Fact Check: വസ്തുതാപരിശോധന: ഒമാൻ കടലിൽ ആളുകൾ മുങ്ങിമരിച്ചുപോകുന്നതിന്റെ പഴയ വീഡിയോ Sബിപാർജോയ് ചുഴലിക്കാറ്റുമായി വ്യാജമായി ബന്ധപ്പെടുത്തുന്നു

ന്യൂഡൽഹി (വിശ്വാസ് ന്യൂസ്)– ഉയർന്ന കടൽ തിരമാലകളാൽ ആളുകൾ ഒഴുകിപ്പോകുന്നത് കാണിക്കുന്ന ഒരു വീഡിയോ സോഷ്യൽ മീഡിയ പ്ലാറ്റ്‌ഫോമുകളിൽ വ്യാപകമായി പ്രചരിക്കുന്നു, സമൂഹ മാധ്യമ ഉപയോക്താക്കൾ ഇതിനെ ഇന്ത്യയുടെ വിവിധ ഭാഗങ്ങളിൽ കാര്യമായ നാശനഷ്ടങ്ങൾ വരുത്തിയ ബിപാർജോയ് ചുഴലിക്കാറ്റുമായി തെറ്റായി ബന്ധപ്പെടുത്തുന്നു.
വിശ്വാസ് ന്യൂസിന്റെ വസ്തുതാപരിശോധനയിൽ ഈ വീഡിയോ ഇന്ത്യയുമായോ ബിപാർജോയ് ചുഴലിക്കാറ്റുമായോ ബന്ധമില്ലാത്തതാണെന്ന് കണ്ടെത്തി; ഇത് യഥാർത്ഥത്തിൽ ഗൾഫ് രാജ്യമായ ഒമാനിൽ നിന്നുള്ള ദൃശ്യമാണ്.

എന്താണ് വൈറൽ പോസ്റ്റിൽ ഉള്ളത്?

ജൂൺ 16 ന്, ട്വിറ്റർ ഉപയോക്താവ് ‘സിന്ധ് യംഗ് ടീച്ചേഴ്‌സ് ഫോറം’ 20 സെക്കൻഡ് ദൈർഘ്യമുള്ള വീഡിയോ പങ്കിട്ടുകൊണ്ട് എഴുതി, “ആഞ്ഞടിച്ച തിരമാലകൾ രണ്ട് ജീവൻ അപഹരിച്ചു… വീഡിയോയിൽ കാണുന്നത് പോലെ. # ബിപാർജോയ് # ബിപാർജോയ്.”

അന്വേഷണം:

ഞങ്ങളുടെ ഗൂഗിൾ റിവേഴ്‌സ് ഇമേജ് സെർച്ചിൽ, 2022 ജൂലൈ 14-ന് പോസ്റ്റ് ചെയ്ത ചണ്ഡീഗഡ് ആസ്ഥാനമായ ദേശീയ വാർത്താ പ്രസിദ്ധീകരണമായ ദി ട്രിബ്യൂണിന്റെ യൂട്യൂബ് ചാനലിൽ വൈറലായ വീഡിയോ ഞങ്ങൾ കണ്ടെത്തി. അതിന്റെ അടിക്കുറിപ്പിൽ ഒരു ഇന്ത്യൻ കുടുംബം ഒമാനിലെ മുഗ്സൈൽ ബീച്ചിൽ കടലിൽ ഒഴുകിപ്പോയി എന്നാണ് കൊടുത്തിട്ടുള്ളത് .
2022,ജൂലൈ 14-ന് ഇതേ വീഡിയോ ഇന്ത്യാ ടുഡേയുടെ യൂട്യൂബ് ചാനലിൽ അപ്‌ലോഡ് ചെയ്‌തതായി ഞങ്ങൾ കണ്ടെത്തി. ഈ വീഡിയോയുടെ വിവരണത്തിലും ഇത് ഒമാനിൽ നിന്നുള്ള ഒരു സംഭവമാണ് എന്ന വ്യക്തമാക്കുന്നു.

ഞങ്ങളുടെ അന്വേഷണത്തിൽ, ടൈംസ് ഓഫ് ഒമാൻ വെബ്‌സൈറ്റിൽ ഒരു വാർത്താ ലേഖനം കണ്ടെത്തി, ഒമാനിലെ അൽ-മുഗ്‌സൈൽ ബീച്ചിൽ എട്ട് പേർ തിരമാലകളിൽ അകപ്പെട്ടതായി അതിൽ പറയുന്നു . ഇവരിൽ മൂന്ന് പേരെ ഉടൻ രക്ഷപ്പെടുത്തി, കാണാതായ അഞ്ച് പേരിൽ രണ്ട് പേരുടെ മൃതദേഹങ്ങൾ കണ്ടെടുത്തു. കൂടുതൽ വിവരങ്ങൾക്ക്, ഈ വാർത്താ റിപ്പോർട്ട് വായിക്കുക.

ബൈപാർജോയ് ചുഴലിക്കാറ്റ് റിപ്പോർട്ട് ചെയ്യുന്ന സൗരാഷ്ട്രയിലെ ദൈനിക് ജാഗ്രന്റെ റിപ്പോർട്ടർ നരേന്ദ്ര അഹിറിനെയും വിശ്വാസ് ന്യൂസ് ബന്ധപ്പെട്ടു. ബിപാർജോയ് സൗരാഷ്ട്രയിൽ കാര്യമായ സ്വാധീനം ചെലുത്തിയെങ്കിലും വൈറൽ വീഡിയോ ആ മേഖലയിൽ നിന്നുള്ളതല്ലെന്ന് അഹിർ സ്ഥിരീകരിച്ചു. ഒമാനിൽ നിന്നുള്ള ഈ 2022 -ലെ വീഡിയോ നേരത്തെയും വൈറലായിരുന്നുവെന്നും ഇത് മുംബൈയിൽ നിന്നും ഗുജറാത്തിൽ നിന്നുമുള്ളതാണെന്ന് ആളുകൾ തെറ്റായി അവകാശപ്പെട്ടതായും അദ്ദേഹം പറഞ്ഞു.

അവസാനം, ‘സിന്ധ് യംഗ് ടീച്ചേഴ്‌സ് ഫോറം’ എന്ന ട്വിറ്റർ ഉപയോക്താവിന്റെ പ്രൊഫൈൽ ഞങ്ങൾ സ്കാൻ ചെയ്തു. ഇതിന് 654 അനുയായികളുണ്ട്.

ബൈപാർജോയ് ചുഴലിക്കാറ്റിനെക്കുറിച്ച് വിശ്വാസ് ന്യൂസ് കുറച്ച് വസ്തുതാ പരിശോധന വിവരങ്ങൾ കൂടി ഫയൽ ചെയ്തു. അവ ഇവിടെ വായിക്കാം.

നിഗമനം: വൈറൽ പോസ്റ്റ് വ്യാജമെന്ന് വിശ്വാസ് ന്യൂസിന്റെ അന്വേഷണത്തിൽ തെളിഞ്ഞു. ഈ സംഭവം 2022 ൽ ഒമാനിലെ ഒരു ബീച്ചിൽ നടന്നതാണ്. ഇതിന് ബിപാർജോയ് ചുഴലിക്കാറ്റുമായോ ഇന്ത്യയുമായോ യാതൊരു ബന്ധവുമില്ല.

ടാഗ്സ്

• Biparjoy
• Cyclone Biparjoy