വസ്തുത പരിശോധന: ബി എസ് പി മേധാവി മായാവതിയുടെ പഴയ പ്രസ്താവന ഇപ്പോൾ തെറ്റിദ്ധാരണാജനകമായ അവകാശവാദത്തോടെ വൈറലാകുന്നു

ന്യൂഡൽഹി(വിശ്വാസ് ന്യൂസ്): ബി എസ് പി മേധാവി മായാവതിയുടെ ഒരു പഴയ പ്രസ്താവന ഇപ്പോൾ സമൂഹമാധ്യമങ്ങളിൽ വൈറലാകുന്നു. ആ പ്രസ്താവനയിൽ ആവശ്യമെങ്കിൽ താൻ ബി ജെ പി യെ പിന്തുണക്കുമെന്നാണ് അവർ പറയുന്നത്. വിശ്വാസ് ന്യൂസിന്റെ അന്വേഷണത്തിൽ ഇത് മായാവതിയുടെ ഒരു പഴയ പ്രസ്താവനയാണെന്ന് കണ്ടെത്തി. എം എൽ സി തെരഞ്ഞെടുപ്പുമായി ബന്ധപ്പെട്ടതായിരുന്നു ആ പ്രസ്താവന. ഇപ്പോൾ നിയമസഭാതെരഞ്ഞെടുപ്പുമായി ബന്ധപ്പെടുത്തി തെറ്റിദ്ധാരണ ഉണ്ടാക്കുന്ന വിധമാണ് അത് പ്രചരിപ്പിക്കുന്നത്. ഞങ്ങളുടെ അന്വേഷണത്തിൽ ഈ വൈറൽ പോസ്റ്റ് തെറ്റിദ്ധാരണാജനകമാണെന്ന് വ്യക്തമായി. 2020 -ലെ എം എൽ സി തെരഞ്ഞെടുപ്പ് സമയത്ത് അവർ നടത്തിയ പ്രസ്താവനയാണിത്.

എന്താണ് വൈറൽ?

ഫേസ്ബുക്ക് യൂസർ കിഷോർ ഗോയൽ ഈ വീഡിയോ അപ്ലോഡ് ചെയ്തത് ജനുവരി 18-ന് ആണ്.

സമാനമായ അവകാശവാദങ്ങളുമായി പലരും ഈ പോസ്റ്റ് ഷെയർ ചെയ്തിട്ടുണ്ട്. ഈ പോസ്റ്റിന്റെ ആർക്കൈവ്ഡ് വേർഷൻ ഇവിടെ കാണാം.

അന്വേഷണം

.വിശ്വാസ് ന്യൂസ് ആദ്യം ഈ സ്‌ക്രീൻ ഷോട്ടിന്റെ ഗൂഗിൾ റിവേഴ്‌സ് ഇമേജ് ടൂൾ ഉപയോഗിച്ച് അന്വേഷണം നടത്തി.അപ്പോൾ സീ ന്യൂസ് വെബ്‌സൈറ്റിൽ ഒരു വാർത്ത കണ്ടെത്തി. 29 ഒക്ടോബർ 2020 -ലെ വാർത്തയായിരുന്നു അത്. എം എൽ സി തെരഞ്ഞെടുപ്പിൽ എസ് പിയെ പരാജയപ്പെടുത്താൻ താൻ ബി ജെ പി യെ പിന്തുണച്ചേക്കും എന്നായിരുന്നു ആ പ്രസ്താവന.

സീ ന്യൂസിന്റെ മുഴുവൻ വാർത്തയും ഇവിടെ കാണാം.

അന്വേഷണത്തിനിടയിൽ സീ ഉത്തർ പ്രദേശ് ഉത്തരാഖണ്ഡ് ചാനലിന്റെ ഒരു ഫേസ്ബുക്ക് ലൈവ് വിശ്വസ് ന്യൂസ് കണ്ടു. 29 ഒക്ടോബർ 2020 -ലെ വാർത്തയായിരുന്നു അത്. ഇപ്പോൾ വൈറലായിട്ടുള്ള സ്‌ക്രീൻ ഷോട്ട് സീ ഉത്തർ പ്രദേശ് ഉത്തരാഖണ്ഡ് ചാനലിന്റെ പഴയ സ്‌ക്രീൻ ഷോട്ട് ആണെന്ന് വ്യക്തമായി. ഫേസ്ബുക്ക് ലൈവിന്റെ 14 -ആം മിനിറ്റിൽ ഇപ്പോൾ വൈറലായിട്ടുള്ള അതെ വാർത്ത കാണാൻ സാധിച്ചു. അത് ഇവിടെ കാണാം.

എ എൻ ഐ യുടെ ട്വിറ്റർ ഹാൻഡിലിലും വിശ്വാസ് ന്യൂസ് ഈ പഴ വീഡിയോ കണ്ടു. 29 ഒക്ടോബർ 2020-ലെ മായാവതിയുടെ ഒരു പത്രസമ്മേളനത്തിന്റെ വീഡിയോ അപ്‌ലോഡ്‌ ചെയ്തതായിരുന്നു അത്. അതിലും എം എൽ സി തെരഞ്ഞെടുപ്പിൽ എസ് പിയെ പരാജയപ്പെടുത്താൻ താൻ ബി ജെ പി യെ പിന്തുണച്ചേക്കും എന്ന മായാവതി പ്രസ്താവിക്കുന്നുണ്ട്. ആ വീഡിയോ മുഴുവനായും ഇവിടെ കാണാം.

തുടർന്നുള്ള അന്വേഷണത്തിൽ, വിശ്വാസ് ന്യൂസ് ബി എസ് പിയുടെ ദേശീയ വക്താവായ ഫൈസാൻ ഖാനെ ബന്ധപ്പെട്ടു. ഈ വൈറൽ പോസ്റ്റ് വാട്ട്സാപ്പിൽ പങ്കുവെച്ചപ്പോൾ അദ്ദേഹം പറഞ്ഞു:” ബി എസ് പി മേധാവിയുടെ ഒരു പഴയ പ്രസ്താവനയാണ് ഇപ്പോൾ തെറ്റായ അർത്ഥത്തിൽ വൈറലാകുന്നത്. ഇതിലെ അവകാശവാദം തെറ്റാണ്.”

അന്വേഷണത്തിന്റെ അവസാനഘട്ടത്തിൽ ഞങ്ങൾ ഫേസ്ബുക്ക് യൂസർ കിഷോർ ഗോയലിന്റെ സോഷ്യൽ സ്കാനിംഗ് നടത്തി. ഈ യൂസർക്ക് ഒരു രാഷ്ട്രീയ കക്ഷിയുടെ ബന്ധസമുണ്ടെന്നും അയാൾക്ക് ഫേസ്ബുക്കിൽ 1631 ഫോളോവേഴ്സ് ഉണ്ടെന്നും മനസ്സിലായി. മധ്യപ്രദേശിലെ മൻഡ്സുർ സ്വദേശിയാണ് അദ്ദേഹം.