വസ്തുത പരിശോധന: വലിയ വഴിയോര പൈപ്പിനുള്ളിൽ ഇരിക്കുന്ന ആളുകളുടെ ഈ ചിത്രം ഇന്ത്യയിലല്ല ബംഗ്ലാദേശിൽ നിന്നുള്ളതാണ്

ന്യൂഡൽഹി (വിശ്വാസ് ന്യൂസ്): വലിയ വഴിയോര പൈപ്പുകളിൽ താമസിക്കുന്ന ആളുകളെ കാണാൻ കഴിയുന്ന ഒരു ചിത്രം ഫേസ്ബുക്കിൽ വൈറലാകുന്നു. ചിത്രം ഇന്ത്യയിലെ ഒരു ചേരിയാണെന്ന് അവകാശപ്പെടുന്നു. ഈ അവകാശവാദം തെറ്റാണെന്ന് വിശ്വാസ് ന്യൂസ് അന്വേഷണത്തിൽ കണ്ടെത്തി. യഥാർത്ഥത്തിൽ ഈ ചിത്രം ബംഗ്ലാദേശിൽ നിന്നുള്ളതാണ്.

അവകാശവാദം:

ഫേസ്ബുക്കിൽ വൈറലായ ഈ ചിത്രത്തിൽ വലിയ വഴിയോര പൈപ്പുകൾക്കുള്ളിൽ താമസിക്കുന്നവരെ കാണാൻ കഴിയും. ഈ ചിത്രം പങ്കിടുമ്പോൾ ഉപയോക്താവ് എഴുതി: “കഷ്ടം,.. ഇന്ത്യൻ തെരുവ് കളിലെ കാഴ്ച്ച യാണിത്, ഇവിടെ യാണ് രാമന് വേണ്ടി ക്ഷേത്രം പണിയുന്നത്. എന്റെ നാടിനെ ഓർത്തു ഞാൻ തല താഴ്ത്തുന്നു”.

പോസ്റ്റിന്റെ ആർക്കൈവുചെയ്‌ത പതിപ്പ് ഇവിടെ പരിശോധിക്കാം.

അന്വേഷണം:

കുറിപ്പിനെക്കുറിച്ച് അന്വേഷിക്കുന്നതിന്, ഞങ്ങൾ ആദ്യം ഈ ചിത്രത്തിന്റെ ഒരു സ്ക്രീൻഷോട്ട് എടുത്ത് ഗൂഗിൾ റിവേഴ്സ് ഇമേജിൽ തിരഞ്ഞു. www.dailymail.co.uk/ ൽ നിന്നുള്ള ഒരു വാർത്തയിൽ 2014 ജൂലൈ 10 ന് ഞങ്ങൾ ഈ ചിത്രം കണ്ടെത്തി. മികച്ച പാരിസ്ഥിതിക ഫോട്ടോഗ്രാഫുകളെക്കുറിച്ചായിരുന്നു വാർത്ത. ഈ ചിത്രം വാർത്തയിലും കാണാം. “ബംഗ്ലാദേശിലെ ഫൈസൽ അസിമിന് ബംഗ്ലാദേശിലെ യാചകരുടെ ഈ ഫോട്ടോയ്ക്ക് 2014 ലെ അറ്റ്കിൻസ് സിറ്റി സ്കേപ്പ് അവാർഡ് ലഭിച്ചു.” എന്ന വിവരണത്തോടെയാണ് ചിത്രം കാണാം. 

2015 ഓഗസ്റ്റ് 14 ന് ഇക്കണോമിക് ടൈംസ്.ഇൻഡിയാ ടൈംസ്.കോം എന്ന വെബ്‌സൈറ്റിൽ പ്രസിദ്ധീകരിച്ച വാർത്തയിലും ഞങ്ങൾ ഈ ചിത്രം കണ്ടെത്തി. 2015 ലെ ‘നാഷണൽ ജിയോഗ്രാഫിക് ട്രാവലർ ഫോട്ടോ മത്സരത്തിൽ’ രണ്ടാം സ്ഥാനത്തെത്തിയ ബംഗ്ലാദേശ് ഫോട്ടോഗ്രാഫർ ഫൈസൽ അസിമിനെക്കുറിച്ചായിരുന്നു വാർത്ത. 2013 ൽ ബംഗ്ലാദേശിലെ ഒരു ചേരിയിലാണ് ഫൈസൽ അസിം ഈ ഫോട്ടോ എടുത്തതെന്ന് വാർത്തയിൽ പറയുന്നു.

സ്ഥിരീകരണത്തിനായി ഞങ്ങൾ ട്വിറ്ററിൽ ഫൈസൽ അസിമിനെ ബന്ധപ്പെട്ടു. ഞങ്ങളുമായി സംസാരിച്ച അദ്ദേഹം പറഞ്ഞു, “ഞാൻ 2013 ൽ ബംഗ്ലാദേശിൽ ഈ ചിത്രം എടുത്തു. ഫോട്ടോ നിരവധി അവാർഡുകളും നേടിയിട്ടുണ്ട്.

ഓഗസ്റ്റ് 5 ന് രമാ ദേവി എന്ന ഫേസ്ബുക്ക് ഉപയോക്താവ് ഈ പോസ്റ്റ് പങ്കിട്ടു. ഇവർ  മലപ്പുറം സ്വദേശിയാണ്, ഫേസ്ബുക്കിൽ ആകെ 983 ഫോളോവേഴ്‌സ് ഉണ്ട്.