വസ്തുത പരിശോധന: ഇത് ഒരു മറാത്തി നടിയുടെ ഫോട്ടോ ആണ്, പെയ്ന്റിംഗ് അല്ല.

ന്യൂഡൽഹി (വിശ്വാസ് ന്യൂസ്): സമൂഹമാധ്യമങ്ങളിൽ വൈറലായ ഒരു പോസ്റ്റിൽ ഗോത്ര വേഷത്തിൽ ഒരു സ്ത്രീയുടെ ചിത്രം കാണാം. ഇത് ഒരു ഫോട്ടോ അല്ലെന്നും ഒരു പെയ്ന്റിംഗ് ആണ് എന്നുമാണ് പോസ്റ്റ് അവകാശപ്പെടുന്നത്. വിശ്വാസ് ന്യുസിന്റെ അന്വേഷണത്തിൽ ഈ അവകാശവാദം തെറ്റാണെന്ന് തെളിഞ്ഞു. ഇത് വാസ്തവത്തിൽ ഒരു ഫോട്ടോ ആണ്, പെയ്ന്റിംഗ് അല്ല.

എന്താണ് വൈറൽ പോസ്റ്റിൽ ഉള്ളത്?

ഫേസ്‌ബുക്ക് പേജ് Radio Tarana ഈ പോസ്റ്റ് ഷെയർ ചെയ്തുകൊണ്ട് പറയുന്നു “ഇത് ഒരു ഫോട്ടോഗ്രാഫ് അല്ല, പെയ്ന്റിംഗ് ആണ് . ഇന്ത്യൻ പെയ്ന്റിംഗിലെ ഒരു പ്രതിഭയുടേതാണിത്.”

ഈ പോസ്റ്റിന്റെ ആർക്കൈവ്ഡ് വേർഷൻ ഇവിടെ വായിക്കാം.

അന്വേഷണം

വിശ്വാസ് ന്യൂസ് ഈ പോസ്റ്റ് പരിശോധിക്കാനായി ഗൂഗിൾ റിവേഴ്‌സ് ഇമേജ് സെർച്ച് നടത്തി. 2018 ഒക്ടോബർ 13 -ന് മറാത്തി നടിയായ സ്നേഹലത വസായ്കർ അവരുടെ ഇൻസ്റ്റാഗ്രാമിൽ അപ്‌ലോഡ് ചെയ്ത ഫോട്ടോ ആണ് അതെന്ന് ഞങ്ങൾക്ക് വ്യക്തമായി. . അതിന്റെ അടിക്കുറിപ്പ് അനുസരിച്ച് ആ ഫോട്ടോ എടുത്തിട്ടുള്ളത് പൃഥ്വിരാജ് ബാബർ എന്ന ഫോട്ടോഗ്രാഫറാണ്.

പൃഥ്വിരാജ് ബാബർ എന്ന ഫോട്ടോഗ്രാഫറുടെ ഇൻസ്റ്റാഗ്രാം അക്കൗണ്ടിലും ഈ ഫോട്ടോ കണ്ടു.

പൃഥ്വിരാജ് ബാബർ എന്ന ഫോട്ടോഗ്രാഫറുടെ ഞങ്ങൾ ബന്ധപ്പെട്ടു. വൈറൽ അവകാശവാദം വ്യാജമാണെന്ന് അദ്ദേഹം സ്ഥിരീകരിച്ചു.2018 -ൽ സ്വന്ത ക്യാമറിയയിൽ താൻ പകർത്തിയ ഫോട്ടോ ആണ് അത് എന്നും അദ്ദേഹം വ്യക്തമാക്കി. പ്രസ്തുത ഫോട്ടോ ഷുട്ടിന്റെ മറ്റുചില ചിത്രങ്ങളും അദ്ദേഹം ഞങ്ങളുമായി പങ്കുവച്ചു. അവ താഴെ കാണാം.

ഈ വ്യാജ പോസ്സ്റ് ഷെയർ ചെയ്ത Radio Tarana എന്ന ഫേസ്‌ബുക്ക് പേജിന്റെ സോഷ്യൽ അക്കൗണ്ട് സ്കാൻ ചെയ്തപ്പോൾ അതിന് 805,044 ഫോളോവേഴ്സ് ഉള്ളതായി കണ്ടു.