വസ്തുതാപരിശോധന: ദി കേരള സ്റ്റോറി’ യിൽ ഡെവോളീന ഭട്ടാചാർജി ഒരു വേഷം ചെയ്തിട്ടില്ല, വൈറൽ പോസ്റ്റ് വ്യാജം

ന്യൂഡൽഹി (വിശ്വാസ് ന്യൂസ്): ‘ദി കേരള സ്റ്റോറി’ എന്ന സിനിമ പുറത്തിറങ്ങിയത് മുതൽ ചിത്രത്തെ കുറിച്ച് നിരവധി വ്യാജ പോസ്റ്റുകൾ ഇന്റർനെറ്റിൽ പ്രചരിക്കുന്നുണ്ട്. ടെലിവിഷൻ താരം ദേവോലീന ഭട്ടാചാരി ചിത്രത്തിൽ ഒരു വേഷം ചെയ്തിട്ടുണ്ട് ഇപ്പോൾ അവർ ഒരു മുസ്ലീം യുവാവിനെ വിവാഹം കഴിച്ചു എന്ന അവകാശവാദവുമായി ഒരു പോസ്റ്റ് അടുത്തിടെ സോഷ്യൽ മീഡിയ പ്ലാറ്റ്‌ഫോമുകളിൽ വൈറലാകുകയാണ്. ബംഗാളി വിവാഹ വസ്ത്രത്തിൽ ഒരു പുരുഷനൊപ്പം ദേവോലീന നിൽക്കുന്ന ചിത്രവും വൈറലായ പോസ്റ്റിൽ പങ്കിട്ടിട്ടുണ്ട്..  

ഈ വൈറൽ ചിത്രം സംബന്ധിച്ച അവകാശവാദം തെറ്റാണെന്ന് വിശ്വാസ് ന്യൂസ് നടത്തിയ അന്വേഷണത്തിൽ കണ്ടെത്തി. ദേവോലിന ഭട്ടാചാര്യ ‘ദി കേരള സ്റ്റോറി’യുടെ ഭാഗമല്ല. ദേവോലീനയ്‌ക്കൊപ്പമുള്ള ചിത്രത്തിൽ കാണുന്നത് ആ നടിയുടെ പഴയ സഹനടൻ വിശാൽ സിംഗ് ആണ്. ദേവോലീന 2022 ഡിസംബറിൽ വിവാഹിതയായി, ‘ദി കേരള സ്റ്റോറി’ പുറത്തിറങ്ങിയതാകട്ടെ 2023 മെയ് 5 -നും

അവകാശവാദം:

ഫേസ്ബുക്ക് ഉപയോക്താവ് (ആർക്കൈവ് ലിങ്ക്) ‘മുഹമ്മദ് ജാവേദ് അക്തർ’ 2023 മെയ് 17-ന് വൈറൽ ചിത്രം പങ്കിട്ടു, അയാൾ അടിക്കുറിപ്പിൽ എഴുതി, “ദി കേരള സ്റ്റോറി’ നടി ദേവലിന ഭട്ടാചാര്യയുടെ ഭർത്താവ് ഷാനവാസ് ഷെയ്ഖ് ആണ് കൂടെ. ഈ നടി ഈ ചിത്രത്തിൽ അഭിനയിച്ചശേഷം ചിത്രം നിരോധിക്കപ്പെട്ടശേഷം . ഒരു മുസ്ലിമിനെ വിവാഹം കഴിക്കുകയായിരുന്നു. കാരണം #ദി കേരള സ്റ്റോറി പൂർണമായും #പ്രൊപ്പഗാണ്ട അല്ലെങ്കിൽ #വ്യാജം ആയ ചിത്രമാണെന്ന് അവർക്കറിയാമായിരുന്നു. ഭക്തന്മാരെക്കൊണ്ട് ഹൽവയാണെന്നു കരുതിപ്പിച്ച് ചാണകം തീറ്റിക്കുവാൻ കഴിയും.”

അന്വേഷണം:

ഈ വൈറൽ പോസ്റ്റിന്റെ സത്യം അറിയാൻ, ഞങ്ങൾ ബന്ധപ്പെട്ട കീവേഡുകൾ ഉപയോഗിച്ച് ഗൂഗിളിൽ സെർച്ച് ചെയ്തു. . നവഭാരത് ടൈംസ് വെബ്സൈറ്റിൽ ഡിസംബർ 14, 2022 ന് പ്രസിദ്ധീകരിച്ച ഒരു റിപ്പോർട്ട് ഞങ്ങൾ കണ്ടെത്തി. ജിം പരിശീലകൻ ഷാനവാസ് ഷെയ്ഖിനെ ദേവോലീന ഭട്ടാചാര്ജി വിവാഹം കഴിച്ചുവെന്നാണ് റിപ്പോർട്ടുകൾ. ഭർത്താവിന്റെ നിരവധി ഫോട്ടോകളാണ് വീഡിയോയിൽ ഉള്ളത്. നവഭാരത് ടൈംസ് റിപ്പോർട്ട് പ്രകാരം ഇയാളെ തന്റെ പഴയ സഹനടൻ വിശാൽ സിങ് എന്നാണ് വിശേഷിപ്പിച്ചത്. (മറ്റ് റിപ്പോര്ട്ടുകള് ഇവിടെ വായിക്കാം .

ദേവലീന ഭട്ടാചാര്യ ‘ദി കേരള സ്റ്റോറി’ യുടെ ഭാഗമാണോ അല്ലയോ എന്നറിയാൻ, ഞങ്ങൾ അത് മൂവി റേറ്റിംഗ് ആൻഡ് റിവ്യൂ വെബ്സൈറ്റായ ‘ഐഎംഡിബി’ ൽ സെർച്ച് ചെയ്തു.. മെയ് 5, 2023 നാണ് ചിത്രം റിലീസ് ചെയ്തതെന്ന് വെബ്സൈറ്റിൽ പറയുന്നു. താരങ്ങളുടെ പട്ടികയിലും ദേവോലീന ഭട്ടാചാര്യയുടെ പേര് പരാമർശിച്ചിട്ടില്ല. ചിത്രത്തിന്റെ ട്രെയിലർ യൂട്യൂബിൽ തിരഞ്ഞെങ്കിലും ദേവലീന ഭട്ടാചാര്യയെ എവിടെയും കാണാൻ കഴിഞ്ഞില്ല..

വിശ്വാസ് ന്യൂസ് ദേവോലീന ഭട്ടാചാര്ജിയുടെ സോഷ്യൽ മീഡിയ അക്കൗണ്ടുകൾ പരിശോധിച്ചെങ്കിലും ചിത്രത്തിന്റെ ഭാഗമായി സ്വയം പരാമര്ശിച്ച ഒരു പോസ്റ്റും കണ്ടെത്താനായില്ല. ഈ സിനിമയുടെ ഭാഗമായിരുന്നെങ്കിൽ സിനിമയുടെ പ്രമോഷനിലോ മറ്റേതെങ്കിലും പരിപാടിയിലോ തീർച്ചയായും അവർ പങ്കെടുക്കുമായിരുന്നു. പ്രൊഫൈലിൽ അത്തരം പോസ്റ്റുകളൊന്നും കണ്ടെത്താൻ കഴിഞ്ഞില്ല.

എങ്കിലും ദേവോലീനയുടെ ട്വിറ്റർ അക്കൌണ്ടിൽ ‘ദി കേരള സ്റ്റോറി’ യുമായി ബന്ധപ്പെട്ട ഒരു ട്വീറ്റ് ഞങ്ങൾ കണ്ടെത്തി. മെയ് 13, 2023 ന് ഒരു ഉപയോക്താവിനോട് ദേവോലീന പ്രതികരിച്ചു, ” എന്റെ ഭർത്താവ് ഒരു മുസ്ലീമാണ്, എന്നോടൊപ്പം സിനിമ കാണാൻ പോയി, സിനിമയെ അഭിനന്ദിച്ചു. അതൊരു കുറ്റകൃത്യമായി അദ്ദേഹം കണക്കാക്കുകയോ അത് തന്റെ മതത്തിന് എതിരാണെന്ന് തോന്നുകയോ ചെയ്തില്ല. ഓരോ ഇന്ത്യക്കാരനും ഇങ്ങനെയായിരിക്കണം.എന്ന ഞാൻ കരുതുന്നു ”

ടുതൽ വിവരങ്ങൾക്ക് ‘ദി കേരള സ്റ്റോറി’ എന്ന ചിത്രത്തിന്റെ പബ്ലിക് റിലേഷൻസ് നോക്കുന്ന അമിത് തുലിയുമായി ബന്ധപ്പെട്ടു. വൈറൽ പോസ്റ്റിലെ അവകാശവാദം വ്യാജമാണെന്ന് അദ്ദേഹം പറഞ്ഞു. ദേവോലീന ഭട്ടാചാര്യയ്ക്ക് സിനിമയുമായി യാതൊരു ബന്ധവുമില്ല.

അന്വേഷണത്തിന്റെ അവസാനത്തിൽ, വ്യാജ അവകാശവാദവുമായി വൈറൽ പോസ്റ്റ് പങ്കിട്ട ‘മുഹമ്മദ് ജാവേദ് അക്തർ’ എന്ന ഉപയോക്താവിന്റെ പേജ് ഞങ്ങൾ സ്കാൻ ചെയ്തു. അയാൾ ഒരു പ്രത്യേക വ്യ്‌ശ്വാസപ്രമാണത്താൽ സ്വാധീനിക്കപ്പെട്ട ആളാണെന്നും സ്വാധീനിച്ചു ഫേസ്ബുക്കിൽ 8,000 പരം ആളുകൾ അയാളെ പിന്തുടരുന്നുണ്ടെന്നും വ്യക്തമായി.

നിഗമനം: ദേവോലീന ഭട്ടാചാര്യയുടെ വൈറൽ ഫോട്ടോയുമായി ബന്ധപ്പെട്ട അവകാശവാദം വ്യാജമാണെന്ന് വിശ്വാസ് ന്യൂസ് അന്വേഷണത്തിൽ കണ്ടെത്തി. ദേവോലീന ഭട്ടാചാര്യ ‘കേരള സ്റ്റോറി’ സിനിമയുടെ ഭാഗമല്ല. ദേവോലീനയ്ക്കൊപ്പമുള്ള ചിത്രത്തിൽ കാണുന്നത് അദ്ദേഹത്തിന്റെ പഴയ സഹനടൻ വിശാൽ സിങ്ങാണ്. 2022 ഡിസംബറിലാണ് ദേവോലിന വിവാഹിതയായത് ,അതേസമയം ‘ദി കേരള സ്റ്റോറി’ മെയ് 5, 2023 -നാണ് റിലീസ് ചെയ്തത്.