ફેક્ટ ચેક : વિદ્યાર્થીઓ માટે મફત લેપટોપનો વાયરલ મેસેજ નકલી છે

નવી દિલ્હી (વિશ્વાસ સમાચાર): વિદ્યાર્થીઓ માટે ફ્રી લેપટોપ’ની એક પોસ્ટ સોશિયલ મીડિયા પર વાયરલ થઈ રહી છે. સ્ટુડન્ટ્સ લેપટોપ સ્કીમ 2022/23 હવે ઉપલબ્ધ હોવાના દાવા સાથે પોસ્ટ શેર કરવામાં આવી રહી છે. આ તમામ દેશોમાં માન્ય છે. નબળી આર્થિક સ્થિતિ ધરાવતા વિદ્યાર્થીઓ અને વિદ્યાર્થિનીઓ આ યોજનામાં અરજી કરી શકે છે. 2020માં 20,000 વિદ્યાર્થીઓને લેપટોપ મળ્યા છે. 2022 માં 600,000 થી વધુ વિદ્યાર્થીઓને મફત લેપટોપ આપવામાં આવશે. વાયરલ પોસ્ટમાં નીચે એક લિંક પણ આપવામાં આવી છે. વિશ્વાસ ન્યૂઝે તેની તપાસમાં આ મેસેજ ફેક હોવાનું જાણવા મળ્યું છે. તેનો ઉપયોગ યુઝર ડેટા એકત્ર કરવા માટે કરવામાં આવી રહ્યો છે.

શું છે વાયરલ પોસ્ટમાં ?

ફેસબુક પેજ ડિમાન્ડ એન્ડ સપ્લાય પર 1 ડિસેમ્બરે લિંક પોસ્ટ કરતાં લખ્યું છે કે,

The Applications for the Last-Batch Students Laptop Scheme 2022/23 Is Available
This scheme is open to all students who for financial reasons are not in a position to purchase a laptop of their own and are in need of laptop in their level of education
Students that can apply
-All Students can apply for the helping laptop support scheme
Eligiblity-All countries
20,000 student recieved laptop in 2020 due to covid
In 2022 Over 600,000 students will be given free laptop to enhance their learning this month
Application has began and students that have applied have started getting their laptops

ONLY STUDENTS CAN APPLY

Register and apply here

અનુવાદ :

છેલ્લી બેચના વિદ્યાર્થીઓની લેપટોપ યોજના 2022/23 માટેની અરજીઓ ઉપલબ્ધ છે
આ યોજના એવા તમામ વિદ્યાર્થીઓ માટે ખુલ્લી છે જેઓ નાણાકીય કારણોસર પોતાનું લેપટોપ ખરીદવાની સ્થિતિમાં નથી અને તેમના શિક્ષણના સ્તરે લેપટોપની જરૂર છે.
વિદ્યાર્થીઓ અરજી કરી શકે છે
તમામ વિદ્યાર્થીઓ હેલ્પિંગ લેપટોપ સપોર્ટ સ્કીમ માટે અરજી કરી શકે છે
તમામ દેશોમાં માન્ય
કોવિડને કારણે 2020માં 20,000 વિદ્યાર્થીઓને લેપટોપ મળ્યા
2022 માં આ મહિને 600,000 થી વધુ વિદ્યાર્થીઓને મફત લેપટોપ આપવામાં આવશે
અરજીની પ્રક્રિયા શરૂ થઈ ગઈ છે અને જે વિદ્યાર્થીઓએ અરજી કરી છે તેમને તેમના લેપટોપ મળવાનું શરૂ થઈ ગયું છે
માત્ર વિદ્યાર્થીઓ જ અરજી કરી શકશે
નોંધણી કરો અને અહીં અરજી કરો

ફેસબુક પર અન્ય કેટલાક યુઝર્સ પણ સમાન દાવાઓ સાથે પોસ્ટ શેર કરી છે. પોસ્ટની આર્કાઇવ કરેલી લિંક અહીં જોઈ શકો છો.

તપાસ

અગાઉ પણ આવી ઘણી પોસ્ટ સોશિયલ મીડિયા પર વાયરલ થઈ છે. જેની વિશ્વાસ ન્યૂઝ દ્વારા સમયાંતરે તપાસ કરવામાં આવી છે. આવી લિંક્સ તમારી અંગત માહિતી જેમ કે ફોન નંબર, ઈમેલ આઈડી અને અન્ય માહિતીને છેતરવા અને એકત્રિત કરવા માટે બનાવવામાં આવે છે. અમે અમારા યુઝર્સને કહેવા માંગીએ છીએ કે આવી કોઈપણ લિંક પર ક્લિક ન કરો.

તમને જણાવી દઈએ કે જ્યારે અમે આ લિંક ચેક કરી તો અમને જાણવા મળ્યું કે આ લિંક તમને વેબસાઈટ પર લઈ જશે. જ્યાં તમારી અંગત માહિતી પૂછવામાં આવશે. સૌથી અગત્યની વાત એ છે કે તેની પાસે ન તો કોઈ વેબસાઈટની માહિતી છે કે ન કોઈ સંપર્ક નંબર. ક્યાંય લેપટોપ આપનાર સંસ્થા કે વિભાગનું નામ આપવામાં આવ્યું નથી.

અમે વિવિધ દેશોના વિદ્યાર્થીઓ માટે જારી કરાયેલ મફત લેપટોપ યોજનાને લગતા સંબંધિત કીવર્ડ્સ સાથે Google પર સર્ચ કર્યું. અમને કોઈપણ સરકારી વેબસાઈટ પર આવી યોજના સંબંધિત કોઈ વિશ્વસનીય સમાચાર મળ્યા નથી.

અગાઉ પણ આ પોસ્ટ સોશિયલ મીડિયા પર વાયરલ થઈ હતી. જેની તપાસ વિશ્વાસ ન્યૂઝ દ્વારા કરવામાં આવી હતી. વિશ્વાસ ન્યૂઝ દ્વારા ફેક્ટ ચેક અહીં વાંચી શકો છો.

વધુ માહિતી માટે અમે સાયબર નિષ્ણાત અનુજ અગ્રવાલ સાથે વાત કરી. તેઓ કહે છે કે, આ મેસેજ ફેક છે. તેમાં કોઈ સંસ્થાનું નામ લેવામાં આવ્યું નથી, જે શંકાસ્પદ છે. બીજું જો કોઈ પણ વેબસાઈટ પર સંપર્ક વિશેની જાણકારી ન હોય અથવા તેના વિશે વિગતો ન હોય તો તે નકલી હોવી જોઈએ. આ અંગે તમારી માહિતી આપશો નહીં. આ તમારો ડેટા ચોરી શકે છે.

અમે ફેસબુક પેજ ડિમાન્ડ એન્ડ સપ્લાયનું સોશિયલ સ્કેનીંગ કર્યું જે આ ફેક મેસેજ શેર કરી રહ્યું છે. સ્કેનિંગથી જાણવા મળ્યું કે ફેસબુક પર આ પેજને એક હજારથી વધુ લોકો ફોલો કરે છે. આ પેજ 25 ઓગસ્ટ 2018 ના રોજ બનાવવામાં આવ્યું હતું.

નિષ્કર્ષ: વિશ્વાસ ન્યૂઝને વિદ્યાર્થીઓને મફત લેપટોપ આપવાનો દાવો કરતી પોસ્ટ નકલી હોવાનું જાણવા મળ્યું છે. સાયબર એક્સપર્ટે તેમાં આપેલી લિંક પર ક્લિક ન કરવાની સલાહ આપી છે.