Fact Check: ગ્લેન મેક્સવેલના પુત્રનો જન્મ સપ્ટેમ્બર 2023માં થયો હતો, ભ્રામક દાવો વાયરલ

નવી દિલ્હી (વિશ્વાસ ન્યૂઝ) સોશિયલ મીડિયા પર એક પોસ્ટને શેર કરી દાવો કરવામાં આવી રહ્યો છે કે ઓસ્ટ્રેલિયન ક્રિકેટ ટીમના ખેલાડી ગ્લેન મેક્સવેલ પિતા બની ગયા છે અને તેમની પત્નીએ હાલમાં જ પુત્રને જન્મ આપ્યો છે. પોસ્ટમાં ગ્લેન મેક્સવેલ અને તેમની પત્નીની એક તસવીરને પણ શેર કરવામાં આવી છે, જેમાં તેમના ખોળામાં એક બાળકને જોઈ શકાય છે.

વિશ્વાસ ન્યૂઝને તેની તપાસમાં જાણવા મળ્યું કે પોસ્ટમાં કરવામાં આવી રહેલો દાવો ભ્રામક છે. ગ્લેન મેક્સવેલના ઘરે બાળકનો જન્મ 11 સપ્ટેમ્બર 2023ના રોજ થયો હતો અને આ તસવીર તે સમયની છે. લાઈક્સ મેળવવાના ઈરાદાથી આ તસવીરને તાજેતરની જણાવીને શેર કરવામાં આવી રહી છે.

શું થઈ રહ્યું છે વાયરલ?

ફેસબુક યુઝર  CricHitsએ 3 માર્ચ 2024ના રોજ વાયરલ પોસ્ટને શેર કરીને કેપ્શનમાં લખ્યું છે કે, “ઓસ્ટ્રેલિયાના વિસ્ફોટક બેટ્સમેન મેક્સવેલના પુત્રના જન્મ પર અભિનંદન નહીં આપો.”

પોસ્ટની આર્કાઈવ લિંકને અહીં જુઓ.

તપાસ

વાયરલ દાવાની સત્યતા જાણવા માટે અમે ગૂગલ પર સંબંધિત કીવર્ડ્સની મદદથી સર્ચ કરવાનું શરૂ કર્યું. અમને દૈનિક જાગરણની વેબસાઈટ પર 15 સપ્ટેમ્બર 2023ના રોજ એક સમાચાર મળ્યા, જે મુજબ ગ્લેન મેક્સવેલની પત્નીએ 11 સપ્ટેમ્બર 2023ના રોજ પુત્રને જન્મ આપ્યો છે. સમાચાર અનુસાર, “ઓસ્ટ્રેલિયાના ઓલરાઉન્ડર બેટ્સમેન ગ્લેન મેક્સવેલના ઘરે એક નાના મહેમાનનું આગમન થયું છે. વાસ્તવમાં મેક્સવેલની પત્ની વિની રમને એક બાળકને જન્મ આપ્યો છે. બંનેએ બાળકોની સાથે એક તસવીર સોશિયલ મીડિયા પર શેર કરીને પુષ્ટિ કરી છે. વિનીએ પોતાના ઈન્સ્ટાગ્રામ હેન્ડલ પર તસવીરને શેર કરીને લખ્યું કે લોગન મેવેરિક મેક્સવેલે 11.9.2023ના રોજ જન્મ લીધો.”

મેક્સવેલના પુત્રના જન્મને લઈને અમને ABPની વેબસાઇટ પર પણ 15 સપ્ટેમ્બર 2023ના એક સમાચાર મળ્યા.

ઈન્સ્ટાગ્રામ એકાઉન્ટ પર 21 સપ્ટેમ્બર 2023ના રોજ અપલોડ કરાયેલી મળી. અહીં તેમણે જણાવ્યું હતું કે, તેમણે પોતાના પુત્રનું નામ લોગન રાખ્યું છે.

વાયરલ પોસ્ટ અંગે અમે દૈનિક જાગરણના સ્પોર્ટ્સ એડિટર અભિષેક ત્રિપાઠી સાથે વાત કરી. તેમણે પુષ્ટિ કરી કે, ગ્લેન મેક્સવેલની આ તસવીર સપ્ટેમ્બર 2023ની છે.

તપાસના અંતે અમે પોસ્ટને ખોટા દાવાની સાથે શેર કરનાર પેજને સ્કેન કર્યું. અમને જાણવા મળ્યું કે ફેસબુક પેજ ક્રિક હિટ્સને 1 લાખથી વધુ લોકો ફોલો કરે છે.