Fact Check: ക്രിക്കറ്റ് താരം ലിറ്റൺ ദാസിന്റേതെന്ന് അവകാശപ്പെടുന്ന ഈ വൈറൽ ചിത്രം എഡിറ്റ് ചെയ്തതും പഴയതുമാണ്

ന്യൂഡൽഹി (വിശ്വാസ് ന്യൂസ്) : ബംഗ്ലദേശ് ക്രിക്കറ്റ് താരം ലിറ്റൺ ദാസ് തൻ്റെ വീട് കത്തിക്കുന്നതായുള്ള ഒരു  ടെലിവിഷൻ വാർത്താ റിപ്പോർട്ട് കാണുന്നതായി കാണിച്ച് തെറ്റിദ്ധരിപ്പിക്കുന്ന ഒരു പോസ്റ്റ് സോഷ്യൽ മീഡിയയിൽ പ്രചരിക്കുന്നു. അവകാശവാദം തെറ്റാണെന്ന് വിശ്വാസ് ന്യൂസ് കണ്ടെത്തി.

ഏതാനും ദിവസങ്ങൾക്ക് മുമ്പ് ദാസിൻ്റെ വീടിന് തീയിട്ടതായി അവകാശപ്പെടുന്ന പോസ്റ്റുകൾ വൈറലായിരുന്നു. വിശ്വാസ് ന്യൂസ് ഉൾപ്പെടെ ഒന്നിലധികം വസ്തുതാ പരിശോധകർ ഈ തെറ്റായ അവകാശവാദം തള്ളിക്കളഞ്ഞു.

തൻ്റെ വീട് കത്തിനശിച്ചതിനെക്കുറിച്ചുള്ള വ്യാജവാർത്ത കാണുന്നത് ദാസ് ആണെന്ന് അവകാശപ്പെടുന്ന  അടിക്കുറിപ്പോടെ, ടിവി കാണുന്ന ഒരു വ്യക്തിയുടെ ഫോട്ടോ സമൂഹമാധ്യമങ്ങളിൽ പ്രചരിക്കുന്നു.

വിശ്വാസ് ന്യൂസ് നടത്തിയ അന്വേഷണത്തിൽ ചിത്രത്തിലുള്ളത് ദാസ് അല്ലെന്ന് കണ്ടെത്തി. 2020-ൽ എടുത്ത യഥാർത്ഥ ഫോട്ടോ,  മുൻ യുകെ പ്രധാനമന്ത്രി ബോറിസ് ജോൺസണെ ടിവിയിൽ അവതരിപ്പിക്കുന്ന നടൻ ഇസ്ലാഹ് അബ്ദുറഹ്മാൻ സൃഷ്ടിച്ച ഒരു മീം (ഒരു ഹാസ്യപ്രയോഗം) ആണ്.  .

എന്താണ് വൈറൽ പോസ്റ്റിൽ ഉള്ളത്? 

 ‘Habibullah FAIZI DOT COM’ എന്ന ഫേസ്ബുക്ക് ഉപയോക്താവ് 2024 ഓഗസ്റ്റ് 8 ന് ഈ ഫോട്ടോ പങ്കിട്ടു, ഇത് ബംഗ്ലാദേശ് വിക്കറ്റ് കീപ്പർ ദാസിൻ്റെതാണെന്ന് അവകാശപ്പെട്ടുകൊണ്ട്  അയാൾ  എഴുതി, “ഇത് ബംഗ്ലാദേശിൻ്റെ പ്രശസ്ത ക്രിക്കറ്റ് താരം ലിറ്റൺ ദാസ് ആണ്. അദ്ദേഹത്തിന്റെ  വീട്ടിൽ നിന്നുകൊണ്ട് സ്വന്തം വീട് കത്തിച്ച വാർത്ത ഗോഡി മീഡിയയിൽ കാണുന്നു…”

അന്വേഷണം: 

ഈ പോസ്റ്റിന്റെ നിജസ്ഥിതി  അന്വേഷിക്കാൻ, ഞങ്ങൾ ഗൂഗിൾ ലെൻസ് ഉപയോഗിച്ചു. യഥാർത്ഥ ചിത്രം 2020 മാർച്ച് 24-ന് ഇസ്ലാഹ് എന്ന് പേരുള്ള X ഹാൻഡിൽ അപ്‌ലോഡ് ചെയ്‌തു. ടിവി കാണുന്ന ഫോട്ടോയിലെ ആൾ തന്നെയാണ്, എന്നാൽ സ്‌ക്രീനിൽ യുകെ മുൻ പ്രധാനമന്ത്രി ബോറിസ് ജോൺസണെയാണ് കാണിക്കുന്നത്. ഒറിജിനൽ ഫോട്ടോയുടെ അടിക്കുറിപ്പ്, “എല്ലാ ഏഷ്യൻ അച്ഛനും ഇപ്പോൾ വാർത്തകൾ കാണുന്നു” എന്നാണ്.

Islah’s X handle, പരിശോധിച്ചപ്പോൾ അത്തരം കൂടുതൽ ചിത്രങ്ങൾ ഞങ്ങൾ കണ്ടെത്തി.

‘ഇസ്‌ല’ എന്ന അക്കൗണ്ടിൻ്റെ ബയോ ഞങ്ങൾ പരിശോധിച്ചപ്പോൾ അത് ബ്രിട്ടീഷ്-ബംഗ്ലാദേശി ചലച്ചിത്ര നിർമ്മാതാവും നടനുമായ ഇസ്‌ലാ അബ്ദുറഹ്മാൻ്റേതാണെന്ന് കണ്ടെത്തി.അദ്ദേഹത്തിൻ്റെ സോഷ്യൽ മീഡിയ പ്രൊഫൈലുകളിലുടനീളമുള്ള കൂടുതൽ പരിശോധനകൾ വൈറൽ ചിത്രം തീർച്ചയായും അദ്ദേഹത്തിൻ്റെതാണെന്ന് സ്ഥിരീകരിച്ചു..

ദൈനിക് ജാഗരൻ്റെ സ്‌പോർട്‌സ് എഡിറ്റർ അഭിഷേക് ത്രിപാഠിയുമായും ഞങ്ങൾ സംസാരിച്ചു, ചിത്രത്തിൽ കാണുന്നത് ക്രിക്കറ്റ് താരം ദാസല്ലെന്ന് അദ്ദേഹം സ്ഥിരീകരിച്ചു.

ദാസും ഫോട്ടോയിലെ ഇസ്‌ലയും തമ്മിലുള്ള വ്യത്യാസങ്ങൾ ചുവടെയുള്ള കൊളാഷിൽ ചിത്രീകരിച്ചിരിക്കുന്നു.

തെറ്റിദ്ധരിപ്പിക്കുന്ന അവകാശവാദവുമായി ഫോട്ടോ ഷെയർ ചെയ്ത ഹബീബുള്ള ഫൈസി ഡോട്ട് കോം എന്ന ഫേസ്ബുക്ക് ഉപയോക്താവിന് അഞ്ച് ലക്ഷത്തിലധികം ഫോളോവേഴ്‌സ് ഉണ്ട്.

നിഗമനം: ചിത്രത്തിലുള്ളത് ലിറ്റൺ ദാസ് അല്ലെന്നാണ് വിശ്വാസ് ന്യൂസിൻ്റെ അന്വേഷണത്തിൽ വ്യക്തമായത്. യഥാർത്ഥ ചിത്രം ബ്രിട്ടീഷ്-ബംഗ്ലാദേശി ചലച്ചിത്ര നിർമ്മാതാവും നടനുമായ ഇസ്ലാഹ് അബ്ദുർ-റഹ്മാനെ അവതരിപ്പിക്കുകയും ഒരു മീം  ആയി പോസ്റ്റ് ചെയ്യുകയും ചെയ്തിരിക്കുന്നു.

ടാഗ്സ്

• Bangladesh
• Bangladesh Protest
• Cricketer Liton Das