Fact Check: 2015માં રોહિત શર્માને મળ્યો હતો અર્જુન એવોર્ડ, વાયરલ પોસ્ટ ફેક

નવી દિલ્હી (વિશ્વાસ ન્યૂઝ)હાલમાં જ ભારતીય ટીમના ફાસ્ટ બોલર મોહમ્મદ શમીને દેશના પ્રતિષ્ઠિત અર્જુન એવોર્ડથી સન્માનિત કરવામાં આવ્યા છે. આ દરમિયાન સોશિયલ મીડિયા પર કેપ્ટન રોહિત શર્માની પણ એક તસવીર વાયરલ થઈ રહી છે. જેમાં દાવો કરવામાં આવી રહ્યો છે કે તેમને હાલમાં જ અર્જુન એવોર્ડ આપવામાં આવ્યો છે. આ પોસ્ટ પર લોકો તેમને અભિનંદન પણ પાઠવી રહ્યા છે.

વિશ્વાસ ન્યૂઝની તપાસમાં વાયરલ દાવો ભ્રામક હોવાનું જાણવા મળ્યું. રોહિત શર્માને વર્ષ 2015માં અર્જુન એવોર્ડ આપવામાં આવ્યો હતો. રોહિત શર્માની જૂની તસવીરને તાજેતરની જણાવીને ખોટા દાવાની સાથે શેર કરવામાં આવી રહી છે.

શું થઈ રહ્યું છે વાયરલ?

ફેસબુક પેજ ‘ક્રિકેટ અડ્ડા’એ 10 જાન્યુઆરી, 2023ના રોજ વાયરલ પોસ્ટ શેર કરતા કેપ્શનમાં લખ્યું છે કે, “રોહિત શર્માને પણ મળ્યો અર્જુન એવોર્ડ.”

અન્ય યુઝર્સ પણ આ દાવાને સાચો માનીને શેર કરી રહ્યા છે. પોસ્ટના આર્કાઇવ વર્ઝનને અહીં જુઓ.

તપાસ

વાયરલ દાવાની સત્યતા જાણવા માટે વિશ્વાસ ન્યૂઝે સંબંધિત કીવર્ડ્સ સાથે ગૂગલ પર સર્ચ કરવાનું શરૂ કર્યું. આ સમય દરમિયાન અમને ઘણી ન્યૂઝ વેબસાઇટ્સ પર વાયરલ પોસ્ટ સંબંધિત સમાચાર મળ્યા. 17 નવેમ્બર 2023ના રોજ Jagran.com પર એક સમાચાર મળ્યા. રોહિત શર્માની બાયોગ્રાફી પર લખાયેલા આ સમાચારમાં તેમને મળેલા પુરસ્કારો વિશે જણાવવામાં આવ્યું છે. આપેલી માહિતી અનુસાર, ”રોહિત શર્માને વર્ષ 2019માં રાજીવ ગાંધી ખેલ રત્ન એવોર્ડથી નવાજવામાં આવ્યા હતા. 2015માં તેમને અર્જુન એવોર્ડથી નવાજવામાં આવ્યા હતા. વર્ષ 2020માં રોહિત શર્માને પદ્મશ્રી એવોર્ડથી પણ સન્માનિત કરવામાં આવ્યા હતા. વર્ષ 2020માં ICCએ રોહિત શર્માને ODI પ્લેયર ઓફ ધ યરના એવોર્ડથી પણ સન્માનિત કર્યા હતા.”

સર્ચ દરમિયાન અમને રોહિત શર્માના વેરિફાઈડ એક્સ એકાઉન્ટ પર વાયરલ તસવીર પણ મળી. પોતાની ખુશી અને કૃતજ્ઞતા વ્યક્ત કરતા તેમણે આ તસવીર 16 સપ્ટેમ્બર 2016ના રોજ શેર કરી હતી.

અમને મિનિસ્ટ્રી ઓફ યુથ અફેયર્સ એન્ડ સ્પોર્ટ્સની વેબસાઈટ પર પણ અર્જુન એવોર્ડ્સ વિનરની જાણકારી મળી. અહીં આપેલી માહિતી મુજબ, રોહિત શર્માને વર્ષ 2015માં અર્જુન એવોર્ડ મળ્યો હતો. 

રોહિત શર્માના અર્જુન એવોર્ડ સાથે જોડાયેલા અન્ય સમાચાર અહીં વાંચી શકાય છે.

વધુ તપાસમાં અમે આ વર્ષે અર્જુન એવોર્ડથી સન્માનિત કરાયેલા ખેલાડીઓ સર્ચ કર્યું. Olympics.com વેબસાઈટ પર અમને આ વર્ષના તમામ એવોર્ડ વિશે માહિતી મળી છે. આ લિસ્ટને અહીં જોઈ શકાય છે.

તપાસના આગલા તબક્કામાં અમે દૈનિક જાગરણના સ્પોર્ટ્સ એડિટર અભિષેક ત્રિપાઠી સાથે સંપર્ક કર્યો અને તેમની સાથે વાયરલ પોસ્ટ શેર કરી. તેમણે પુષ્ટિ કરી કે આ દાવો ખોટો છે. તેમણે જણાવ્યું કે રોહિત શર્માને 2015માં અર્જુન એવોર્ડ મળ્યો હતો.

તપાસના અંતે ખોટી પોસ્ટ કરનાર પેજની તપાસ કરવામાં આવી. આ પેજને 290K લોકો ફોલો કરે છે.