Fact Check: मायावती चा 2020 सालीचा जुना व्हिडिओ आता व्हायरल

नवी दिल्ली (विश्वास न्यूज): उत्तर प्रदेश विधानसभा निवडणुकांचा आता माहोल तयार झाला आहे. रस्त्यांपासून ते सोशल मीडियापर्यंत सर्वत्र निवडणुकीशी संबंधित कामे दिसून येत आहेत. या सगळ्यामध्ये आता बसपा प्रमुख मायावती यांचे एक वक्तव्य व्हायरल होत आहे. यामध्ये ते भाजपला पाठिंबा देत असल्याचे सांगण्यात येत आहे. विश्वास न्यूजने व्हायरल झालेल्या पोस्टची चौकशी केली. मायावतींचे जुने विधान, जे एमएलसी निवडणुकीशी संबंधित होते, ते आता विधानसभा निवडणुकीच्या तोंडावर चुकीच्या संदर्भात व्हायरल होत आहे. आमच्या तपासात, व्हायरल पोस्ट दिशाभूल करणारी असल्याचे कळले. मायावतींचे हे विधान सध्या अनेक यूजर्स शेअर करत आहेत.

काय होत आहे व्हायरल?
फेसबुक यूजर किशोर गोयल ने 18 जानेवारी रोजी एक पोस्‍ट केली आणि लिहले :’बदनीयती की साक्षात प्रतिमा!’
पोस्ट मध्ये एका न्यूज चॅनेल ची ब्रेकिंग प्लेट वापरण्यात आली होती, ज्यात मायावती चे चित्र स्पष्ट दिसते. ह्यात लिहले होते: मायावती का निशाना, बीजेपी को सपोर्ट करना पड़ा तो करेंगे : मायावती।

सोशल मीडिया वर ह्याच डावयासह पोस्ट्स व्हायरल होत आहे. फेसबुक पोस्ट चा आर्काइव्ह व्हर्जन इथे बघा.

तपास:

विश्वास न्यूजने यूपी विधानसभा निवडणुकीच्या 2022 च्या संदर्भात बसपा सुप्रीमो मायावती यांच्या व्हायरल विधानाचे सत्य जाणून घेण्यासाठी प्रथम गूगल रिव्हर्स इमेज सर्च टूल वापरला. या टूलमध्ये, व्हायरल पोस्ट अपलोड करून, आम्ही संबंधित कीवर्डवरून मूळ बातम्या शोधण्यास सुरुवात केली.

आम्हाला झी न्यूज वेबसाइटवर एक बातमी सापडली. 29 ऑक्टोबर 2020 रोजी प्रकाशित झालेल्या या बातमीत मायावतींनी MLC निवडणुकीत सपाला उत्तर देण्यासाठी भाजपला पाठिंबा देण्याचे सांगितले होते. बातमीत लिहिले आहे की, “मायावतींनी समाजवादी पक्षावर निशाणा साधला की, त्यांनी षड्यंत्राखाली 7 आमदार फोडले, खोटे शपथपत्र मिळवले. ही कारवाई एसपींना जड जाणार असल्याचेही ते म्हणाले. आता समाजवादी पक्षाला धडा शिकवण्यासाठी ती भाजपलाही पाठिंबा देऊ शकते. सपाला धडा शिकवण्यासाठी भाजपला मतदान करावे लागले तरी मागे हटणार नाही, असेही मायावती म्हणाल्या आहेत. एमएलसी निवडणुकीत, बसपा सर्वतोपरी उत्तर देण्याचा प्रयत्न करेल. ”

झी न्यूजची हि संपूर्ण बातमी इथे वाचा.

तपासादरम्यान विश्वास न्यूजला झी उत्तर प्रदेश उत्तराखंड चॅनेल चा एक फेसबुक लाईव्ह देखील मिळाला. हा 29 ऑक्टोबर 2020 रोजी करण्यात आला होता. आम्हाला कळले की सध्या व्हायरल होत असलेला स्क्रीनशॉट हा झी उत्तर प्रदेश उत्तराखंड वाहिनीचा जुना स्क्रीनशॉट आहे. लाइव्हच्या 14व्या मिनिटाला, आम्हाला तोच मजकूर दिसला, जो आता व्हायरल होत आहे. हा पूर्ण व्हिडिओ इथे बघा.

सर्च दरम्यान विश्वास न्यूजला एएनआयच्या ट्विटर हँडलवर एक जुना व्हिडिओ सापडला. मायावतींच्या पत्रकार परिषदेचा हा व्हिडिओ 29 ऑक्टोबर 2020 रोजी अपलोड करण्यात आला होता. त्यातही मायावती एमएलसी निवडणुकीच्या संदर्भात सपा उमेदवारांना पराभूत करण्यासाठी भाजप किंवा अन्य उमेदवारांना पाठिंबा देण्याबाबत बोलताना दिसल्या. हा संपूर्ण व्हिडिओ इथे बघा.

#WATCH BSP Chief Mayawati says that her party will vote for BJP or any party's candidate in future UP MLC elections, to defeat Samajwadi Party's second candidate.

"Any party candidate, who'll be dominant over SP's 2nd candidate, will get all BSP MLAs' vote for sure," she said. pic.twitter.com/ki4W6ZAwgE

— ANI (@ANI) October 29, 2020

विश्वास न्यूज ने तपासाच्या पुढच्या टप्प्यात बसपा चे राष्ट्रीय प्रवक्ता फैजान खान ह्यांना संपर्क केला. त्यांच्या सोबत व्हायरल पोस्ट व्हाट्सअँप ला शेअर केली. विश्वास न्यूज सोबत बोलताना ते म्हणाले, हे एक जुने वक्तव्य आहे जे आता चुकीच्या संदर्भासह व्हायरल होत आहे. हा दावा खोटा आहे.

तपासाच्या शेवटच्या टप्प्यात फेसबुक यूजर किशेर गोयल ह्यांची आम्ही सोशल स्कँनिंग केली. त्यात कळले कि यूजर एका राजनेतिक दलाचे आहे. ते मध्यप्रदेश च्या मंदसौर चे रहिवासी आहेत, त्यांना 1631 लोकं फॉलो करतात.

निष्कर्ष: विश्वास न्यूज च्या तपासत व्हायरल दावा दिशाभूल करणारा असल्याचे समजले. बसपा प्रमुख मायावती ह्यांचे एक जुने विधान आता चुकीच्या संदर्भासह व्हायरल होत आहे. मायावती ने हे वक्तव्य एमएलसी निवडणुकांच्या वेळी केले होते.

टॅग्स

• BSP
• Fact Check
• Mayawati
• UP elections 2022
• विधानसभा निवडणूक