Fact Check: पीएम मोदींच्या या 30 वर्ष जुन्या फोटोमध्ये ते अमित शहा नसून संघ प्रचारक आहेत
विश्वास न्यूजने तपास केला आणि आढळले की पीएम मोदींचा 30 वर्षे जुना फोटो भ्रामक दावा करून शेअर केला जात आहे. या छायाचित्रात मोदींसोबत अमित शहा नसून गुजरातमध्ये राहणारे संघाचे प्रचारक डॉ.संजीव ओझा आहेत.
- By: Ashish Maharishi
- Published: Dec 20, 2022 at 01:35 PM
नवी दिल्ली (विश्वास न्यूज): पंतप्रधान नरेंद्र मोदी यांचा एक जुना फोटो व्हायरल होत आहे. यामध्ये एक व्यक्ती त्याच्या शेजारी उभी असल्याचे दिसून येते. अमित शाह पीएम मोदींच्या पाठीशी उभे असल्याचा दावा सोशल मीडियावर काही यूजर करत आहेत. विश्वास न्यूजने व्हायरल पोस्टचा तपास केला त्यात हा दावा खोटा असल्याचे समजले. चित्रात अमित शहा नसून डॉ.संजीव ओझा आहेत. त्यावेळी ते युरोपमध्ये राष्ट्रीय स्वयंसेवक संघाचे प्रचारक होते. 1993 मध्ये अमेरिकेला भेट देऊन मोदी जर्मनीला गेले होते. चित्र त्यावेळचे आहे.
काय होत आहे व्हायरल?
ट्विटर वर धर्मेंद्र भाटी नावाच्या यूजर ने व्हायरल फोटो शेअर केला आणि इंग्रजीत लिहले, ‘Unique photo of PM Shri Modi and Mr. Amit Shah during year 1993.’
तपास:
व्हायरल पोस्टची सत्यता तपासण्यासाठी विश्वास न्यूजने प्रथम गूगल रिव्हर्स इमेज टूलचा वापर केला. या टूलमध्ये व्हायरल चित्र अपलोड केल्यानंतर आणि शोध घेतल्यानंतर आम्हाला अनेक वेबसाइटवर हे चित्र सापडले. नरेंद्र मोदींचे हे छायाचित्र 1993 मध्ये जर्मनीमध्ये काढण्यात आल्याचे सांगण्यात आले. यामध्ये अमित शहा देखील उपस्थित असल्याचे या छायाचित्रासोबत कुठेही सांगण्यात आले नाही.
सर्च दरम्यान अनेक सोशल मीडिया प्लॅटफॉर्मवरही हे चित्र सापडले. 2 मे 2022 रोजी नवीन कपूर नावाच्या पत्रकाराने ते अपलोड करताना लिहिले की 30 वर्षांपूर्वी नरेंद्र मोदी जर्मनीमध्ये होते. या पोस्टवर कमेंट करताना एका यूजरने लिहिले की, मोदीजींसोबत डॉ. संजीवभाई ओझा आहेत.
तपास पुढे नेत आम्ही डॉ.संजीव ओझा यांचा शोध सुरू केला. आम्हाला त्याचे एक फेसबुक अकाउंट सापडले. त्यात दिलेल्या माहितीनुसार, डॉ.ओझा हे राष्ट्रीय स्वयंसेवक संघाशी संबंधित आहेत. सध्या ते गुजरातमधील राजकोट येथे राहतात. ते गुजरात आयुर्वेद विद्यापीठाचे माजी कुलगुरूही राहिले आहेत.
तपास पुढे नेत विश्वास न्यूजने डॉ.संजीव ओझा यांच्याशी संपर्क साधला. त्यांनी सांगितले की, हे चित्र 1993 मधील आहे. 1993 मध्ये मोदी अमेरिकेच्या दौऱ्यावर असताना ते जर्मनीलाही आले होते. त्यावेळी डॉ.संजीव ओझा हे युरोपमध्ये हिंदू स्वयंसेवक संघाचे प्रचारक होते त्यावेळी हे चित्र घेण्यात आले होते.
तपासाअंती दिशाभूल करणारी पोस्ट टाकणाऱ्या युजरची चौकशी करण्यात आली. धर्मेंद्र भाटी नावाचे हे ट्विटर हँडल जानेवारी २०२२ मध्ये तयार करण्यात आले होते.
निष्कर्ष: विश्वास न्यूजने तपास केला आणि आढळले की पीएम मोदींचा 30 वर्षे जुना फोटो भ्रामक दावा करून शेअर केला जात आहे. या छायाचित्रात मोदींसोबत अमित शहा नसून गुजरातमध्ये राहणारे संघाचे प्रचारक डॉ.संजीव ओझा आहेत.
- Claim Review : फोटोमध्ये पंतप्रधान मोदींसोबत अमित शहा उभे आहेत
- Claimed By : ट्विटर हैंडल धर्मेंद्र भाटी
- Fact Check : Misleading
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
