Fact Check: മുംബൈയിൽ ലാൽബൗഗ്‌ച രാജയെ കാണിക്കുന്നതായി അവകാശപ്പെടുന്ന വീഡിയോ യഥാർത്ഥത്തിൽ സ്പെയിനിലെ ഫെസ്റ്റിവലിൽ നിന്നുള്ളതാണ്
വൈറൽ വീഡിയോ സ്പെയിനിലെ ഒരു ഫെസ്റ്റിവലിൽ നിന്നുള്ളതാണെന്നും ഇത് മുംബൈയിലെ ഗണപതി ഉത്സവവുമായി തെറ്റായി ബന്ധിപ്പിക്കുന്നുവെന്നും വിശ്വാസ് ന്യൂസിൻ്റെ അന്വേഷണത്തിൽ കണ്ടെത്തി.
- By: Umam Noor
- Published: Oct 3, 2024 at 12:49 PM
ന്യൂഡൽഹി (വിശ്വാസ് ന്യൂസ്) : ആയിരക്കണക്കിന് ആളുകൾ തെരുവിൽ നൃത്തം ചെയ്യുന്ന വീഡിയോ സോഷ്യൽ മീഡിയയിൽ വൈറലാകുകയാണ്, ഇത് മുംബൈയിലെ ലാൽബൗഗ്‌ച രാജയുടെ ആഘോഷത്തെ ചിത്രീകരിക്കുന്നുവെന്ന് അതിന്റെ ഉപയോക്താക്കൾ അവകാശപ്പെടുന്നു.
വൈറൽ വീഡിയോ സ്പെയിനിലെ ഒരു ഫെസ്റ്റിവലിൽ നിന്നുള്ളതാണെന്നും ഇത് മുംബൈയിലെ ഗണപതി ഉത്സവവുമായി തെറ്റായി ബന്ധിപ്പിക്കുന്നുവെന്നും വിശ്വാസ് ന്യൂസിൻ്റെ അന്വേഷണത്തിൽ കണ്ടെത്തി.
എന്താണ് വൈറൽ പോസ്റ്റിൽ ഉള്ളത്?
ലാൽബൗച്ച രാജ ഗണപതി… മുംബൈയിലെ അവിശ്വസനീയമായ ദൃശ്യം” എന്ന അടിക്കുറിപ്പോടെയാണ് ഫേസ്ബുക്ക് ഉപയോക്താവ് വൈറലായ പോസ്റ്റ് ഷെയർ ചെയ്തത്.
പോസ്റ്റിൻ്റെ ആർക്കൈവ് പതിപ്പ് ഇവിടെ കാണുക.
അന്വേഷണം:
ഗൂഗിൾ ലെൻസിലൂടെ വൈറലായ വീഡിയോ തിരഞ്ഞുകൊണ്ട് ഞങ്ങൾ അന്വേഷണം ആരംഭിച്ചു, നിരവധി സോഷ്യൽ മീഡിയ പ്ലാറ്റ്‌ഫോമുകളിലും വാർത്താ വെബ്‌സൈറ്റുകളിലും അപ്‌ലോഡ് ചെയ്ത ഈ വീഡിയോയുടെ ഫ്രെയിമുകൾ ഞങ്ങൾ കണ്ടെത്തി. ഈ വീഡിയോയുടെ ഒരു ഫ്രെയിം 2024 ജൂലൈ 12-ന് അപ്‌ലോഡ് ചെയ്ത ദി ഗാർഡിയൻറെ വെബ്‌സൈറ്റിലെ ഒരു ഫോട്ടോ ഗാലറിയിൽ കണ്ടെത്തി. അതോടൊപ്പം നൽകിയിരിക്കുന്ന വിശദാംശങ്ങൾ അനുസരിച്ച്, സ്പെയിനിലെ പാംപ്ലോണയിൽ നടന്ന സാൻ ഫെർമിൻ ബുൾസ് ഫെസ്റ്റിവലിൻ്റെ ഉദ്ഘാടന ചടങ്ങിൽ നിന്നുള്ളതാണ് വീഡിയോ.പാംപ്ലോണ മുനിസിപ്പൽ മ്യൂസിക് ബാൻഡ് അവതരിപ്പിച്ച പരിപാടിയുടേതാണ് ദൃശ്യം.
ഞങ്ങളുടെ അന്വേഷണം തുടരുമ്പോൾ, ‘സാൻ ഫെർമിൻസ് പാംപ്ലോണ’ എന്ന പേരിലുള്ള യു ട്യൂബ് ചാനലിൽ ഇതേ സംഭവത്തിൻ്റെ മുഴുവൻ വീഡിയോയും ഞങ്ങൾ കണ്ടെത്തി.
പലസ്തീൻ-ഇസ്രായേൽ സംഘർഷത്തെക്കുറിച്ച് തെറ്റിദ്ധരിപ്പിക്കുന്ന അവകാശവാദവുമായി ഈ വീഡിയോ മുമ്പ് വൈറലായിരുന്നു. ആ സമയത്ത് സ്‌പെയിനിൽ നടന്ന ബുൾസ് ഫൈറ്റ് സെറിമണിയുടെ ഉദ്ഘാടന ചടങ്ങിൽ നിന്നുള്ളതാണ് വീഡിയോയെന്ന് സ്പാനിഷ് മാധ്യമപ്രവർത്തകൻ ഡേവിഡ് ഫെർണാണ്ടസ് സ്ഥിരീകരിച്ചിരുന്നു.
തുടർന്ന് വ്യാജ പോസ്റ്റ് ഷെയർ ചെയ്ത ഫേസ്ബുക്ക് ഉപയോക്താവിൻ്റെ സോഷ്യൽ മീഡിയ സ്‌കാൻ പരിശോധിച്ചപ്പോൾ ഉപയോക്താവ് ആന്ധ്രാപ്രദേശ് സ്വദേശിയാണെന്ന് കണ്ടെത്തി.
നിഗമനം: വിശ്വാസ് ന്യൂസ് നടത്തിയ അന്വേഷണത്തിൽ വൈറലായ വീഡിയോ സ്പെയിനിലെ ഒരു ഫെസ്റ്റിവലിൽ നിന്നുള്ളതാണെന്ന് കണ്ടെത്തി. മുംബൈയിലെ ഗണപതി ഉത്സവവുമായി ബന്ധപ്പെടുത്തി വ്യാജ അവകാശവാദത്തോടെയാണ് ഇത് സമൂഹമാധ്യമങ്ങളിൽ പങ്കുവെയ്ക്കുന്നത്.
- Claim Review : മുംബൈയിലെ ലാൽബൗഗ്‌ച രാജയുടെ വീഡിയോ കാണിക്കുന്നു.
- Claimed By : എഫ് ബി യുസർ
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
