വസ്തുതാ പരിശോധന : ഫിൻലാന്റിലെ ഒരു ആൾത്തിരക്കേറിയ നദിയുടെ പഴയ ഫോട്ടോ അത് അമേരിക്കയിലെത്തി എന്ന പേരിൽ പങ്കുവെയ്ക്കപ്പെടുന്നു

ന്യൂഡൽഹി (വിശ്വാസ് ന്യൂസ്): സമുഹ മാധ്യമങ്ങളിൽ വൈറലായിക്കൊണ്ടിരിക്കുന്ന ഒരു ചിത്രം ഒരു നദിയിൽ പൊങ്ങിക്കിടക്കുന്ന ട്യൂബുകളിൽ നീന്തുന്ന ഒട്ടേറെപ്പേരെ കാണാം. ഇത് അമേരിക്കയിലെ ടെക്‌സാസിൽനിന്നുള്ളതാണെന്നാണ് പോസ്റ്റ് പറയുന്നത്. എന്നാൽ വിശ്വാസ് ന്യുസിന്റെ അന്വേഷണത്തിൽ ഈ വൈറൽ അവകാശവാദം തെറ്റാണെന്നു വ്യക്തമായി. പ്രസ്തുത ചിത്രത്തിന് അമേരിക്കയുമായി ഒരു ബന്ധവുമില്ല. ചിത്രം ഫിൻലാന്റിൽനിന്നുള്ളതാണ്.

എന്താണ് വൈറൽ പോസ്റ്റിൽ ഉള്ളത്?

ഈ വൈറൽ ചിത്രം പങ്കുവെച്ചുകൊണ്ട് ഗൗഡാലൂപ് റിവർ, ന്യൂബ്രൗൻസ്ഫെൽ ,ടി എക്സ് ഡിസ വീക്കെൻഡ് എന്ന യൂസർ എഴുതുന്നു:” .”ടെക്‌സാസ് ന്യൂബ്രൗൻസ്ഫെല്ലിലെ ഗവാഡലൂപ് നദിയിൽനിന്ന് ഈ വാരാന്ത്യത്തിൽ എടുത്ത ചിത്രമാണിത്.”

ഈ പോസ്റ്റിന്റെ ആർക്കൈവ്ഡ് വേർഷൻ ഇവിടെ കാണാം.

അന്വേഷണം

ഈ ചിത്രത്തിന്റെ സത്യാവസ്ഥ അറിയാനായി വിശ്വാസ് ന്യുസ് ഗുഗിൾ റിവേഴ്‌സ് ഇമേജ് ഉപയോഗിച്ച് സെർച്ച് നടത്തി. ഡിസ്കവറിങ് ഫിൻലാൻഡ് എന്ന ട്വിറ്റർ ഹാന്ഡിലിൽ 201 7-ൽ പോസ്റ്റ് ചെയ്തതാണ് ഇതെന്ന് ട്വീറ്റിൽനിന്നും (ആർക്കൈവ്) വ്യക്തമായി. ചിത്രത്തോടൊപ്പമുള്ള വിവരണത്തിൽ ഇത് ഫിൻലാന്റിലെ ഫ്‌ളോട്ടിങ് ബിയർ ഫെസ്റിവലിന്റേതാണെന്ന് പറയുന്നു.

kaljakellunta.orgഎന്ന സൈറ്റിലും ഞങ്ങൾ ഈ ചിത്രം കാണുകയുണ്ടായി. kaljakellunta എന്ന ഫീനിഷ് വാക്കിന്റെ അർത്ഥം ഫ്‌ളോട്ടിങ് ബിയർ ഫെസ്റ്റിവൽ എന്നാണ്. ഈ വെബ്സൈറ്റ് ഫിൻലാന്റിലെ ഫ്‌ളോട്ടിങ് ബിയർ ഫെസ്റിവലിനെക്കുറിച്ചുള്ളതാണ്. അവിടെ ഈ ഫെസ്റ്റിവെലിന്റെ ഒട്ടേറെചിത്രങ്ങൾ ഞങ്ങൾ കണ്ടു.

ഈ വൈറൽ ചിത്രം ഫിൻലാന്റിലേതാണെന്ന് ഇതോടെ വ്യക്തമായി. തുടർന്ന് ഞങ്ങൾ ടെക്‌സാസിലെ ന്യൂബ്രൗൻസ്ഫെല്ലിലെ ഗവാഡലൂപ് നദി കണ്ടെത്തി. എന്നാൽ ഈ വൈറൽ ചിത്രം പോലെ നദിയിൽ ജനക്കൂട്ടം തിങ്ങിനിറഞ്ഞ ഒന്ന് ഞങ്ങൾക്ക് കാണാനായില്ല.

സത്യാവസ്ഥ അറിയാനായി അമേരിക്ക ആസ്ഥാനമാക്കി പ്രവർത്തിക്കുന്ന ജേണലിസ്റ്റ് പ്രതീക് ഗോയലിനെ ഞങ്ങൾ ബന്ധപ്പെട്ടു. അദ്ദേഹം പറഞ്ഞു:” ഞാൻ ഇപ്പോൾ ന്യൂയോർക്കിലാണ് താമസിക്കുന്നതെങ്കിലും ഞാൻ ശരിയ്ക്കും ടെക്സസ്സിൽനിന്നാണ്. എന്റെ അമ്മ ഇപ്പോഴും അവിടെയാണ്. ഈ ചിത്രം ഗവാഡലൂപ് നദിയുടേതല്ല. ഇങ്ങനെ ഒരു ആൾക്കൂട്ടത്തെ ഞാൻ ഒരിക്കലും അവിടെ കണ്ടിട്ടില്ല.”

അന്വേഷണത്തിന്റെ അവസാനഘട്ടമായി ഈ പോസ്റ്റ് ഷെയർ ചെയ്ത യൂസറുടെ സമൂഹ പശ്ചാത്തലം ഞങ്ങൾ പരിശോധിച്ചു.“Fox Sports Radio 1400 Texarkana” എന്ന യൂസർക്ക് 209,990 ഫോളോവേഴ്സ് ഉണ്ട്.