വസ്തുതാ പരിശോധന : ശിവകാശിയിൽ മുരുകക്ഷേത്രത്തിൽനിന്നുള്ള പഴയ വീഡിയോ കാഞ്ചീപുരം ഏകാംബരനാഥർ ക്ഷേത്രത്തിന്റേതായി പ്രചരിപ്പിക്കുന്നു

ന്യൂഡൽഹി (വിശ്വസ് ന്യൂസ്) : വജ്രം പതിച്ച ഒരു ശിവലിംഗത്തിന്റെ വീഡിയോ ഓഗസ്റ്റ് 1, 2022 മുതൽ സമൂഹമാധ്യമങ്ങളിൽ പ്രചരിച്ചുവരുന്നു. തമിഴ് നാട്ടിലെ കാഞ്ചീപുരം ഏകാംബരനാഥർ ക്ഷേത്രത്തിലേതാണ് ആ ശിവലിംഗമെന്ന് പ്രസ്തുത പോസ്റ്റ് അവകാശപ്പെടുന്നു.

എന്നാൽ, വിശ്വാസ് ന്യൂസ് നടത്തിയ അന്വേഷണത്തിൽ ഈ അവകാശവാദം തെറ്റിദ്ധാരണയുണ്ടാക്കുന്നതാണെന്ന് വ്യക്തമായി. ഇത് ശിവകാശിയിലെ മുരുകക്ഷേത്രത്തിൽനിന്നുള്ളതാനെന്നും കാഞ്ചീപുരം ഏകാംബരനാഥർ ക്ഷേത്രത്തിലേതല്ലെന്നും തെളിഞ്ഞു.

അവകാശവാദം:

‘Hindu 4 Hindustan’ എന്ന ഫേസ്‌ബുക്ക് ഗ്രൂപ്പ് ആണ് വജ്രം പതിച്ച ശിവലിംഗം തമിഴ് നാട്ടിലെ കാഞ്ചീപുരം ഏകാംബരനാഥർ ക്ഷേത്രത്തിന്റേതായി ഫേസ്‌ബുക്ക് പോസ്റ്റിലൂടെ പ്രചരിപ്പിക്കുന്നത്. പോസ്റ്റ് പറയുന്നു “ ഇത് കാഞ്ചീപുരം ഏകാംബരനാഥർ ക്ഷേത്രമാകുന്നു. ഇവിടത്തെ ശിവലിംഗത്തിൽ 100008 വജ്രങ്ങളും പതിച്ചിട്ടുണ്ട്. അതിന്റെ ദിവ്യത്വം പ്രകടമാണ്. എല്ലാം ശിവന്റെ കാരുണ്യം!”

ഈ വൈറൽ ഫേസ്‌ബുക്ക് പോസ്റ്റിന്റെ ആർക്കൈവ് വേർഷൻ ഇവിടെ കാണാം.

അന്വേഷണം:

വിശ്വാസ് ന്യൂസ് സത്യാവസ്ഥ അറിയാനായി InVID ടൂൾ ഉപയോഗിച്ച് ഈ വീഡിയോയുടെ കീഫ്രയിമുകൾ ഗൂഗിൾ റിവേഴ്‌സ് ഇമേജ് വഴി പരിശോധിച്ചു. വൈറൽ വീഡിയോ കാഞ്ചീപുരം ഏകാംബരനാഥർ ക്ഷേത്രത്തിന്റേതെന്ന് അവകാശപ്പെടുന്ന മറ്റൊരു വീഡിയോവും ഞങ്ങൾ കണ്ടെത്തി

എന്നാൽ തുടർന്നുള്ള അന്വേഷണത്തിൽ സമാനമായ ഒരു വീഡിയോ 2018 -ൽ ഫേസ്ബുക്കിലും യൂട്യുബിലും അപ്‌ലോഡ് ചെയ്തിരുന്നതായും അതിൽ പ്രസ്തുത വീഡിയോ തമിഴ്‌നാട്ടിലെ ശിവകാശി മുരുകക്ഷേത്രത്തിൽനിന്നുള്ളതാനെന്നും പറയുന്നു. ഓഗസ്റ്റ് 22, 2018-ലെ ഒരു പോസ്റ്റിൽ പറയുന്നു: “ പ്രദോഷദിനത്തിൽ വജ്ര കവചം ധരിച്ച, തമിഴ്‌നാട്ടിലെ ശിവകാശി മുരുകക്ഷേത്രത്തിലെ ശിവലിംഗമാണ് ഇത്.”

ഓഗസ്റ്റ് 24, 2020 -ലെ ‘Sri Sri Rashasthali’ എന്ന പേരിലുള്ള ഒരു യൂട്യൂബ് ലിങ്കും ഞങ്ങൾ കണ്ടു. പ്രസ്തുത പോസ്റ്റിൽ പറയുന്നു : “ഓം നമഃശിവായ. ഹര ഹര മഹാദേവ . പ്രദോഷദിനത്തിൽ വജ്ര കവചം ധരിച്ച, ഇന്ത്യയിൽ തമിഴ്‌നാട്ടിലെ ശിവകാശി മുരുകക്ഷേത്രത്തിലെ ശിവലിംഗമാണ് ഇത്.”

ഈ പേജിന് യുട്യൂബിൽ 132K -യിൽ അധികം സബ്സ്ക്രൈബർമാർ ഉണ്ട്.

കൂടുതൽ വിവരങ്ങൾക്കായി ഞങ്ങൾ ചെന്നൈയിൽ ഹിന്ദു പത്രത്തിന്റെ റിപ്പോർട്ടർ ദീപയെ ബന്ധച്ചപ്പെട്ടു. അവർ പറഞ്ഞു :” ഈ വീഡിയോ ശിവകാശി മുരുകക്ഷേത്രത്തിൽനിന്നുള്ളതാണ് ”.

‘Hindu 4 Hindustan’ എന്ന ഫേസ്‌ബുക്ക് പേജ് ഒരു മത സംഘടനയാണ്. അതിനെപ്പറ്റിയുള്ള വിശദീകരണത്തിൽ പറയുന്നു ” ഇന്ത്യയെ ഹിന്ദുരാഷ്ട്രമായി മാത്രം കാണാൻ കഴിയുന്നവർ ഇതിൽ ചേരുക.” ഈ പേജിന് 120 -ൽ അധികം ഫോളോവേഴ്സ് ഉണ്ട്