വസ്തുത പരിശോധന: റാഫേൽ വിമാനങ്ങൾ ഇന്ത്യക്ക് കൈമാറുന്ന ചടങ്ങാണെന്ന് പറഞ്ഞു പ്രചരിക്കുന്ന ഈ വീഡിയോ വ്യാജമാണ്

ന്യൂഡൽഹി (വിശ്വാസ് ന്യൂസ്): സോഷ്യൽ മീഡിയയിൽ പങ്കിട്ട ഒരു  വീഡിയോയിൽ, ഒരു കെട്ടിടത്തിന് മുകളിലൂടെ പറക്കുന്ന ചില ജെറ്റ് വിമാനങ്ങൾ പച്ച, വെള്ള, ചുവപ്പ് എന്നിങ്ങനെ മൂന്ന് നിറങ്ങളിലുള്ള പുക പുറപ്പെടുവിക്കുന്നത് കാണാം. റാഫേൽ വിമാനം ഇന്ത്യയ്ക്ക് കൈമാറിയത് ഫ്രാൻസ് ആഘോഷിച്ചതായി പോസ്റ്റ് അവകാശപ്പെടുന്നു. ഈ അവകാശവാദം തെറ്റാണെന്ന് ഞങ്ങളുടെ അന്വേഷണത്തിൽ കണ്ടെത്തി. യഥാർത്ഥത്തിൽ, ഇറ്റലിയുടെ 2018 റിപ്പബ്ലിക് ദിനാഘോഷത്തിന്റെ വീഡിയോയാണിത്.

അവകാശവാദം:

വൈറൽ വീഡിയോയിൽ, ഒരു കെട്ടിടത്തിന് മുകളിലൂടെ പറക്കുന്ന ചില ജെറ്റ് വിമാനങ്ങൾ കാണാം, അത് മൂന്ന് നിറങ്ങളിലുള്ള പുക പുറപ്പെടുവിക്കുന്നു – പച്ച, വെള്ള, ചുവപ്പ്. പോസ്റ്റിൽ ആംഗലേയത്തിൽ ഇങ്ങനെ എഴുതിയിട്ടുണ്ട്.  “Everyone talked about Rafael landing in India but see the farewell from France with Indian Tricolours….”  

ആർക്കൈവുചെയ്‌ത പോസ്റ്റ് ഇവിടെ കാണാം.

അന്വേഷണം:

ഞങ്ങൾ ആദ്യം ഈ വീഡിയോ ശരിയായി കണ്ടു. അപ്പോൾ ഞങ്ങൾക്ക് ചില വസ്തുതകൾ മനസ്സിലാക്കാൻ സാധിച്ചു.

1) ഈ വീഡിയോയിൽ പറക്കുന്ന പതാക ഇന്ത്യയുടേതാണെന്ന് തോന്നുന്നില്ല. 2) വിമാനങ്ങളിൽ നിന്ന് പുറപ്പെടുന്ന പുകയ്ക്ക് ആദ്യം പച്ച നിറവും പിന്നീട് ചുവപ്പും ഉണ്ട്, അതേസമയം ഇന്ത്യൻ ത്രിവർണ്ണത്തിന് മുകളിൽ ചുവപ്പ് നിറവും ചുവടെ പച്ചയും ഉണ്ട്. 3) വീഡിയോയിൽ കാണുന്ന കെട്ടിടങ്ങൾ.

ഈ മൂന്ന് കാര്യങ്ങൾ ഞങ്ങൾ ചുവടെ വിശദികരിക്കാം.

വീഡിയോയിൽ കാണുന്ന പതാക.

വീഡിയോയിൽ ഞങ്ങൾ പതാകയുടെ ഗൂഗിൾ റിവേഴ്‌സ് ഇമേജ് തിരയൽ നടത്തി, ഈ പതാക ഇന്ത്യൻ ദേശീയ പതാക പോലെയല്ല, പക്ഷേ വലിയ അളവിൽ ഇറ്റലിയുടെ പതാകയോട് സാമ്യമുണ്ടെന്ന് ഞങ്ങൾ കണ്ടെത്തി.

ചുവടെയുള്ള താരതമ്യം നിങ്ങൾക്ക് കാണാൻ കഴിയും.

വിമാനങ്ങളിൽ നിന്ന് പുറപ്പെടുന്ന പുക

വിമാനങ്ങളിൽ നിന്ന് പുറപ്പെടുന്ന പുകയ്ക്ക് ആദ്യം പച്ച നിറവും പിന്നീട് ചുവപ്പും ഉണ്ട്, അതേസമയം ഇന്ത്യൻ ത്രിവർണ്ണത്തിന് മുകളിൽ ചുവപ്പ് നിറവും ചുവടെ പച്ച നിറവുമുണ്ട്. ചുവടെയുള്ള താരതമ്യം നിങ്ങൾക്ക് കാണാൻ കഴിയും.

വീഡിയോയിൽ കാണുന്ന കെട്ടിടങ്ങൾ

വീഡിയോയിൽ നിലവിലുള്ള കെട്ടിടത്തിന്റെ റിവേഴ്സ് ഇമേജ് തിരയൽ നടത്തിയപ്പോൾ, ഈ കെട്ടിടം ഇറ്റലിയുടെ തലസ്ഥാനമായ റോമിലാണെന്ന് ഞങ്ങൾ മനസ്സിലാക്കി. ഈ കെട്ടിടത്തിന്റെ പേര് വിട്ടോറിയോ ഇമ്മാനുവേൽ II സ്മാരകം എന്നാണ്.

ഇതിനുശേഷം ഇൻ‌വിഡ് ടൂളും ഗൂഗിൾ റിവേഴ്സ് ഇമേജ് ടൂളും ഉപയോഗിച്ച് ഞങ്ങൾ‌ ഈ വീഡിയോ ഇൻറർ‌നെറ്റിൽ‌ കണ്ടെത്തി.  ഈ വീഡിയോ 2018 ജൂൺ 3 നാണ് അപ്‌ലോഡ് ചെയ്തത്. വീഡിയോ വിവരണമനുസരിച്ച്, ഇറ്റലിയുടെ 72 മത് റിപ്പബ്ലിക് ദിനാഘോഷത്തിന്റെ വീഡിയോയാണിത്. നിങ്ങൾക്ക് ഈ വീഡിയോ ചുവടെ കാണാൻ കഴിയും.

ഇതുമായി ബന്ധപ്പെട്ട്, ഈ വീഡിയോയുടെ ഹൈലൈറ്റുകൾ ഉൾക്കൊള്ളുന്ന 2018 ജൂൺ 2 ന് ഫയൽ ചെയ്ത യൂറോ ന്യൂസിന്റെ ഒരു വാർത്താ ഫയലും ഞങ്ങൾക്ക് ലഭിച്ചു. ഇറ്റലിയുടെ 72 മത് റിപ്പബ്ലിക് ദിനാഘോഷത്തെക്കുറിച്ചും ആയിരുന്നു ഈ വാർത്ത.

എല്ലാ വർഷവും ജൂൺ 2 ന് ഇറ്റലിയുടെ ദേശീയ ദിനവും റിപ്പബ്ലിക് ദിനവും ആഘോഷിക്കുന്നു.

ഫ്രഞ്ച് കമ്പനിയായ ദസ്സാവുവിന്റെ വ്യോമയാന കേന്ദ്രത്തിൽ നിന്ന് അഞ്ച് റാഫേൽ വിമാനങ്ങളുടെ ആദ്യ ബാച്ച് ജൂലൈ 27 ന് ഇന്ത്യയിലേക്ക് പറന്നു. അന്ന് ഇറ്റലിയിലെ ഇന്ത്യൻ എംബസി ബാര്ഡോയിലെ മാരിഗ്നാക് വ്യോമതാവളത്തിൽ നിന്ന് ജെറ്റ് പറക്കുന്ന വീഡിയോ  ട്വീറ്റ് ചെയ്തു.

എല്ലാ വർഷവും ജൂൺ 2 ന് ഇറ്റലിയുടെ ദേശീയ ദിനവും റിപ്പബ്ലിക് ദിനവും ആഘോഷിക്കുന്നു.

ഫ്രഞ്ച് കമ്പനിയായ ദസ്സാവുവിന്റെ വ്യോമയാന കേന്ദ്രത്തിൽ നിന്ന് അഞ്ച് റാഫേൽ വിമാനങ്ങളുടെ ആദ്യ ബാച്ച് ജൂലൈ 27 ന് ഇന്ത്യയിലേക്ക് പറന്നു. അന്ന് ഇറ്റലിയിലെ ഇന്ത്യൻ എംബസി ബാര്ഡോയിലെ മാരിഗ്നാക് വ്യോമതാവളത്തിൽ നിന്ന് ജെറ്റ് പറക്കുന്ന വീഡിയോ  ട്വീറ്റ് ചെയ്തു.

ഇക്കാര്യത്തിൽ കൂടുതൽ സ്ഥിരീകരണത്തിനായി ഞങ്ങൾ ഡെൽഹിയിലെ ഇറ്റാലിയൻ എംബസിയിൽ സംസാരിച്ചു, വീഡിയോയിൽ കാണിച്ചിരിക്കുന്ന കെട്ടിടം റോമിലാണെന്നും 2018 ഇറ്റലി റിപ്പബ്ലിക് ദിനാഘോഷത്തിന്റെ ആണ് ഈ വീഡിയോ എന്നും അവർ സ്ഥിതീകരിച്ചു.

സോഷ്യൽ മീഡിയയിൽ  നിരവധി ആളുകൾ ഈ വീഡിയോ പങ്കിട്ടു. അതിലൊന്നാണ് സുമന്ത ദാസ് ഫേസ്ബുക്കിൽ പോസ്റ്റ് ചെയ്തിട്ടുള്ളത്. ആകെ 3,962 ഫേസ്ബുക്ക് ചങ്ങാതിമാരുണ്ട് ഇദ്ദേഹത്തിന്.