വസ്തുത പരിശോധന: ബ്രിട്ടനിലെ എലിസബത്ത് രാജ്ഞിയുടെ ചിത്രത്തോടുകൂടിയ പരസ്യബോർഡ് എഡിറ്റ് ചെയ്യപ്പെട്ടതാണ്.

ന്യു ദൽഹി (വിശ്വാസ് ന്യുസ്). സമൂഹമാധ്യമങ്ങളിൽ വൈറലായ ബ്രിട്ടനിലെ എലിസബത്ത് രാജ്ഞിയുടെ  ഒരു ചിത്രത്തോടൊപ്പം  വാക്സിൻ നൽകിയതിന് അവർ  ഇന്ത്യൻ പ്രധാനമന്ത്രി മോദിയോട് നന്ദി പറയുന്ന ഒരു സന്ദേശവും ചേർത്തിരിക്കുന്നു.

വൈറലായ ഈ അവകാശവാദം തെറ്റാണെന്ന് വിശ്വസ് ന്യുസിന്റെ അന്വേഷണത്തിൽ വ്യക്തമായി. ആ ചിത്രം എഡിറ്റ് ചെയ്തതാണെന്നും തെളിഞ്ഞു. യാഥർത്ഥ   ചിത്രത്തോടൊപ്പം   ബ്രിട്ടീഷ് രാജ്ഞിയുടെ മറ്റൊരു സന്ദേശമാണ് ഉള്ളത്.

എന്താണ് വൈറലായ വിഡിയോയിൽ ഉള്ളത്?

വൈറലായ പരസ്യബോർഡിലെ . ബ്രിട്ടനിലെ എലിസബത്ത് രാജ്ഞിയുടെ ചിത്രത്തോടൊപ്പമുള്ള സന്ദേശത്തിൽ അവർ പറയുന്നു:”ഞങ്ങൾക്ക് കോവിഡ്-19  വാക്സിൻ അയച്ചുതന്നതിന് പ്രധാനമന്ത്രി മോദി , താങ്കളോട് ഞാൻ നന്ദി പറയുന്നു. താങ്കൾ ഒരു നല്ലകുട്ടിയാണ്.” ഈ ട്വീറ്റിനോടോപ്പമുള്ള വിവരണത്തിൽ പറയുന്നു:” 200 വര്ഷങ്ങളോളം സൂര്യനസ്തമിക്കാത്ത സാമ്രാജ്യം ഭരിച്ച  ബ്രിട്ടീഷ് ഭരണാധികാരി കൊറോണ വാക്സിൻ നൽകി സഹായിച്ചതിന്  പ്രധാനമന്ത്രി മോദിയോട് നന്ദി പ്രകാശിപ്പിക്കുന്നു.”

വിശ്വസ് ന്യുസ് അതിന്റെ വസ്തുത പരിശോധന വാട്ടസ്ആപ് ചാറ്റ്‌ബോട്ട് (+91 95992 99372) ഉപയോഗിച്ച് നടത്തിയ അപരിശോധനയിൽ ഇക്കാര്യം വ്യക്തമായി.

ഈ വൈറൽ പോസ്റ്റിന്റെ ആർക്കൈവ്ഡ് ലിങ്ക് ഇവിടെ കാണാം.

അന്വേഷണം

അന്വേഷണത്തിന്റെ പ്രാരംഭമായി ഗുഗിൾ റിവേഴ്‌സ് ഇമേജ് സംവിധാനം ഉപയോഗിച്ച് ഞങ്ങൾ പരിശോധിക്കുകയുണ്ടായി. ഈ ചിത്രം 2020 ഏപ്രിൽ 20-ന്   ‌ ബി ബി സി ട്വീറ്റ്  ചെയ്തതാണെന്ന് ഞങ്ങൾ കണ്ടെത്തി. പരസ്യബോർഡിലെ സന്ദേശത്തിൽ പറയുന്നു: ” We will be with our friends again; we will be with our families again; we will meet again.”

ഈ ചിത്രം newsweek.com പ്രസിദ്ധികരിച്ച ഒരു ലേഖനത്തിൽ ഞങ്ങൾ കണ്ടെത്തി. 2020 ഏപ്രിൽ 8-ന്, പ്രസിദ്ധികരിച്ച ഈ  ലേഖനത്തിൽ പറയുന്നതനുസരിച്ച് പിക്കാദില്ലിയിലെ ഒരു പരസ്യബോർഡിലാണ് ഈ ചിത്രം കാണപ്പെട്ടത്. പ്രസ്തുത വാർത്തയിൽ പറയുന്നു:” കൊറോണ വൈറസ് ബാധയെക്കുറിച്ചുള്ള എലിസബത്ത് രാജ്ഞിയുടെ ഒരു സന്ദേശം  2020 ഏപ്രിലിൽ ലണ്ടനിലെ പിക്കാദില്ലി സർക്കസിൽ  ഒരു സ്‌ക്രീനിൽ പ്രസിദ്ധപ്പെടുത്തിയത്.OCEAN OUTDOOR”. ഈ വാർത്തയിൽ  പറയുന്നതനുസരിച്ച് ഒരു പ്രകാശിത സ്‌ക്രീനിലാണ്    പിക്കാദില്ലി സർക്കസിൽ ഈ വി വരണം  കാണപ്പെട്ടത്. അതിന്റെ അവസാനം OCEAN OUTDOOR എന്നും കാണുന്നു.OCEAN OUTDOOR എന്ന പരസ്യകമ്പനിയാണ് ഈ പ്രകാശിത സ്‌ക്രീൻ പരിപാലിച്ചിരുന്നത് എന്നും ഞങ്ങൾ മനസ്സിലാക്കുകയുണ്ടായി.

വ്യത്യസ്തമായ ഒരു ആംഗിളിൽ എടുത്ത ഇതേ  പരസ്യബോർഡിന്റെ ഒരു ചിത്രം ഞങ്ങൾ  gettyimages.co.uk.  ലും കണ്ടെത്തി.  ഗ്ലെൻ ക്രിക് എന്ന ഒരു ഫോട്ടോഗ്രാഫറാണ് ഈ ഫോട്ടോ എടുത്തത്. ട്വിറ്റര് വഴി ഞങ്ങൾ അദ്ദേഹവുമായി ബന്ധപ്പെട്ട ഈ ചിത്രത്തെപ്പറ്റി ചോദിച്ചു. അദ്ദേഹം പറഞ്ഞു:” കഴിഞ്ഞ വര്ഷം ഏപ്രിലിലാണ് ഈ ചിത്രം എടുത്തത്. പരസ്യബോർഡിലെ യാഥാർത്‌ഥ സന്ദേശം ‘ We will be with our friends again; we will be with our families again; we will meet again’ എന്നാണ്. കൊറോണ കാലഘട്ടത്തിൽ രാജ്ഞി നൽകുന്ന ഒന്നാമത്തെ സന്ദേശമാണ് ഇത്.” ‘

ഇത് സ്ഥിരീകരിക്കാനായി ഓഷ്യൻ ഔട്ട്ഡോർ എന്ന കമ്പനിയുടെ കമ്യുണിക്കേഷൻ ഇൻ-ചാർജ് എമിലി എർത്തതിനെ ഞങ്ങൾ ടെലഫോണിൽ ബന്ധപ്പെട്ടു. അദ്ദേഹം പറഞ്ഞു:” വാസ്തവത്തിലുള്ള പരസ്യത്തിൽ പറയുന്നത്, ‘We will be with our friends again; We will be with our families again; We will meet again’ എന്നാണ്. വ്യാജ വർത്തകളുണ്ടാക്കുന്ന ചില വെബ്‌സൈറ്റുകൾ ഈ പരസ്യത്തിന്റെ ടെംപ്ളേറ്റ്  ഉപയോഗിച്ച് അവരുടെ ഇഷ്ടപ്രകാരമുള്ള സന്ദേശങ്ങൾ അതിൽ ചേർക്കുകയായിരുന്നു.”

ഞങ്ങളുടെ അന്വേഷണത്തിൽ ഇത്തരത്തിൽ ചിത്രങ്ങൾ പകർത്തിയെടുത്ത് തമാശയുണ്ടാക്കുന്ന ഒരു വെബ്‌സൈറ്റിലും ഈ ചിത്രം കാണുകയുണ്ടായി. ഇതുപോലുള്ള ഒരു സൈറ്റായിരിക്കണം ഈ ചിത്രവും സന്ദേശവും വൈറലാക്കിയത്.

2021 മാർച്ച് 5-ന്, വിദേശകാര്യമന്ത്രി എസ ജയശങ്കർ ഒരു ട്വീറ്റിൽ ഇന്ത്യയിൽ നിർമിച്ച വാക്സിൻ ലണ്ടനിലേക്ക് അയച്ചതായി പറയുന്നു.

റോയ്റ്റേഴ്‌സ് -ന്റെ ഒരു വാർത്ത അനുസരിച്ച് ബ്രിട്ടിഷ് സർക്കാർ ഓർഡർ ചെയ്ത  100 ദശലക്ഷം ഡോസ് അസ്ത്ര സൈനിക  COVID-19 വാക്സിനിൽ 10 ദശലക്ഷം ഡോസ് ഇന്ത്യൻ സിറം ഇൻസ്റ്റിറ്റിയൂട്ട് നൽകുമെന്ന് ബ്രിട്ടീഷ് സർക്കാരിന്റെ ഒരു വക്താവ് പ്രസ്താവിച്ചിരുന്നു. എന്നാൽ ഇതുസംബന്ധിച്ച് ബ്രിട്ടീഷ് രാജ്ഞി നൽകിയ ഒരു പ്രസ്താവനയും ഞങ്ങൾക്ക് കണ്ടെത്തനായില്ല.

@anandagarwal554 എന്ന ട്വിറ്റര് യുസർ ഈ പോസ്റ്റ് ഷെയർ ചെയ്തിട്ടുണ്ട്. അദ്ദേഹത്തിന്റെ പ്രൊഫയിൽ 2016 -ൽ ഉണ്ടാക്കിയതാണ്.. അദ്ദേഹത്തിന് 5,302 ഫോളോവേഴ്‌സ് ഉണ്ട്.