വസ്തുത പരിശോധന: മുൻ ഇലക്ഷൻ കമ്മീഷണർ ഇ വി എം ഹാക്കിംഗിനെക്കുറിച്ചുള്ള ഈ വൈറൽ പ്രസ്താവന നൽകിയിട്ടില്ല. ഈ പോസ്റ്റ് വ്യാജമാണ്.

ന്യുസ് (ന്യു ദൽഹി). മുൻ ഇലക്ഷൻ  കമ്മീഷണർ  ടി എസ് കൃഷ്ണമൂർത്തി  നൽകിയതായി പറയപ്പെടുന്ന സമൂഹമാധ്യമങ്ങളിൽ വൈറലായിക്കൊണ്ടിരിക്കുകയാണ്. യൂസർമാർ ഒരു വാർത്ത കട്ടിംഗിനെ വൈറലാക്കുകയും ഇ  വി എം  ഹാക്കിംഗിനെക്കുറിച്ചുള്ള ആ പ്രസ്താവന മുൻ ഇലക്ഷൻ  കമ്മീഷണർ ടി എസ് കൃഷ്ണമൂർത്തി നല്കിയതാണെന്ന് അവകാശപ്പെടുകയും ചെയ്യുന്നു  ..

വൈറലായ ഈ അവകാശവാദം തെറ്റാണെന്ന് വിശ്വസ് ന്യുസിന്റെ അന്വേഷണത്തിൽ വ്യക്തമായി. മുൻ ഇലക്ഷൻ  കമ്മീഷണർ ഇത്തരത്തിൽ ഒരു പ്രസ്താവന ചെയ്തിട്ടില്ല. ഇതിനുമുമ്പും ഈ പ്രസ്താവന വൈറലായിത്തിർന്നിട്ടുണ്ട്.

എന്താണ് വൈറലായ വാർത്തയിൽ ഉള്ളത്?

ഫേസ്‌ബുക്ക് യൂസറായ വിജയ് പട്ടേൽ ആണ് ഈ വാർത്ത അടങ്ങിയ പത്ര കട്ടിംഗ് മാർച്ച് 7-ന്  പോസ്റ്റ് ചെയ്തത്. അതിൽ ഇങ്ങനെ പറയുന്നു: ” ഗുജറാത്തിലെയും ഹിമാചൽ പ്രാദേശിലെയും തെരഞ്ഞെടുപ്പുകളിൽ ബി ജെ പി ജയിച്ചത് ഇ വി എം ഹാക്ക് ചെയ്തതുകൊണ്ടാണ്– മുൻ ഇലക്ഷൻ  കമ്മീഷണർ ടി എസ് കൃഷ്ണമൂർത്തി’

ഉത്തരപ്രദേശ്, ഉത്തരാഖണ്ഡ്, ഗുജറാത്ത്, ഹിമാചൽ പ്രദേശ് എന്നിവിടങ്ങളിൽ തെരഞ്ഞെടുപ്പുകളിൽ ബി ജെ പി വിജയിച്ചത് ഇ വി എം ഹാക്ക് ചെയ്തതുകൊണ്ടാണ് എന്ന് മുൻ ഇലക്ഷൻ  കമ്മീഷണർ ടി എസ് കൃഷ്ണമൂർത്തി പ്രസ്താവിച്ചതായി ഈ വൈറൽ പോസ്റ്റ് തെറ്റായി അവകാശപ്പെടുന്നു..

ഈ ഫേസ്‌ബുക്ക് പോസ്റ്റിന്റെ ആർക്കൈവ്ഡ് വേർഷൻ  ഇവിടെ കാണാം..

അന്വേഷണം

ഈ വൈറൽ പോസ്റ്റിന്റെ സത്യാവസ്ഥ മനസിലാക്കാൻ വിശ്വാസ്  ന്യുസ് ആദ്യമായി ഇലക്ഷൻ കമ്മീഷണറുടെ വക്താവ്  ഷെഫലി ഷരണിന്റെ   സമൂഹമാധ്യമ അക്കൗണ്ട് സെർച്ച് ചെയ്തു. അവരുടെ ട്വിറ്റര് ഹാന്ഡിലിൽ മാർച്ച് 11-ന് അപ്-ലോഡ് ചെയ്ത ഒരു പത്രക്കുറിപ്പ് ഞങ്ങൾ കണ്ടെത്തി .അത് നിങ്ങൾക്ക് ഇവിടെ കാണാം.

മാർച്ച് 11-ന് പുറത്തിറക്കിയ പ്രസ്തുത പത്രക്കുറിപ്പിൽ മുൻ ഇലക്ഷൻ കമ്മീഷണർ ടി എസ കൃഷ്ണമൂർത്തിയുടെ പേരിൽ വൈറലായിരിക്കുന്നത് ഒരു വ്യാജ വാർത്തക്കെതിരെ ഒരു എഫ് ഐ ആർ രജിസ്റ്റർ ചെയ്തതായി പറയുന്നു. നേരത്തെ തന്നെ ഈ  വാർത്ത മുൻ ഇലക്ഷൻ കമ്മീഷണർ നിഷേധിച്ചതാണ്. അതെ വാർത്തതന്നെയാണ് വീണ്ടും വൈറൽ ആയിരിക്കുന്നത്.മുൻ ഇലക്ഷൻ കമ്മീഷണർ പുറപ്പെടുവിച്ച പ്രസ്താവനയും ഈ പത്രക്കുറിപ്പിൽ ചേർത്തിട്ടുണ്ട്. ഈ വൈറൽ വാർത്ത പൂർണമായും സത്യവിരുദ്ധമാണെന്ന് അതിൽ വ്യക്തമാക്കുന്നു. പ്രസ്തുത പത്രക്കുറിപ്പ് വിശദമായി വായിക്കാൻ ഇവിടെ ക്ലിക് ചെയ്യുക..

ഈ വൈറൽ വാർത്ത പൂർണമായും വ്യാജമാണെന്ന് ഇലക്ഷൻ കമ്മീഷണറുടെ വക്താവ്  ഷെഫലി ഷരൺ വിശ്വാസ് ന്യുസിനോട് പറഞ്ഞു.

ഇനി നമുക്ക് ഈ വൈറൽ വ്യാജ വാർത്ത ആദ്യമായി പോസ്റ്റ് ചെയ്ത യൂസറെപ്പറ്റി അന്വേഷിക്കാം. വിജയ് പട്ടേൽ എന്ന ഈ  ഫേസ്‌ബുക്ക് യുസർ താമസിക്കുന്നത് ഗുജറാത്തിലെ അഹമ്മദാബാദിലാണ്. അദ്ദേഹത്തിന് ഒരു രാഷ്ട്രീയ പാർട്ടിയുമായി ബന്ധമുണ്ട്.