विश्वास न्यूज च्या तपासात कळले कि व्हायरल पोस्ट ज्यात दावा करण्यात येत होता कि मल्लिका शेरावत ह्यांनी ‘ओल्ड पिसमेकर लॉर्ड बुद्ध’ नावाचे पुस्तक लिहले आणि त्याची प्रस्तावना अमेरिकेचे माजी राष्ट्राध्यक्ष बराक ओबामा, ह्यांनी लिहली ते खोटे आहे. व्हायरल दावा खोटा आहे.
नवी दिल्ली (विश्वास न्यूज): विश्वास न्यूज ला एक पोस्ट फेसबुक आणि व्हाट्सअँप वर व्हायरल होताना दिसली. हि पोस्ट मराठी मध्ये होती. ह्या पोस्ट मध्ये दावा करण्यात येत होता कि बॉलीवूड अभिनेत्री मल्लिका शेरावत ने एक पुस्तक लिहले आहे, ज्याचे शीर्षक आहे, ‘ओल्ड पिसमेकर लॉर्ड बुद्ध’. विश्वास न्यूज च्या तपासात हा दावा खोटा असल्याचे समजले.
काय होत आहे व्हायरल?
फेसबुक यूजर ‘भिमसैनिक पेरणेकर गायकवाड‘ ने व्हायरल दावा शेअर करत मराठी मध्ये लिहले, मनःपूर्वक अभिनंदन……..
बॉलिवूडची प्रसिध्द चित्रपट अभिनेत्री मल्लिका शेरावत यांनी “ओल्ड पिसमेकर लॉर्ड बुद्ध” नावाचे पॅरिस भाषेमध्ये ग्रंथ प्रसिद्ध केला असून विशेष म्हणजे भरताला आणि जगालाही आश्चर्य वाटेल त्याची प्रस्तावना अमेरिकेचे माजी “राष्ट्राध्यक्ष बराक ओबामा” यांनी लिहिली आहे, भगवान गौतम बुद्धांचे पूर्ण चरित्र लिहिण्यासाठी मल्लिका यांना तीन वर्ष सात महिने लागले… या महान ग्रंथाचे प्रकाशन काल पॅरीसमध्ये करण्यात आले. त्याबद्दल मल्लिका शेरावत यांचे मनःपूर्वक अभिनंदन…
हि पोस्ट आणि त्याचा आर्काइव्ह व्हर्जन इथे बघा.
तपास:
आम्हाला ह्या पोस्ट मध्ये सगळ्यात आधी एक गोष्ट लक्षात आली आणि ती म्हणजे, ह्या मेसेज मध्ये भाषेचा, ‘पॅरिस’ असा उल्लेख केला होता. पॅरिस मध्ये फ्रेंच हि भाषा बोलली जाते, पॅरिस नाही.
तसेच आम्हाला ‘ओल्ड पिसमेकर लॉर्ड बुद्ध‘ नावाचे कुठलेच पुस्तक सापडले नाही.
आम्हाला अशी कुठलीच बातमी सापडली नाही, ज्यात मल्लिका शेरावत ह्यांनी पुस्तक प्रकाशित केल्याचे म्हंटले असेल.
त्यानंतर आम्ही बराक ओबामा आणि मल्लिका शेरावत चे चित्र, जे व्हायरल पोस्ट मध्ये होते, ते कुठे मिळते का ते तपासले.
आम्हाला हे चित्र dailypioneer.com नावाच्या एका वेबसाईट वर सापडले. त्या आर्टिकल चे शीर्षक होते: It was an honour meeting Barack Obama: Mallika Sherawat
मल्लिका शेरावत ने स्वतः हि सेल्फी शेअर करून बाराक ओबामा ह्यांना वाढदिवसाच्या शुभेच्छा दिल्या होत्या.
हि सेल्फी मल्लिका शेरावत ने 11 जानेवारी, 2016 रोजी पोस्ट केली होती.
तपासाच्या शेवटच्या टप्प्यात आम्ही मुंबई मधील बॉलीवूड कव्हर करणारे ज्येष्ठ पत्रकार पराग चापेकर ह्यांना संपर्क केला. त्यांनी मल्लिका शेरावत ह्यांना संपर्क केला पण त्या भारताबाहेर असल्या कारणाने त्यांना फोन लागला नाही. त्यांनी नंतर शेरावत ह्यांच्या आप्तेष्ठांना विचारणा केली, त्यात कळले कि मल्लिका शेरावत ह्यांनी कुठलेच पुस्तक लिहले नाही आहे. व्हायरल पोस्ट खोटी आहे.
शेवटी आम्ही भिमसैनिक पेरणेकर गायकवाड ह्यांचे सोशल बॅकग्राउंड चेक केले त्यात कळले कि ते मुंबई चे रहिवासी आहेत आणि त्यांचे १.४K मित्र फेसबुक वर आहेत.
निष्कर्ष: विश्वास न्यूज च्या तपासात कळले कि व्हायरल पोस्ट ज्यात दावा करण्यात येत होता कि मल्लिका शेरावत ह्यांनी ‘ओल्ड पिसमेकर लॉर्ड बुद्ध’ नावाचे पुस्तक लिहले आणि त्याची प्रस्तावना अमेरिकेचे माजी राष्ट्राध्यक्ष बराक ओबामा, ह्यांनी लिहली ते खोटे आहे. व्हायरल दावा खोटा आहे.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923