Fact Check: नुपूर शर्मा ला धमकी देणारे मौलाना ह्यांना युपी नाही तर राजस्थान पोलिसांनी ताब्यात घेतले

नवी दिल्ली (विश्वास न्यूज): 15 सेकंदाचा एक व्हिडिओ सोशल मीडियावर व्हायरल होत आहे. यामध्ये पोलीस दोन जणांना सोबत घेत आहेत. नुपूर शर्माला धमकी देणाऱ्या मौलानाला यूपी पोलिसांनी अटक केल्याचा दावा युजर्स व्हिडिओसह करत आहेत. विश्वास न्यूजने केलेल्या तपासणीत हा दावा दिशाभूल करणारा असल्याचे आढळून आले. आरोपी मौलानाला यूपी पोलिसांनी नाही तर राजस्थानच्या बुंदी पोलिसांनी अटक केली आहे.

काय होत आहे व्हायरल?

फेसबुक यूजर ‘कृष्णा मिश्र‘ (आर्काइव लिंक) ने 1 जुलै रोजी व्हिडिओ शेअर करून लिहले:
कल #नूपुर शर्मा को धमकी दिया था #मौलाना ने..!!
आज यूपी #पुलिस ने इसकी डोली उठा ली

तपास:
व्हायरल व्हिडिओ तपासण्यासाठी, आम्ही प्रथम कीवर्डसह शोध घेतला. यामध्ये tv9hindi वर 1 जुलै रोजी प्रसिद्ध झालेल्या बातमीची लिंक मिळाली. यामध्ये व्हायरल व्हिडिओमध्ये दिसणार्‍या व्यक्तीचा फोटोही अपलोड करण्यात आला आहे. वृत्तानुसार, मौलाना मुफ्ती नदीम यांनी बुंदी जिल्हाधिकारी कार्यालयात नुपूर शर्मा यांच्याविरोधात प्रक्षोभक वक्तव्य केले होते. पोलिसांनी मौलानाला राजस्थानच्या बुंदी येथून अटक केली आहे. सुरक्षेच्या दृष्टीने मोठा पोलीस बंदोबस्त तैनात करण्यात आला आहे. याप्रकरणी पोलिसांनी आणखी एका मौलानाला अटक केली आहे.

ANI MP/CG/Rajasthan ने 1 जुलै रोजी फोटो ट्विट केला, की राजस्थानच्या बुंदी पोलिसांनी नुपूर शर्मा विरुद्ध चिथावणीखोर विधाने केल्याबद्दल दोन मौलानाना अटक केली आहे.

Rajasthan | Bundi Police have arrested two clerics accused of giving inflammatory statements during a protest against suspended BJP leader Nupur Sharma. Further probe underway pic.twitter.com/RMfAaVvdBx

— ANI MP/CG/Rajasthan (@ANI_MP_CG_RJ) July 1, 2022

1 जुलै रोजी News24 यूट्यूब चॅनलवर अपलोड केलेल्या व्हिडीओमध्ये हा व्हायरल व्हिडिओ पाहता येतो. त्याचे शीर्षक आहे, Nupur Sharma के खिलाफ भड़काऊ भाषण देने वाला मौलाना Mufti Nadeem हुआ गिरफ्तार | Rajasthan

अधिक तपशीलांसाठी, आम्ही बुंदीचे एसपी जय यादव यांच्याशी बोललो. ते म्हणतात, ‘मौलानाला बुंदी पोलिसांनी अटक केली आहे, यूपी पोलिसांनी नाही. ही बाब बुंदीची आहे. यूपी पोलिसांनी त्याला अटक केली हे म्हणणे चुकीचे आहे.

आम्ही फेसबुक वापरकर्त्या ‘कृष्णा मिश्रा’चे प्रोफाइल स्कॅन केले, ज्याने दिशाभूल करणारा दावा करून व्हिडिओ व्हायरल केला. त्यानुसार फेब्रुवारी 2014 पासून फेसबुकवर सक्रिय असलेले युजर्स एका विचारसरणीने प्रेरित आहेत.

निष्कर्ष: राजस्थानमधील बुंदी येथे नुपूर शर्मा यांच्या विरोधात प्रक्षोभक वक्तव्य करणाऱ्या मौलानाला बुंदी पोलिसांनी अटक केली आहे. यूपी पोलिसांनी अटक केल्याचा दावा खोटा आहे.

टॅग्स

• Fact Check
• fake news
• Maulana
• Nupur Sharma