વિશ્વાસ ન્યૂઝને તેની તપાસમાં જાણવા મળ્યું કે કોંગ્રેસ માટે ચુંટણી પ્રચાર કરનાર આ વ્યક્તિ અભિનેતા શાહરૂખ ખાન નથી, પરંતુ તેમનો હમશક્લ ઈબ્રાહિમ કાદરી છે. વીડિયોને લોકો શાહરૂખ ખાનનો સમજીને ખોટા દાવાની સાથે શેર કરી રહ્યા છે.
નવી દિલ્હી (વિશ્વાસ ન્યૂઝ) લોકસભા ચૂંટણીને લઈને સોશિયલ મીડિયા પર એક વીડિયો વાયરલ થઈ રહ્યો છે, જેમાં કોંગ્રેસના કાર્યકર્તાઓની સાથે એક વ્યક્તિને ચુંટણી પ્રચાર કરતા જોઈ શકાય છે. યુઝર્સ આ પોસ્ટને શેર કરીને દાવો કરી રહ્યા છે કે વીડિયોમાં જોવા મળી રહેલો વ્યક્તિ અભિનેતા શાહરૂખ ખાન છે, જેમણે લોકસભા ચૂંટણી 2024માં કોંગ્રેસ માટે પ્રચાર કર્યો છે.
વિશ્વાસ ન્યૂઝે વાયરલ પોસ્ટની તપાસ કરી અને વાયરલ દાવો નકલી હોવાનું જણાયું. વીડિયોમાં જોવા મળી રહેલો વ્યક્તિ અભિનેતા શાહરૂખ ખાન નથી, પરંતુ તેના જેવો દેખાતો ઈબ્રાહિમ કાદરી છે. કેટલાક લોકો ઈબ્રાહિમ કાદરીના વીડિયોને શાહરૂખ ખાનનો સમજીને ખોટા દાવા સાથે શેર કરી રહ્યા છે.
ફેસબુક યુઝર ટીમ ઇર્શાદના ચેરમેન પુન્હાનાએ 24 એપ્રિલે એક વીડિયોને અપલોડ કરતા લખ્યું કે, “Srk કોંગ્રેસનો પ્રચાર કરતા જોવા મળ્યા #fbreels #followers #highlights #Elections2024 #election”
ફેસબુક પોસ્ટની કન્ટેન્ટને અહીં જેમ છે તેમ જ લખવામાં આવી છે. તેના આર્કાઇવ વર્ઝનને અહીં જુઓ.
વિશ્વાસ ન્યૂઝે વાયરલ વીડિયોની સત્યતા જાણવા માટે સંબંધિત કીવર્ડ્સ સાથે સર્ચ કર્યું. અમને વીડિયો સંબંધિત સમાચાર દૈનિક જાગરણ.કોમ પર મળ્યા. 19 એપ્રિલ 2024ના રોજ પ્રકાશિત થયેલા સમાચાર જણાવવામાં આવ્યું છે કે, વાયરલ વીડિયોમાં અભિનેતા શાહરૂખ ખાન નથી, પરંતુ તેમનો ડુપ્લિકેટ છે.
વાયરલ વીડિયો સાથે સંબંધિત રિર્પોટ પણ ઝી ન્યૂઝ પર મળ્યો. 22 એપ્રિલ 2024ના રોજ અપલોડ કરવામાં આવેલા વીડિયોમાં જણાવવામાં આવ્યું છે કે લોકસભા ચૂંટણીની વચ્ચે સોલાપુરમાં ડુપ્લિકેટ શાહરૂખ ખાનને લઈને વિવાદ સર્જાયો છે. કોંગ્રેસના ઉમેદવાર પ્રણિતી શિંદેના પક્ષમાં બોલિવૂડ એક્ટર શાહરૂખ ખાન જેવા દેખાતા વ્યક્તિને જોઈને દરેક આશ્ચર્યચકિત છે.
વાયરલ વીડિયો અમને ઈબ્રાહિમ કાદરીના ઓફિશિયલ સોશિયલ મીડિયા હેન્ડલ્સ પર પણ મળ્યો.
વાયરલ વીડિયો સંબંધિત અન્ય રિર્પોટને અહીં વાંચી શકાય છે. જેમાં વીડિયોમાં દેખાઈ રહેલા વ્યક્તિને ઈબ્રાહિમ કાદરી ગણાવવામાં આવ્યો છે.
અમે વીડિયો અંગે સહયોગી દૈનિક જાગરણ માટે મનોરંજન કવર કરનાર મુખ્ય સંવાદદાતા સ્મિતા શ્રીવાસ્તવ સાથે સંપર્ક કર્યો. તેમણે જણાવ્યું કે, વીડિયો શાહરૂખ ખાનનો નથી, પરંતુ તેમના હમશક્લનો છે.
પહેલા પણ ઈબ્રાહિમ કાદરીના વીડિયોને શાહરૂખ ખાનનો જણાવીને શેર કરવામાં આવ્યો હતો. ત્યારે વિશ્વાસ ન્યુઝે તેની તપાસ કરી હતી. તમે તે ફેક્ટ ચેક રિર્પોટને અહીં વાંચી શકો છો.
અંતે અમે વીડિયોને ખોટા દાવાની સાથે શેર કરનાર યૂઝરના એકાઉન્ટને સ્કેન કર્યું. અમને જાણવા મળ્યું કે, યુઝરને આઠ હજારથી વધુ લોકો ફોલો કરે છે.
निष्कर्ष: વિશ્વાસ ન્યૂઝને તેની તપાસમાં જાણવા મળ્યું કે કોંગ્રેસ માટે ચુંટણી પ્રચાર કરનાર આ વ્યક્તિ અભિનેતા શાહરૂખ ખાન નથી, પરંતુ તેમનો હમશક્લ ઈબ્રાહિમ કાદરી છે. વીડિયોને લોકો શાહરૂખ ખાનનો સમજીને ખોટા દાવાની સાથે શેર કરી રહ્યા છે.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923