വസ്തുതാപരിശോധന: കാൻസർ ബാധിച്ച് മരിച്ച ഡേവിഡ് മില്ലറുടെ ആരാധികയുടെ ഫോട്ടോ വ്യാജ അവകാശവാദവുമായി വൈറലാകുന്നു
- By: Pallavi Mishra
- Published: Oct 24, 2022 at 11:56 AM
- Updated: Oct 24, 2022 at 12:28 PM
ന്യൂഡൽഹി (വിശ്വാസ് ന്യൂസ്): സമൂഹമാധ്യമങ്ങളിൽ വൈറൽ ആയ ഒരു ചിത്രത്തിൽ ദക്ഷിണാഫ്രിക്കൻ ബാറ്റ്സ്മാൻ ഡേവിഡ് മില്ലറെ ഒരു കൊച്ചു പെൺകുട്ടിയോടൊപ്പം കാണാം. അടുത്ത കാലത്ത് കാൻസർ ബാധിച്ച് മരണപ്പെട്ട അദ്ദേഹത്തിന്റെ മകളാണ് ചിത്രത്തിലുള്ളതെന്നാണ് പോസ്റ്റിൽ അവകാശപ്പെടുന്നത്.
വിശ്വാസ് ന്യൂസിന്റെ അന്വേഷണത്തിൽ പ്രസ്തുത പോസ്റ്റ് വ്യാജമെന്ന് വ്യക്തമായി. ചിത്രത്തിൽ കാണുന്ന പെൺകുട്ടി കാൻസർ ബാധിച്ച് മരണപ്പെട്ടു എന്നത് സത്യമാണ്. എന്നാൽ ആ പെൺകുട്ടി ഡേവിഡ് മില്ലറുടെ മകളല്ല, അദ്ദേഹത്തിന്റെ ഒരു ആരാധികയാണ്.
എന്താണ് വൈറൽ പോസ്റ്റിൽ ഉള്ളത്?
ഈ പോസ്റ്റിന്റെ ആർക്കൈവ്ഡ് ലിങ്ക് ഇവിടെ കാണാം
അന്വേഷണം
ഇതുസംബന്ധിച്ചിട്ടുള്ള അന്വേഷണത്തിന്റെ ഭാഗമായി ഞങ്ങൾ കീവേഡ് സെർച്ച് നടത്തി. അപ്പോൾ ആ പെൺകുട്ടിയെക്കുറിച്ചുള്ള പല വാർത്തകളും ഞങ്ങൾ കണ്ടു. ഒക്ടോബർ 8-ന് Jagran.com– പ്രസിദ്ധീകരിച്ച ഒരു റിപ്പോർട്ടിൽ പറയുന്നു (വിവർത്തനം):”ഡേവിഡ് മില്ലറുടെ ഒരു കൊച്ച്‌ ആരാധിക മരണപ്പെട്ടു. സമൂഹമാധ്യങ്ങളിൽ ഒരു വീഡിയോവിലൂടെ അദ്ദേഹം പ്രസ്തുത വിവരം അറിയിച്ചു.തന്റെ ഔദ്യോഗിക ഇൻസ്റ്റാ അക്കൗണ്ടിലാണ് അദ്ദേഹം ആ പെൺകുട്ടിയോടോപ്പമുള്ള തന്റെ വീഡിയോ പങ്കുവെച്ചത്. ” ആർ ഐ പി എന്റെ പ്രിയ റോക്ക്സ്റ്റാർ. എന്നെന്നും നിന്നെ സ്നേഹിക്കുന്നു.”
ഈ വിയോഗത്തെപ്പറ്റി ഡേവിഡ് മില്ലർ ഇൻസ്റാഗ്രാമിലും ദു;ഖം പങ്കുവെച്ചു..ഇതിനെപറ്റി പല വാർത്തകളും ഞങ്ങൾക്ക് ലഭിച്ചു. പ്രസ്തുത വാർത്തകൾ അനുസരിച്ച് ഡേവിഡ് മില്ലറുടെ കടുത്ത ആരാധികയായ ഈ പെൺകുട്ടിയുടെ പേര് ആനി എന്നാണ്.
ഇതിനെപറ്റി സ്പോർട്ട്സ് ജേണലിസ്റ്റ് സയിദ് ഹുസൈനുമായി ഞങ്ങൾ സംസാരിച്ചു. അദ്ദേഹം പറഞ്ഞു :” ഈ പെൺകുട്ടി മില്ലറുടെ മകളല്ല, ആരാധികയാണ്.”
സ്പോർട്ട്സ് ജേണലിസ്റ്റ് വിപ്ലവ കുമാറും ഇത് സ്ഥിരീകരിച്ചു. അദ്ദേഹം പറപറഞ്ഞു :” ഈ പെൺകുട്ടി മില്ലറുടെ ആരാധികയാണ്,. മകളല്ല, “
ദൈനിക് ജാഗരനിലെ സ്പോർട്ട്സ് ജേണലിസ്റ്റ് അഭിഷേക് ത്രിപാഠിയും ഇത് സ്ഥിരീകരിച്ചു. ഈ പെൺകുട്ടി മില്ലറുടെ ആരാധികയാണ്,മകളല്ല എന്ന് അദ്ദേഹവും വ്യക്തമാക്കി.
ഒട്ടേറെ ആളുകൾ ഈ പോസ്റ്റ് ഷെയർ ചെയ്തിട്ടുണ്ട്. ഇവരിൽ ഒരു യൂസറുടെ പേര് യാഷ് ശ്രീകാന്ത് എന്നാണ്. അയാൾക്ക് ഫേസ്‌ബുക്കിൽ 2,426 ഫോളോവേഴ്സ് ഉണ്ട്.
നിഗമനം: വിശ്വാസ് ന്യൂസിന്റെ അന്വേഷണത്തിൽ ഈ അവകാശവാദം വ്യാജമെന്ന് തെളിഞ്ഞു. ചിത്രത്തിലെ പെൺകുട്ടി കാൻസർ ബാധിച്ച് മരിച്ചു എന്നത് ശരിയാണ്. എന്നാൽ അത് ഡേവിഡ് മില്ലറുടെ മകളല്ല, ചിത്രത്തിൽ കാണുന്നത്ആ അദ്ദേഹത്തിന്റെ ആരാധികയുടെ ഫോട്ടോ ആണ്.
- Claim Review : ഡേവിഡ് മില്ലറുടെ മകൾ കാൻസർ ബാധിച്ച് മരിച്ചു.
- Claimed By : ഫേസ്‌ബുക്ക് യൂസർ വോയ്‌സ് ഓഫ് നർവാവ്‌
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
