजे चित्रपटात राजूच्या आईची भूमिका करणाऱ्या अभिनेत्रीचे नाव अमरदीप झा होते.

यानंतर, आम्ही कोलाजमध्ये दिलेला पहिला फोटो गुगल रिव्हर्स इमेजने शोधला. hindiexplainn वेबसाइटवरील फोटोचे श्रेय विनिता सिंगचे होते. विनिता या शुगर कॉस्मेटिक्स कंपनीच्या सीईओ आणि संस्थापक आहेत.

15 मार्च 2022 रोजी एबीपी लाइव्हमध्ये प्रकाशित झालेल्या एका बातमीत असे लिहिले आहे की, विनिता सिंह यांनी अलीकडेच एका व्हायरल मेमला उत्तर दिले आहे, ज्यामध्ये तिची अमरदीप झा यांच्याशी तुलना करण्यात आली आहे. अमरदीप झा यांनी ‘3 इडियट्स’ चित्रपटात राजू रस्तोगीच्या आईची भूमिका साकारली होती.

12 मार्च 2022 रोजी, विनिता सिंह (आर्काइव्ह लिंक) यांनी त्यांच्या ट्विटर अकाऊंटवर एक व्हिडिओ पोस्ट केला, त्यात लिहिले,
All is not well! Stop with the photoshopping, Team
(सर्व काही ठीक नाही! फोटोशॉपिंग थांबवा.)

https://twitter.com/vineetasng/status/1502524974690873345?s=20&t=R_UQY389npJrSaOnt86tWA

याबाबत मुंबईतील ज्येष्ठ मनोरंजन पत्रकार पराग चाफेकर यांच्याशी बोललो. तो सांगतो, अमरदीप झा यांनी ‘3 इडियट्स’ चित्रपटात राजूच्या आईची भूमिका साकारली होती. सोशल मीडियावर व्हायरल झालेला दावा खोटा आहे.

खोटा दावा करणारे फेसबुक पेज Dr. APJ Abdul Kalam Film याचे आम्ही सोशल बॅकग्राउंड चेक केले. 17 फ़ेब्रुवारी 2017 रोजी हा प्रोफाइल बनवण्यात आला आणि त्यांना 559 यूजर्स फॉलो करतात.

निष्कर्ष: ‘3 इडियट्स’ मुवि मध्ये राजू रस्तोगी ह्या पात्राच्या आईची भूमिका अभिनेत्री अमरदीप झा यांनी रेखाटली होती, विनीता सिंह ने या चित्रपटात काम केले नव्हते.

टॅग्स

• 3 idiots
• amardeep jha
• Fact Check
• fake news
• vineeta singh