Fact Check: ഉത്തരാഖണ്ഡിലെ ബാഗ്‌വാൾ മേളയുടെ വീഡിയോ ഒരു പ്രതിഷേധത്തിനിടെ കല്ലേറാണെന്ന് തെറ്റായി ചിത്രീകരിക്കുകയും ഷെയർ ചെയ്യുകയും ചെയ്തു

ന്യൂഡൽഹി (വിശ്വാസ് ന്യൂസ്) : ആളുകൾ നൃത്തം ചെയ്യുകയും വയലിൽ കല്ലെറിയുകയും ചെയ്യുന്ന വീഡിയോ ക്ലിപ്പ് സമൂഹമാധ്യമങ്ങളിൽ  വൈറലാകുകയാണ്, ചില ഉപയോക്താക്കൾ സർക്കാരിനെ നിഷ്ക്രിയത്വത്തിൻ്റെ പേരിൽ വിമർശിക്കാൻ ഇതിനെ ഉപയോഗിക്കുന്നു.

വിശ്വാസ് ന്യൂസ് ഈ ക്ലിപ്പ് പരിശോധിച്ചപ്പോൾ വീഡിയോ ക്ലിപ്പ് ഉത്തരാഖണ്ഡിൽ നടന്ന ബാഗ്‌വാൾ മേളയിൽ നിന്നുള്ളതാണെന്ന് കണ്ടെത്തി. എല്ലാ വർഷവും രക്ഷാബന്ധൻ ദിനത്തിൽ ചമ്പാവത്ത് ജില്ലയിലെ ബരാഹി ധാം ദേവിധുരയിൽ സംഘടിപ്പിക്കുന്ന ഈ മേള പണ്ടേയുള്ള ആചാരത്തിൻ്റെ ഭാഗമാണ്.

എന്താണ് വൈറൽ പോസ്റ്റിൽ ഉള്ളത്?

X യൂസർ  പായൽ ഗുപ്ത (ആർക്കൈവ് ലിങ്ക്) ഈ വീഡിയോ ക്ലിപ്പ് 2024 ഓഗസ്റ്റ് 24-ന് താഴെകൊടുത്ത  അടിക്കുറിപ്പോടെ പങ്കിട്ടു:

“കല്ലേറ് നടത്തുന്നവരുടെ വീടുകൾ അവരുടെ വസ്ത്രത്തിലൂടെ തിരിച്ചറിയുന്നതിൻ്റെ അടിസ്ഥാനത്തിൽ പൊളിക്കണോ????”

2024 ഓഗസ്റ്റ് 25-ന് സർക്കാരിനെ വിമർശിച്ചുകൊണ്ട് ഫേസ്ബുക്ക് ഉപയോക്താവ് എംഡി ഇസഹാക്ക് ബിശ്വാസ് ഈ വീഡിയോ (ആർക്കൈവ് ലിങ്ക്) പങ്കിട്ടു.

അന്വേഷണം:

വൈറലായ വീഡിയോയിൽ നിന്ന് പ്രധാന ഫ്രെയിമുകൾ എക്‌സ്‌ട്രാക്‌റ്റ് ചെയ്‌ത് ഗൂഗിൾ ലെൻസ് ഉപയോഗിച്ച് സെർച്ച് ചെയ്തപ്പോൾ  2024 ഓഗസ്റ്റ് 20-ന് ഗൗരംഗി ധോൽഗായ് യൂട്യൂബ് ചാനലിലും ഈ വീഡിയോ പോസ്റ്റ് ചെയ്തതായി ഞങ്ങൾ കണ്ടെത്തി. ദേവിധുരയിലെ ബാഗ്‌വാൾ മേളയിൽ നിന്നുള്ളതാണെന്നാണ് വീഡിയോ അതിൽ വിശദീകരിക്കുന്നത്.

2024 ഓഗസ്റ്റ് 19-ന്, ദേവിധുരയിലെ ബരാഹി ക്ഷേത്രം  പരിപാടി ചിത്രീകരിക്കുന്ന ബാഗ്‌വാൾ മേളയുടെ ഒരു വീഡിയോ ‘റായ്‌ബർ ഉത്തരാഖണ്ഡ് ദേവഭൂമി’ എന്ന യൂട്യൂബ് ചാനലിൽ മറ്റൊരു കോണിൽ ചിത്രീകരിച്ചത് അപ്‌ലോഡ് ചെയ്തു.

കൂടാതെ, 2022 ഓഗസ്റ്റ് 13-ലെ ബാഗ്‌വാൾ മേളയുടെ വീഡിയോ ദീപക് സിംഗ് മെഹ്‌റയുടെ യൂട്യൂബ് ചാനലിലും  ലഭ്യമാണ്.

2022 ഓഗസ്റ്റ് 12-ന് ദൈനിക് ജാഗ്രൻ്റെ വെബ്‌സൈറ്റിൽ പ്രസിദ്ധീകരിച്ച വാർത്ത അനുസരിച്ച്, ചമ്പാവത്ത് ജില്ലയിലെ ബരാഹി ധാം ദേവിധുരയിൽ സംഘടിപ്പിച്ച ബാഗ്‌വാൾ മേളയിൽ പഴങ്ങളും പൂക്കളും കല്ലുകളുമുപയോഗിച്ചുള്ള  പരമ്പരാഗത യുദ്ധത്തിൽ പങ്കെടുക്കുന്നവരെ  കാണാം.. ആസാരി  കൗടിക് എന്നും അറിയപ്പെടുന്ന ഈ പരിപാടി രക്ഷാബന്ധൻ ദിനത്തിൽ ആഘോഷിക്കപ്പെടുന്നു, ഇത് കാലങ്ങളായി നിലനിൽക്കുന്ന ഒരു ആചാരമാണ്.

ഡെറാഡൂണിലെ ദൈനിക് ജാഗരണിലെ എഡിറ്റോറിയൽ ലീഡ് ദേവേന്ദ്ര സതി, ബാഗ്‌വാൾ മേളയാണ് വീഡിയോ കാണിക്കുന്നതെന്ന് സ്ഥിരീകരിച്ചു. രക്ഷാബന്ധൻ ദിനത്തിലാണ് ഈ പരിപാടി സംഘടിപ്പിക്കുന്നതെന്നും ആളുകൾ പഴങ്ങളും പൂക്കളും കല്ലുകളും ഉപയോഗിച്ച് പരസ്പരം എറിയുന്നതായും  അദ്ദേഹം വിശദീകരിച്ചു. ചടങ്ങ് ഏകദേശം 15 മിനിറ്റ് നീണ്ടുനിൽക്കും. 

തെറ്റിദ്ധരിപ്പിക്കുന്ന അവകാശവാദത്തോടെയുള്ള  വീഡിയോ പങ്കിട്ട X ഉപയോക്താവിൻ്റെ പ്രൊഫൈൽ ഞങ്ങൾ സ്കാൻ ചെയ്തു. ഉപയോക്താവിന് 4323 ഫോളോവേഴ്‌സ് ഉണ്ട് കൂടാതെ അയാൾ ഒരു പ്രത്യേക പ്രത്യയശാസ്ത്രത്തിൽ നിന്ന് പ്രചോദനം ഉൾക്കൊള്ളുന്നുണ്ട്.

നിഗമനം: ഉത്തരാഖണ്ഡിലെ ചമ്പാവത്ത് ജില്ലയിൽ രക്ഷാ ബന്ധനോടനുബന്ധിച്ചുള്ള വാർഷിക പരിപാടിയായ ബാഗ്‌വാൾ മേളയുടെ വീഡിയോ തെറ്റായ അവകാശവാദങ്ങളോടെ തെറ്റായി ചിത്രീകരിക്കപ്പെടുന്നു. കാലങ്ങളായി തുടരുന്ന ആചാരത്തിൻ്റെ അടിസ്ഥാനത്തിലാണ് ഈ ആചാരം.