വസ്തുതാ പരിശോധന: ബിജെപി എം എൽ എ മുകേഷ് വർമ്മ ബിജെപി വിട്ട് എസ്പിയിൽ ചേർന്നു എന്ന പഴയ വാർത്ത പുതിയ സംഭവമെന്നനിലയിൽ വൈറലാകുന്നു .

ന്യൂദൽഹി(വിശ്വാസ് ന്യൂസ്): ഉത്തരപ്രദേശിലെ ബിജെപി എം എൽ എ മുകേഷ് വർമ്മ മറ്റു 20 എം എൽ എമാരോടൊപ്പം ബിജെപി വിട്ട് എസ്പിയിൽ ചേർന്നു എന്ന ടിവി 9 ന്യൂസ് ചാനലിലെ ഒരു വാർത്താക്ലിപ്പ് വിശ്വാസ് ന്യൂസിന്റെ ശ്രദ്ധയിൽ വന്നു

വിശ്വാസ് ന്യൂസിന്റെ അന്വേഷണത്തിൽ ഈ വാർത്ത തെറ്റിദ്ധാരണാജനകമെന്ന് വ്യക്തമായി. മുകേഷ് വർമ്മ ബിജെപി വിട്ടത് ശരിയാണെങ്കിലും അത് 2022 ജനുവരിയിൽ ആയിരുന്നു .

അവകാശവാദം

ഫേസ്ബുക്ക് യൂസർ സഞ്ജീവ് ഗൗരവ് കുമാർ ഈ വൈറൽ ക്ലിപ്പ് പങ്കുവെച്ചുകൊണ്ട് എഴുതുന്നു: ബിജെപി എംഎൽഎ മുകേഷ് വർമ ബിജെപി വിട്ട് എസ് പിയിൽ ചേരുന്നു.
Check the post and its archive version here.
ഈ പോസ്റ്റും അതിന്റെ ആർക്കൈവ് വേർഷനും ഇവിടെ കാണാം

ഇതേ യൂസർ ഈ വാർത്ത ട്വിറ്ററിൽ പോസ്റ്റ് ചെയ്തതും വൈറൽ ആയിട്ടുണ്ട്.

https://twitter.com/salam0786786/status/1583889973329031169?s=20&t=SzPAOjGnFtMWEHSIrCSFfg

അന്വേഷണം:

വിശ്വാസ് ന്യൂസ് കീവേഡ് സെർച്ച് നടത്തിക്കൊണ്ട് ഇതുസംബന്ധിച്ച അന്വേഷണം ആരംഭിച്ചു. ടിവി9 ഭാരതവര്ഷ എന്ന ഫേസ്‌ബുക്ക് പേജിലും ഈ വാർത്ത കാണുകയുണ്ടായി.

ഈ ക്ലിപ്പ് ഫേസ്‌ബുക്കിൽ പോസ്റ്റ് ചെയ്തത് ജനുവരി 14, 2022-ൽ .

ടിവി9 ഭാരതവര്ഷ എന്ന യുട്യൂബ് ചാനലിലും ഈ വാർത്ത കാണുകയുണ്ടായി. പ്രസ്തുത ചാനലിന് 12.2 ദശലക്ഷം സബ്സ്ക്രൈബർമാർ ഉണ്ട് . ജനുവരി 14, 2022-ൽപോസ്റ്റ് ചെയ്തഈ വീഡിയോ 32 ലക്ഷം പേര് കാണുകയുണ്ടായി. .

മുകേഷ് വർമ്മ ബിജെപി വിട്ട വാർത്ത ഞങ്ങൾ ഇന്റർനെറ്റിലും പരിശോധിക്കുകയുണ്ടായി.

ഹിന്ദുസ്ഥാൻ ടൈംസിൽ ജനുവരി 13, 2022-ൽ പ്രസിദ്ധീകരിച്ച ഒരു റിപ്പോർട്ടിന്റെ ശീർഷകം പറയുന്നു: “യു പി തെരഞ്ഞെടുപ്പ് : എംഎൽഎ മുകേഷ് വർമ പാർട്ടിവിട്ടത് ബിജെപി ക്ക് മറ്റൊരു പ്രഹരമാകുന്നു ”

പ്രസ്തുത റിപ്പോർട്ട് പറയുന്നു:” ആസന്നമായ മിയമസഭാതെരഞ്ഞെടുപ്പിൻ മുമ്പ് ബിജെപി വിടുന്ന ഏഴാമത്തെ എംഎൽഎ ആണ് മുകേഷ് വർമ. ബിജെപി അംഗത്വം രാജിവെച്ചശേഷം വർമ്മ ഈ വാരം ആദ്യം മന്ത്രിസഭയിൽനിന്നും രാജിവെച്ച സ്വാമി പ്രസാദ് മയൂരക്ക് പിന്തുണ നൽകി.”

എൻ ഡി ടിവി വെബ്സൈറ്റിലും ഞങ്ങൾ ഈ റിപ്പോർട്ട് കണ്ടു.

അന്വേഷണത്തിന്റെ അടുത്ത ഘട്ടമായി വിശ്വാസ്‌ ന്യൂസ് ബിജെപിയുടെ ദേശീയ വക്താവ് ഡോ.ഗുരുപ്രകാശ് പാസ്വാനുമായി സംസാരിച്ചു . അദ്ദേഹം പറഞ്ഞു:” മുകേഷ് വർമ്മ പാർട്ടിവിട്ടു എന്ന വാർത്ത തെറ്റിദ്ധാരണാജനകമാണ്. യുപിയിലെ ഷിക്കോഹാബാദിൽനിന്നുള്ള എംഎൽഎ ആയ വർമ്മ പാർട്ടിവിട്ടത് ജനുവരി 2022-ൽ ആണ്. ഇത് അടുത്ത കാലത്ത് നടന്നതല്ല . ബിജെപി ഒരു കുടുംബം പോലെയാണ്. വിട്ടുപോയ പലരും പാർട്ടിയിലേക്ക് തിരിച്ചുവന്നിട്ടുണ്ട്. എന്നാൽ അടുത്ത കാലത്ത് ഇങ്ങനെ നടന്നിട്ടില്ല .”

അന്വേഷണത്തിന്റെ അവസാന ഘട്ടത്തിൽ വിശ്വാസ്‌ ന്യൂസ് ഈ വൈറൽ വീഡിയോ പോസ്റ്റ് ചെയ്ത യൂസറുടെ പ്രൊഫൈൽ സ്കാൻ ചെയ്തു. അതിൽ സഞ്ജീവ് ഗൗരവ് കുമാർ എന്ന യൂസർക്ക് 1600 സുഹൃത്തുക്കൾ ഉണ്ടെന്നും അയാൾ ഉത്തരപ്രദേശിലെ ജയത്ര സ്വദേശി ആണെന്നും മനസ്സിലായി .

നിഗമനം: എംഎൽഎ മുകേഷ് വർമ്മ ബിജെപി വിട്ടത് ജനുവരി,2022-ൽ ആണ്. അടുത്ത കാലത്താണ് അദ്ദേഹം രാജിവെച്ചത് എന്ന വൈറൽ അവകാശവാദം തെറ്റിദ്ധാരണാജനകമാണ്. അദ്ദേഹം പാർട്ടിവിട്ടതായുള്ള പഴയവാർത്ത ഇപ്പോൾ തെറ്റിദ്ധരിപ്പിക്കുന്നവിധം പുതിയ വാർത്ത എന്ന നിലയിൽ പ്രചരിപ്പിക്കുന്നു.

ടാഗ്സ്

• BJP
• bjp mla
• Mukesh Verma