വസ്തുത പരിശോധന: മർദ്ദനമേൽക്കുന്ന ഒരു പെൺകുട്ടിയുടെ വീഡിയോ തെറ്റായ അവകാശവാദവുമായി വൈറലാകുന്നു

ന്യുദൽഹി (വിശ്വാസ് ന്യൂസ്): ഒരാളില്നിന്നും ക്രൂരമായി മർദ്ദനമേൽക്കുന്ന ഒരു പെൺകുട്ടിയുടെ വീഡിയോ സമൂഹമാധ്യമങ്ങളിൽ വൈറലാകുന്നു. പെൺകുട്ടിയെ മർദ്ദിക്കുന്നത് റായ്‌ബാഗിലെ  ഡി പി എസ സ്‌കൂളിലെ അധ്യാപകനായ ഷക്കീൽ അഹ്മദ് അൻസാരിയാണെന്ന് ഈ വീഡിയോ അവകാശപ്പെടുന്നു. വിശ്വാസ് ന്യൂസിന്‍റെ അന്വേഷണത്തില്‍ ഈ അവകാശവാദം വ്യാജമാണെന്ന് വ്യക്തമായി.

വാസ്തവത്തിൽ ഒരു പാസ്റ്റർ ആയ ദിനേശ് സാഹുവാണ് വീഡിയോവിൽ കാണുന്ന വ്യക്തി. പെൺകുട്ടിക്ക് പ്രേതബാധയുണ്ടായെന്ന് അന്ധവിശ്വാസികളായ മാതാപിതാക്കൾ കരുതുകയും ബാധ ഒഴിപ്പിക്കാൻ പാസ്റ്ററെ കൊണ്ടുവരുകയുമായിരുന്നു.

എന്താണ് ആ വൈറൽ പോസ്റ്റിൽ ഉള്ളത്?

ഈ വൈറൽ വീഡിയോവിൽ നാം കാണുന്നത് ഒരു പെൺകുട്ടിയെ ഒരാൾ ക്രൂരമായി മർദ്ദിക്കുന്നതാണ്. വീഡിയോവിനൊപ്പമുള്ള അവകാശവാദം ഇതാണ്: ” നിങ്ങളുടെ വാട്ട്സ്ആപ്പ് ഗ്രൂപ്പുകൾക്കും വ്യക്തികൾക്കും ഇ വീഡിയോ അയച്ചുകൊടുക്കണം. റായ്‌ബാഗിലെ  ഡി പി എസ സ്‌കൂളിലെ അധ്യാപകനായ ഷക്കീൽ അഹ്മദ് അൻസാരിയാണ് ഇതിൽ കാണുന്ന ആൾ. ഈ സ്‌കൂൾ   അടച്ചുപൂട്ടാനും അധ്യാപകനെ പുറത്താക്കാനും വേണ്ടി ഇത്  കഴിയുന്നത്ര പേർക്ക് ഷെയർ ചെയ്യുക. വീഡിയോ വൈറലായാൽ നടപടിയുണ്ടാകും. കരുണയില്ലാത്തവർ അവരുടെ വായ് (ടൈപ്പിംഗ്) മൂടട്ടെ. “

വാട്ട്സ്ആപ്പ് ചാറ്റ്ബോട്ടിലെ  (+91 95992 99372) ഈ അവകാശവാദം വിശ്വാസ് ന്യൂസ് വസ്തുതാ പരിശോധനക്ക് വിധേയമാക്കി. 

അന്വേഷണം

ഇൻവിഡ് ടൂൾ ഉപയോഗിച്ച്  ഞങ്ങൾ ഈ വീഡിയോവിലെ കീഫ്രയിമുകൾ എക്സ്ട്രാക്ട് ചെയ്തു. തുടർന്ന് ഗൂഗിൾ  റിവേഴ്‌സ് ഇമേജിൽ അവ സെർച്ച് ചെയ്തു. ഈ വൈറൽ വീഡിയോവിലെ സ്ക്രീൻഷോട്ടുകൾ ഉപയോഗിച്ച് നൽകപ്പെട്ട ഒരു വാർത്ത ഞങ്ങൾ https://www.haribhoomi.com/ -ൽ കണ്ടെത്തി. 2018  ഫെബ്രുവരി 10 -ന്  നൽകപ്പെട്ട ആ വാർത്തയിൽ പറയുന്നു:” ഒരു പാസ്റ്റർ മന്ത്രവാദത്തിന്റെ ഭാഗമായി ഒരു പെൺകുട്ടിയെ ക്രൂരമായി മർദ്ദിക്കുന്ന വീഡിയോ വൈറലായത് വലിയ സംഭ്രമമുണ്ടാക്കി. പൊതുജനത്തിന്റെ രോഷപ്രകടനം കണക്കിലെടുത്ത് പോലീസ് ചിപി/നഗരി ഗ്രാമത്തിൽനിന്ന് കുറ്റാരോപിതനായ പാസ്റ്ററെ അറസ്‌റ്റു ചെയ്തു.” ആ വാർത്തയനുസരിച്ച് സംഭവം നടന്നത് റായ്പൂരിലേ സന്തോഷി നഗറിലാണ്. തുടർന്നാണ് ദിനേശ് സാഹു എന്ന പാസ്റ്റർ അറസ്റ്റിലായത്.

ഈ വാർത്ത divyamarathi.bhaskar.com എന്ന സൈറ്റിലും ഞങ്ങൾ ഈ വാർത്ത കണ്ടു. ആ വാർത്തയനുസരിച്ച് ദിനേശ് സ്ടാഹ് എന്ന പാസ്റ്റർ മന്ത്രവാദത്തിന്റെ പേരിൽ ഒരു പെൺകുട്ടിയെ മർദ്ദിച്ച സംഭവം നടന്നത് 2018  -ൽ റായ്പ്പൂരിലാണ്.

വാർത്തയുടെ സ്ഥിരീകരണത്തിനായി ധംതരിയിൽ  നയി ദുനിയയുടെ സീനിയർ റിപ്പോർട്ടർ ആയ രാമഥരുമായി ഞങ്ങൾ സംസാരിച്ചു. അദ്ദേഹം പറഞ്ഞു:” ധംതരിയിലെ ചിപ്ലി ഗ്രാമ ത്തിൽനിന്നാണ് ഈ വാർത്ത റിപ്പോർട്ട് ചെയ്യപ്പെട്ടത്. സംഭവം നടന്നത് 2018  ഫെബ്രുവരിയിലാണ്. അക്കാലത്ത് ഈ വീഡിയോ വൈറലായി. ഈ സംഭവത്തിൽ പെൺകുട്ടിയുടെ ബന്ധുക്കളാരും പരാതി നൽകിയില്ലെങ്കിലും കുറ്റാരോപിതനെതിരെ 151  കേസുകൾ പോലീസ് രജിസ്റ്റർ ചെയ്തിട്ടുണ്ട്. ഇത് സ്‌കൂളിൽ ഒരു കുട്ടിയെ അദ്ധ്യാപകൻ അടിക്കുന്ന സംഭവമല്ലെന്ന് വ്യക്തമാണ്. അന്ധവിശ്വാസവുമായി ബന്ധപ്പെട്ട സംഭവമാണിത്. “

മൻദീപ്  മന്ദൻ  മന്ദീപ്ജോഹാന എന്ന ഫേസ്‌ബുക്ക് യൂസർ ഈ പോസ്റ്റ് ഷെയർ ചെയ്തു. അയാൾക്ക് മൊത്തം 4,835 ഫോളോവേഴ്സ് ഉണ്ട്. സോനിപത്ത് സ്വദേശിയാണ് ഈ യൂസർ.