വസ്തുതാ പരിശോധന: ഷാരൂക്ക് ഖാന്റെ 2016-ലെ അഭിമുഖത്തിന്റെ ക്ലിപ്പ് തെറ്റായ അർത്ഥത്തിൽ പ്രചരിപ്പിക്കുന്നു.

ന്യൂഡൽഹി (വിശ്വാസ് ന്യുസ്): സമീപകാലത്തെ ബോയ്‌കോട്ട് പ്രവണതയുടെ പശ്ചാത്തലത്തിൽ താൻ സമൂഹ ബഹിഷ്കരണത്തെ ഭയക്കുന്നില്ലെന്ന ബോളീവുഡ് നടൻ ഷാരൂക്ക് ഖാന്റെ പ്രസ്താവനയുടെ ഒരു വീഡിയോ സമൂഹമാധ്യമങ്ങളിൽ പ്രചരിക്കുന്നു. വിശ്വാസ് ന്യൂസിന്റെ അന്വേഷണത്തിൽ ഈ വൈറൽ വാർത്ത തെറ്റിദ്ധാരണാജനകമെന്ന് വ്യക്തമായി. ഈ വൈറൽ വീഡിയോ സമീപകാലത്തേതല്ല. 2016 -ലേതാണ്. ആളുകൾ തെറ്റായ സന്ദർഭത്തിലാണ് ഇത് ഇപ്പോൾ പങ്കുവെക്കുന്നത്.

എന്താണ് വൈറൽ പോസ്റ്റിൽ ഉള്ളത്?

ഈ വീഡിയോ പങ്കുവെച്ചുകൊണ്ട്, ഫേസ്ബുക്ക് യൂസർ ‘‘ബോളീവുഡ് സ്വജനപക്ഷപാതം ബഹിഷ്കരിക്കുക – ജസ്റ്റിസ് ഫോർ ശുശാന്ത് സിംഗ് രാജ്പുത്’ അടിക്കുറിപ്പിൽ ഇങ്ങനെ എഴുതുന്നു:, “എസ് ആർ കെ തകന്റെ ചിത്രങ്ങളുടെ സമൂഹബഹിഷ്കരണത്തെപ്പറ്റി: ഷാരുഖ് ഖാന്റെ റിലീസ് ആകാൻ പോകുന്ന “പത്താൻ” എന്ന ചിത്രത്തെക്കുറിച്ചാണ് ഇതെന്ന് ആളുകൾ കരുതുന്നു.

ഈ പോസ്റ്റിന്റെ ആർക്കൈവ്ഡ് വേർഷൻ ഇവിടെ കാണാം.

അന്വേഷണം:

ഈ 1.19-മിനിറ്റു വീഡിയോവിൽ ഷാരൂക്ക് ഖാൻ കോമൾ നാഥുമായുള്ള ഒരു ടാക്ക് ഷോയിൽ പങ്കെടുക്കുന്നതാണ് കാണുന്നത്., അതിൽ അദ്ദേഹം പറയുന്നു : ” ചിലപ്പോൾ ഇതൊരു നല്ല കാര്യമാണ്,കോമൾ.… ഒരു സിനിമ പ്രതീക്ഷിച്ചപോലെ ഓടിയില്ലെങ്കിൽ നിങ്ങൾ അതിന് എന്തെങ്കിലും ഒഴികഴിവുകൾ കണ്ടെത്തുന്നു.… ഇത് സാമൂഹ്യ ബഹിഷ്കരണം കൊണ്ട് സംഭവിച്ചതാണെന്ന് നിങ്ങൾ പറയും.” അപ്പോൾ നാഥ് ഷാരൂഖിനോട് ചോദിക്കുന്നു .:”, സിനിമകൾ ബഹിഷ്കരിക്കപ്പെടുന്നതിനെക്കുറിച്ചുള്ള ഭയം ഇപ്പോഴുമുണ്ടോ?” അതിന് ഖാന്റെ മറുപടി , “…ഞാൻ ഊറ്റം പറയുകയല്ല അത്തരം കാറ്റുകളിൽ പറന്നുപോകുന്ന ആളല്ല ഞാൻ.… ഈ കാറ്റുകൾ കുറ്റിക്കാടുകളെ മാത്രമേ പിടിച്ചുലക്കുകയുള്ളു.… എന്നാൽ ഈ രാജ്യത്തിൽ,ഇന്ത്യയിൽ എനിക്ക് ലഭിക്കുന്ന സ്നേഹമുണ്ട് . അതിൽ എനിക്ക് പൂർണ വിശ്വാസമുണ്ട്.. അത്തരം സ്നേഹം വളരെ കുറച്ചുപേർക്കുമാത്രമേ ലഭിക്കുന്നുള്ളുവെന്ന് ഞാൻ പറയും.ഒരു പ്രതികരണത്തിനോ ഏതാനും പേരുടെ നിലപാടിനോ ഈ സ്നേഹത്തെ ദുര്ബലപ്പെടുത്താനാവില്ല.തെറ്റും ശരിയും ജനങ്ങൾക്ക് തിരിച്ചറിയാനാകും. ബഹിഷ്കരണ മുറവിളി എന്നെയോ എന്റെ സിനിമകളെയോ ബാധിച്ചുവെന്ന് ഞാൻ കരുതുന്നില്ല. ഒരുകാലത്തും അതെന്നെ ബാധിക്കാനും പോകുന്നില്ല.”

ഈ വീഡിയോ സമീപകാലത്തേതാണെന്നും ഷാരൂക്ക് ഖാന്റെ റിലീസ് ആകാൻ പോകുന്ന പത്താൻ എന്ന ചിത്രത്തെയാണ് അതിൽ പരാമര്ശിക്കുന്നതെന്നും പറഞ്ഞുകൊണ്ടാണ് ആളുകൾ ഈ വീഡിയോ പങ്കുവെയ്ക്കുന്നത്.

ഈ വീഡിയോയുടെ സത്യാവസ്ഥ മനസ്സിലാക്കാനായി ഞങ്ങൾ അതിന്റെ ഗൂഗിൾ റിവേഴ്‌സ് ഇമേജ് സെർച്ച് നടത്തി. വീഡിയോവിൽ ‘Zee etc’ എന്ന ലോഗോ കാണാവുന്നതാണ്. അതിനാൽ ഞങ്ങൾ ‘Zee etc’, ഷാരൂക്ക് ഖാൻ, കോമൾ നാഥാ എന്നീ കീവേഡുകളും സെർച്ചിൽ ഉൾപ്പെടുത്തി. 2016 -ൽ dailymotion.com ഈ വീഡിയോ അപ്‌ലോഡ് ചെയ്തതായി ഞങ്ങൾ കണ്ടെത്തി. അതിൽ ഖാൻ സംസാരിക്കുന്നത് തൻറെ ഉടൻ റിലീസ് ആകാൻ പോകുന്ന ‘ഫാൻ’ എന്ന ചിത്രത്തെ കുറിച്ചാണ്.

2016 -ൽ ETC Bollywood -ന്റെ ഔദ്യോഗിക ഫേസ്ബുക്ക് പേജിൽ ഈ അഭിമുഖത്തിന്റെ ഒരു ഭാഗം അപ്‌ലോഡ് ചെയ്തതും ഞങ്ങൾ കണ്ടെത്തി.

ഈ വീഡിയോ സമീപകാലത്തേതല്ലെന്നും 2016 -ലേതാണെന്നും വ്യക്തമാണ്.

സീനിയർ എന്റർടൈൻമെന്റ് ജേര്ണലിസ്റ്റ് പരാഗ് ചപീക്കറുമായി ഇക്കാര്യത്തെപ്പറ്റി ഞങ്ങൾ സംസാരിച്ചു. ഈ വീഡിയോ 2016 -ലേതാണെന്ന് അദ്ദേഹവും സ്ഥിരീകരിച്ചു.

കീവേഡ് സെർച്ച് നടത്തിയിട്ടും ഇത്തരത്തുള്ള ഷാരൂക്ക് ഖാന്റെ പ്രസ്താവന ഞങ്ങൾക്ക് കണ്ടെത്താനായില്ല.

സമീപകാലത്തായി വിശ്വാസ് ന്യൂസ് ബോളീവുഡ് ബഹിഷ്കരണത്തെപ്പറ്റി പല വസ്തുത പരിശോധനകളും നടത്തി. ഇവ ഇവിടെ വായിക്കാവുന്നതാണ്.

അന്വേഷണത്തിന്റെ അവസാനത്തിൽ ‘Boycott Bollywood Nepotism- Justice for Shushant Singh Rajput’ എന്ന യൂസറുടെ സോഷ്യൽ സ്കാനിംഗ് നടത്തി. ഈ ഗ്രൂപ്പിന് 128 .4 ആയിരം ഫോളോവേഴ്സ് ഉണ്ടെന്ന് വ്യക്തമായി.

निष्कर्ष: വിശ്വാസ് ന്യൂസിന്റെ അന്വേഷണത്തിൽ ഈ വൈറൽ വാർത്ത തെറ്റിദ്ധാരണാജനകമെന്ന് വ്യക്തമായി. ഷാരൂക്ക് ഖാന്റെ ഈ വൈറൽ വീഡിയോ സമീപകാലത്തേതല്ല, 2016-ലേതാണ്.

ടാഗ്സ്

• Bollywood Fact Check
• Fact Check
• Shahrukh Khan
• Shahrukh Khan Fake News