Fact Check: बागेश्वर धामला पोहोचले नाहीत नाना पाटेकर, जल जन अभियानात भाषणाचा व्हिडीओ बनावट दाव्यासह व्हायरल

नवी दिल्‍ली (विश्‍वास न्‍यूज). बॉलिवूडचे स्टार्स बागेश्वर धामला जात असल्याच्या खोट्या बातम्या सोशल मीडियावर नेहमी व्हायरल होत असतात, याच शृंखलेत अभिनेता नाना पाटेकरांचा एक व्हिडिओ व्हायरल होत आहे, ज्यात वापरकर्ते दावा करत आहेत की, हे अभिनेता बागेश्वर धामला पोहोचले आहेत.

विश्वास न्यूजला तपासात नाना पाटेकर बागेश्वर धामला गेले नसल्याचे आढळून आले. जो व्हिडिओ व्हायरल होत आहे, तो त्या काळातील आहे जेव्हा या अभिनेत्याने ब्रह्माकुमारीच्या स्टेजवरून जल जन अभियानाशी संबंधित भाषण दिले होते.

काय आहे व्हायरल पोस्टमध्ये?

फेसबुकच्या एका वापरकर्त्याने पोस्ट शेअर करताना लिहिले आहे, “नाना पाटेकर बागेश्वर धाम येथे पोहोचले आहेत. bageshwar Dham. बागेश्वर धाम सरकार #bageshwardhamsarkar # Bageshwardham.

या पोस्टची संग्रहित आवृत्ती येथे पहा.

तपास

नाना पाटेकर बागेश्वर धामला गेले आहेत की नाही, हे शोधण्यासाठी आम्ही सर्वप्रथम गुगल न्यूजवर शोध घेतला. नाना पाटेकर कधीतरी बागेश्वर धामला गेले होते, याची पुष्टी करण्यासाठी आम्हाला कोणतीही बातमी मिळाली नाही.

तपास पुढे नेताना आम्ही नाना पाटेकर यांचे सोशल मीडिया हँडल ट्विटर आणि फेसबुक देखील स्कॅन केले, परंतु तेथेही आम्हाला असे कोणतेही अपडेट मिळाले नाही.

अधिक चौकशीत आम्ही गुगल लेन्सच्या माध्यमातून नाना पाटेकर यांच्या व्हायरल व्हिडीओचा स्क्रिनग्रॅब शोधला. या दरम्यान, आम्हाला गॉडलिवूड स्टूडियोज (Godlywood Studios)च्या सत्यापित यूट्यूब चॅनलवर वास्तविक व्हिडिओ सापडला. 16 फेब्रुवारी 2023 रोजी हा व्हिडिओ अपलोड करण्यात आला होता. “अभिनेता नाना पाटेकर यांनी माउंट आबू येथील ब्रह्माकुमारी स्टेजवरून जल जन अभियानाला संबोधित केले.”

आम्हाला ब्रह्माकुमारीच्या पडताळणी केलेल्या फेसबुक पेजवर नाना पाटेकर यांचा हाच व्हिडिओ देखील सापडला, 17 फेब्रुवारी रोजी पोस्ट केलेल्या या व्हिडिओमध्ये, या अभिनेत्याला जल जन अभियानाशी संबंधित भाषण देताना ऐकले जाऊ शकते.

यापूर्वी देखील बागेश्वर धामला जाणाऱ्या अनेक सेलिब्रिटींबद्दलचे असे खोटे दावे सोशल मीडियावर व्हायरल करण्यात आले आहेत. ज्याचा तपास विश्वास न्यूजने केला होता. तुम्ही आमच्या त्या फॅक्ट चेक कथा येथे वाचू शकता.

अधिक माहितीसाठी, आम्ही नईदुनियाच्या छतरपूरचे ब्युरो चीफ, भरत शर्मा यांच्याशी संपर्क साधला. त्यांनी आम्हाला सांगितले, “व्हायरल करण्यात आलेला दावा चुकीचा आहे. बॉलिवूडचा कोणताही मोठा अभिनेता बागेश्वर धामला आलेला नाही.

तपासाच्या शेवटी, आम्ही चुकीच्या दाव्यासह व्हिडिओ सामायिक करणाऱ्या वापरकर्त्याची तपासणी केली. फेसबुकवर दीड लाखांहून अधिक लोकांनी हे पेज फॉलो केल्याचे तपासात समोर आले आहे.

निष्कर्ष: विश्वास न्यूजला त्याच्या चौकशी मध्ये आढळले की, नाना पाटेकर बागेश्वर धाम जाण्याचा दावा खोटा आहे. अभिनेत्याचा व्हायरल व्हिडिओ त्यावेळचा आहे, जेव्हा त्यांनी ब्रह्मा कुमारींच्या मंचावरून जल जन अभियानाशी संबंधित भाषण केले होते.