Fact Check: बॉलिवूड अभिनेता अमिताभ बच्चन यांच्या ‘रण’ चित्रपटातील एक दृश्य भ्रामक दाव्यांसह केले जात आहे व्हायरल

नवी दिल्ली (विश्वास न्यूज). बॉलिवूडचे अभिनेता अमिताभ बच्चन यांचा एक व्हिडिओ सध्या सोशल मीडियावर व्हायरल होत आहे. या 2 मिनिटे आणि 12 सेकंदाच्या व्हिडिओमध्ये ते मीडियावर टिप्पणी करताना दिसत आहे. अलीकडच्या काळात अनेक वापरकर्त्यांनी हा व्हिडिओ सोशल मीडियावर शेअर केला आहे, यावरून हा अलीकडचा व्हिडिओ असल्याचे वाटत आहे.

विश्वास न्यूजला आपल्या तपासात हा व्हिडीओ 2010 साली प्रदर्शित झालेल्या ‘रण’ चित्रपटातील एक दृश असल्याचे आढळले आहे. राम गोपाल वर्मा यांनी या चित्रपटाचे दिग्दर्शन केले आहे. या चित्रपटात अमिताभ बच्चन, परेश रावल, रितेश देशमुख आणि गुल पनाग यांच्या मुख्य भूमिका होत्या. या चित्रपटात अमिताभ बच्चन यांनी एका खासगी वृत्तवाहिनीच्या संस्थापकाची भूमिका साकारली होती. काही लोक आता खोट्या दाव्यासह त्याच चित्रपटाचे दृश्य शेअर करत आहेत.

काय आहे व्हायरल पोस्ट?

‘दिलशाद फरीदी एनएसयूआय’ (संग्रहित लिंक) या फेसबुक वापरकर्त्याने 27 सप्टेंबरला हा व्हिडीओ शेअर करताना लिहिले आहे, “अमिताभ बच्चन यांनी गोदी मीडियाबद्दल सांगितले सत्य.”

त्याचप्रमाणे आणखी एका वापरकर्ता ‘राजेश तिवारी’नेही हा व्हिडिओ शेअर केला आहे आणि लिहिले आहे की, “उशिरा का होईना, पण तंदुरुस्त आले.”

चला तुमचा विवेक तर जागृत झाला. सत्तेच्या शर्यतीत सरकार आणि मीडिया परस्पर तडजोडी करतात, हे सत्य आहे. जागे झाले बच्चन उशिरा का होईना; पण कोमात गेलेला विवेक तर जागा झाला, आम्ही स्वागत करतो …. बच्चनजी, तुम्ही काळाचा सफाईदारपणा समजून घेण्यात खूप हुशार आहात.”

तपास 

व्हिडिओमध्ये करण्यात आलेल्या दाव्याची तपासणी करण्यासाठी, आम्ही प्रथम संबंधित कीवर्डसह गुगल वर शोध घेतला. दाव्याची पुष्टी करणारी कोणतीही बातमी आम्हाला सापडली नाही.

तपास पुढे नेत आम्ही व्हिडिओचा स्क्रीनशॉट गुगल इमेजवर अपलोड केला. आम्हाला अनेक ठिकाणी व्हायरल झालेला व्हिडिओ सापडला. मिळालेल्या माहितीनुसार, हा व्हिडिओ 2010 मध्ये आलेल्या ‘रण’ चित्रपटातील दृश आहे. MX1music नावाच्या यूट्यूब चॅनेलवर हा व्हिडिओ अपलोड करण्यात आला आहे. मिळालेल्या माहितीनुसार, हे ‘रण‘ या चित्रपटातील दृश्य आहे. या चित्रपटात अमिताभ बच्चन, परेश रावल, रितेश देशमुख, गुल पनाग यांच्या मुख्य भूमिका आहेत.”

या शोधादरम्यान आम्हाला ‘शेमारू’च्या अधिकृत यूट्यूबवर अपलोड केलेल्या एका चित्रपटामध्ये हा व्हायरल व्हिडिओ आढळला. येथे 1:53:39 पासून व्हायरल व्हिडिओ पाहू शकता. या व्हिडिओमध्ये अमिताभ बच्चन यांना कोणत्याही राजकीय पक्षाचे किंवा कोणत्याही माध्यमांचे नाव घेताना ऐकले जाऊ शकत नाही. हा व्हिडिओ तुम्ही खाली पाहू शकता.

राम गोपाल वर्मा दिग्दर्शित ‘रण’ हा 2010मध्ये प्रदर्शित झालेला एक राजकीय थ्रिलर चित्रपट आहे.  

या चित्रपटात अमिताभ बच्चन, परेश रावल, रितेश देशमुख आणि गुल पनाग हे मुख्य भूमिकांत दिसून आले. ‘इंडिया 24/7’ या खासगी वृत्तवाहिनीचे संस्थापक विजय हर्षवर्धन यांची भूमिका अमिताभ बच्चन यांनी साकारली  आहे.”

या व्हिडिओबाबत आम्ही ज्येष्ठ मनोरंजन पत्रकार पराग छापेकर यांच्याशी संपर्क साधला. त्यांनी आम्हाला सांगितले की, हा व्हिडिओ ‘रण’ चित्रपटातील एक दृश्य आहे. ‘रण’ चित्रपट 2010 मध्ये प्रदर्शित झाला होता. त्याचा सध्याच्या परिस्थितीशी काहीही संबंध नाही.

तपासाअंती ‘Dilshad Faridi NSUI’ या वापरकर्त्याचे प्रोफाइल स्कॅन करण्यात आले. फेसबुकवर या वापरकर्त्याचे 13 हजार फॉलोअर्स आहेत.

निष्कर्ष: अमिताभ बच्चन यांच्या व्हिडिओ क्लिपबाबत करण्यात आलेला दावा खोटा असल्याचे विश्वास न्यूजच्या तपासात समोर आले आहे. हा व्हिडिओ 2010 च्या ‘रण’ चित्रपटातील एक दृश्य आहे, ज्याची एक क्लिप आता अलीकडील असल्याचा खोटा दावा करून शेअर केली जात आहे.

टॅग्स

• Amitabh Bacchan
• Amitabh Bachchan video
• Bollywood
• Bollywood Fact Check
• viral video