Fact Check: રામ મંદિરના પાયાના ખોદકામ દરમિયાન મળી આવેલા પ્રાચીન તામ્ર તાંબ્રપત્ર ના દાવા સાથેનો વીડિયો વાયરલ થઈ રહ્યો છે તે અયોધ્યા સાથે સંબંધિત નથી

નવી દિલ્હી (વિશ્વાસ ન્યૂઝ). સોશિયલ મીડિયા પર વાયરલ થતો એક વીડિયો અયોધ્યામાં નિર્માણ પામનારા રામ મંદિર સાથે જોડીને વાયરલ થઈ રહ્યો છે. વિડિઓમાં, એક માણસ બોક્સમાંથી એક તાંબ્રપત્ર  કાઢતો જોઈ શકાય છે, જેના પર એક પ્રાચીન લિપિ જોઇ શકાય છે. એવો દાવો કરવામાં આવી રહ્યો છે કે આ તાંબ્રપત્ર  અયોધ્યામાં રામ જન્મભૂમિ સ્થળ પર ખોદકામ દરમિયાન મળી આવ્યો હતો.

વિશ્વાસ ન્યૂઝની તપાસમાં આ દાવા સાવ ખોટો હોવાનું બહાર આવ્યું છે. વાયરલ થતા વીડિયોમાં જોવા મળતો તાંબ્રપત્ર  કોઈ અન્ય જગ્યાએ પુરાતત્ત્વીય ખોદકામનો છે, જે અયોધ્યામાં રામ મંદિર માટે ખોદકામ કરવામાં આવી રહ્યું હોવાના ખોટા દાવા સાથે વાયરલ થઈ રહ્યો છે.

વાયરલ પોસ્ટમાં શું છે?

વાયરલ વીડિયો (આર્કાઇવ લિન્ક) શેર કરતા એક સોશ્યલ મીડિયા યુઝરે લખ્યું કે, રામ જન્મભૂમિ સાઇટ પર ખોદકામ દરમિયાન તાંબરતાંબ્રપત્ર   મળ્યું – 488 વર્ષની રાહ પછીની સંપૂર્ણ પરાકાષ્ઠા …જાય શ્રી રામ. “

કેટલાક અન્ય વપરાશકર્તાઓએ સમાન અને આને મળતા દાવા સાથે આ વિડિઓને વિવિધ સોશિયલ મીડિયા પ્લેટફોર્મ પર શેર કર્યો છે.

તપાસ

અમને વિડિઓના કી ફ્રેમ્સની ગૂગલ રીવર્સ ઇમેજ શોધ કર્યા પછી ‘define.avcilari’ નામના ઇન્સ્ટાગ્રામ પેજ પર આ વિડિઓ મળ્યો છે.

લગભગ 63 અઠવાડિયા પહેલા અપલોડ કરેલી આ વિડિઓમાં કોઈ સ્થાન આપવામાં આવ્યું નથી. આ પેજ પર અગણિત પુરાતત્ત્વીય મોહોરો , માળા, ઝવેરાત અને અન્ય સામગ્રીના ચિત્રો જોઇ શકાય છે.

સમાચારની શોધમાં, અમને આવા ઘણા અહેવાલો મળ્યાં, જેમાં અયોધ્યામાં રામ મંદિરના નિર્માણ માટે પાયાના ખોદકામ શરૂ કરવાનું ઉલ્લેખ છે.

સમાચાર અહેવાલ મુજબ, 8 સપ્ટેમ્બર, 2020 ના રોજ, અયોધ્યામાં નિર્માણ પામેલા રામ મંદિરના નિર્માણ માટેના પાયાનું ખોદકામ શરૂ થયું.

જો કે, અમને સમાચારની શોધમાં આવા કોઈ સમાચાર મળ્યાં નથી, જેમાં ખોદકામ દરમિયાન આવા કોઈ તાંબ્રપત્ર  અથવા હસ્તલિપિ ની શોધનો ઉલ્લેખ છે. વાયરલ થતાં વીડિયોને લઈને અમે અમારા સાથીદાર દૈનિક જાગરણની અયોધ્યા પ્રભારી રામશરણ અવસ્થીનો સંપર્ક કર્યો. તેમણે કહ્યું, ‘આ વિડિઓ અયોધ્યા સાથે સંબંધિત નથી. મંદિરના પાયાના ખોદકામ દરમિયાન અહીં આવું કંઈ મળ્યું નથી.

આ પહેલા પણ અયોધ્યામાં રામ મંદિર નિર્માણને લગતી ખોટી તસવીરો અને વીડિયો સોશિયલ મીડિયા પર વાયરલ થઈ રહ્યા છે, જેની વિશ્વાસ ન્યૂઝ તપાસ કરી રહી છે.