വസ്തുതാ പരിശോധന : ഇത് യഥാർത്ഥ മത്സ്യകന്യകയല്ല, ഡിജിറ്റൽ ടൂളുകൾ ഉപയോഗിച്ച് രൂപം നൽകിയ ഒരു കലയാണ്.

ന്യൂഡൽഹി (വിശ്വസ് ന്യൂസ്) : ഒരു 22 സെക്കന്റ് വീഡിയോ സമൂഹമാധ്യമങ്ങളിൽ വൈറൽ ആകുന്നു.അതിൽ മത്സ്യത്തിന്റെ പോലുള്ള ശരീരമുള്ള ഒരു സ്ത്രീ ഒരു പാറമേൽ ഇരിക്കുന്നത് കാണാം. അത് ഒരു യഥാർത്ഥ മത്സ്യകന്യക ആണെന്ന് പോസ്റ്റ് അവകാശപ്പെടുന്നു.വിശ്വാസ് ന്യൂസിന്റെ അന്വേഷണത്തിൽ ഇത് വ്യാജമെന്ന് വ്യക്തമായി. വാസ്തവത്തിൽ ഇത് ഡിജിറ്റൽ ടൂൾ ഉപയോഗിച്ച് നിർമിച്ച രൂപമാണ്.

എന്താണ് വൈറൽ ആകുന്നത്?

ഫേസ്‌ബുക്ക് യൂസർ ‘Kashmir Mobile Bazaar‘ജൂലായ് 25 നാണ് ഈ പോസ്റ്റ് ഷെയർ ചെയ്തത്. വിവരണത്തിൽ അതിനെ “മനോഹരം ” എന്ന് വിശേഷിപ്പിച്ചിരിക്കുന്നു.

ഈ പോസ്റ്റിന്റെ ആർക്കൈവ് ലിങ്ക് ഇവിടെ.

അന്വേഷണം:

ഈ പോസ്റ്റിന്റെ സത്യം അറിയാനായി വിശ്വാസ് ന്യൂസ് വീഡിയോയുടെ കീഫ്രെയിമുകൾ ഉപയോഗിച്ച് ഗൂഗിൾ റിവേഴ്‌സ് ഇമേജ് സർച്ച് ചെയ്തു. ” ജെ ജെ പി ഡി പ്രൊഡക്ഷൻസ്” എന്ന ഒരു യൂട്യൂബ് ചാനലിൽ ഈ വീഡിയോ ഞങ്ങൾ കണ്ടെത്തി. അതിലെ വിവരണത്തിൽ പറയുന്നു: (വിവർത്തനം)” നിഗൂഡതകളുടെ ഒരു ലോകത്തിലാണ് നാം ജീവിക്കുന്നത്. എന്തെല്ലാം തരം ജീവികൾ ഉണ്ട് എന്നുപോലും നമുക്കറിയില്ല. ഇന്ന് ഒരു വിചിത്ര ജലജീവിയെ ഒരു തടാകത്തിന്റെ കരയിൽവെച്ച് ഫിലിമിൽ പകർത്തി.ഒരു പാറമേൽ ഇരിക്കുകയായിരുന്ന അത് . പുരാണങ്ങളിലെ മത്സ്യകന്യകയുടെ രൂപമായിരുന്നു അതിന്. മനുഷ്യന്റെയും മത്സ്യത്തിന്റെയും രൂപ ഘടനയുള്ള ഒരു സങ്കരവർഗ്ഗമാണ് ഇതെന്ന് പുരാണങ്ങൾ പറയുന്നു.”

വീഡിയോയുടെ താഴെയുള്ള നിരാകരണത്തിൽ പറയുന്നു: ” വിനോദത്തിനായി ഞങ്ങൾ നിർമിക്കുന്ന പാരനോർമൽ വീഡിയോകളാണ് ഇവ. എല്ലാ ഇമേജുകളും ഭാവനാസൃഷ്ടികളാണ്. സി ജി ഐ (കമ്പ്യൂട്ടർ ജനറേറ്റഡ് ഇമേജ്) ഉപയോഗിച്ചാണ് ഇവ നിർമിച്ചിട്ടുള്ളത്.”

ഇതുസംബന്ധിച്ച് ഫേസ്‌ബുക്ക് മെസഞ്ചറിലൂടെ ഞങ്ങൾ ജെ ജെ പി ഡി പ്രൊഡക്ഷന്സിനെ ബന്ധപ്പെട്ടു.അവർ പറഞ്ഞു: ” സി ജി ഐ ടൂളുകൾ ഉപയോഗിച്ചാണ് ഇത് നിർമിച്ചിട്ടുള്ളത്.ഇത് യഥാർത്ഥ മത്സ്യകന്യകയല്ല. “

തുടർന്നുള്ള അന്വേഷണത്തിൽ ഞങ്ങൾ നടത്തിയ കീവേഡ് സെർച്ചിൽ എവിടെയെങ്കിലും യഥാർത്ഥ മത്സ്യകന്യകയെ കണ്ടെത്തിയതിന്റെ ആധികാരിക വാർത്തകൾ ലഭ്യമാണോ എന്ന് പരിശോധിച്ചു. അങ്ങനെ ഒരു വാർത്ത ഏതെങ്കിലും ന്യൂസ് വെബ്സൈറ്റിലോ സമുദ്ര ഗവേഷണ വെബ്സൈറ്റിലോ ഒന്നും കണ്ടെത്താനായില്ല.

ഈ വൈറൽ പോസ്റ്റ് വ്യാജ അവകാശവാദത്തോടെ പങ്കുവെച്ച കശ്‍മീർ മൊബൈൽ ബസാർ എന്ന യൂസർക്ക് 44000 ഫോളോവേഴ്സ് ഉണ്ട്. ഈ യൂസർ കശ്‍മീർ നിവാസിയാണ്.