ફેક્ટ ચેક: તરીકે તાઇવાનના ભૂકંપનો જુનો વીડિયો હાલમાં ઇન્ડોનેશિયામાં આવેલા ભૂકંપનો જણાવીને ખોટો દાવા થયો વાયરલ

નવી દિલ્હી (વિશ્વાસ ન્યૂઝ): ઈન્ડોનેશિયામાં તાજેતરમાં આવેલા ભૂકંપના આંચકા બાદ સોશિયલ મીડિયા પર વાયરલ થઈ રહેલા એક વીડિયોમાં દાવો કરવામાં આવી રહ્યો છે કે તે ઈન્ડોનેશિયામાં આવેલા ભૂકંપ સાથે સંબંધિત છે. વાયરલ વીડિયોમાં ભૂકંપના જોરદાર આંચકા સ્પષ્ટપણે જોઈ શકાય છે.

વિશ્વાસ ન્યૂઝને તેની તપાસમાં જાણવા મળ્યું છે કે જે વીડિયો 18 સપ્ટેમ્બર 2022ના રોજ તાઇવાનમાં આવેલા ભૂકંપનો છે, ઈન્ડોનેશિયાનો નથી. ઇન્ડોનેશિયામાં તાજેતરમાં આવેલા ભૂકંપમાં ઘણું નુકસાન થયું હતું.

વાયરલ શું છે?

વાયરલ વીડિયો (આર્કાઇવ લિંક) શેર કરતાં સોશિયલ મીડિયા યુઝર ‘અંબર શર્મા’એ લખ્યું, ”#earthquake Video From #Indonesia Magnitude 7.7, tremors felt over 2000 kilometers. Nature is very fragile & We humans are playing with Mother #Nature.” (“#ઇન્ડોનેશિયાના ભૂકંપ #7.7ની તીવ્રતાનો વીડિયો, 2000 કિલોમીટરથી વધુ વિસ્તારમાં આંચકા અનુભવાયા. કુદરત ખૂબ જ નાજુક છે અને આપણે મનુષ્ય #પ્રકૃતિ સાથે રમી રહ્યા છીએ.”)

અન્ય કેટલાક યુઝર્સે આ વીડિયોને ઇન્ડોનેશિયાનો હોવાનો દાવો કરીને સમાન દાવા સાથે વાયરલ કર્યો છે. ટ્વિટર પર કેટલાક યુઝર્સે પણ આ જ દાવા સાથે વીડિયો શેર કર્યો છે.

તપાસ

આ વીડિયોને તપાસ માટે અમને વાયરલ વીડિયોના સ્ક્રીનશૉટની રિવર્સ ઇમેજ સર્ચમાં 19 સપ્ટેમ્બર, 2022ના રોજ તાઈવાન ન્યૂઝ.કોમની વેબસાઈટ પર પ્રકાશિત અહેવાલ મળ્યો, જેમાં વાયરલ વીડિયોના સ્ક્રીન શૉટનો ઉપયોગ કરવામાં આવ્યો છે.

મળેલી માહિતી મુજબ હુઆલિન ઝુઓકીની ટેકરી પર 6.8ની તીવ્રતાનો ભૂકંપ અનુભવાયો ત્યારે પર્વતારોહણ ટીમને બચાવ માટે જમીન પર સૂવું પડ્યું. દક્ષિણ-પૂર્વ તાઈવાનમાં રવિવારે બપોરે 2.44 વાગ્યે ભૂકંપના આંચકા અનુભવાયા હતા અને તેના કારણે ઘણું નુકસાન પણ થયું હતું.

તાઈવાન ન્યૂઝની ઓફિશિયલ યુટ્યુબ ચેનલે પણ આ ઘટનાનો વીડિયો અપલોડ કર્યો છે, જે ત્રણ મહિના જૂનો છે.

સમાચાર અહેવાલો અનુસાર 10 જાન્યુઆરીએ ઇન્ડોનેશિયાના માલુકુમાં ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા 7.6 માપવામાં આવી હતી અને ત્યારબાદ સુનામીની ચેતવણી જારી કરવામાં આવી હતી. તેમજ આ ભૂકંપના આંચકા ઓસ્ટ્રેલિયા સુધી અનુભવાયા હતા.

વિશ્વાસ ન્યૂઝે વાયરલ વીડિયો અંગે ઈન્ડોનેશિયન ફેક્ટ ચેકિંગ એજન્સી CEK facta.comનો સંપર્ક કર્યો હતો. ફેક્ટ ચેકર આદિ સ્યાફિતરારાએ જણાવ્યું કે ભૂકંપનો આ વીડિયો ઈન્ડોનેશિયાનો નથી.

ભ્રામક દાવા સાથે વાયરલ વીડિયો શેર કરનાર યુઝરે પોતાની પ્રોફાઈલમાં પોતાને ફિલ્મનો ડિરેક્ટર ગણાવ્યો છે.

નિષ્કર્ષ: ઈન્ડોનેશિયામાં તાજેતરના મજબૂત ભૂકંપના દાવા સાથે વાયરલ થઈ રહેલો વીડિયો 18 સપ્ટેમ્બર 2022ના રોજ તાઈવાનમાં આવેલા ભૂકંપનો છે, જેને ઈન્ડોનેશિયાના ભ્રામક દાવા સાથે શેર કરવામાં આવી રહ્યો છે.