ફેક્ટ ચેકઃ કરીના કપૂરને લઈને ખોટા દાવા સાથે પોસ્ટ વાયરલ, વાયરલ થયેલા ફોટો જૂના

નવી દિલ્હી (વિશ્વાસ ન્યૂઝ): હાલમાં સોશિયલ મીડિયા પર દરરોજ હજારો ફોટો અને વીડિયો વાયરલ થાય છે. ત્યારે કેટલાક એવા પણ ફોટો અને વીડિયો હોય છે કે જેને ખોટી રીતે અને ખોટા દાવા સાથે શેર કરવામાં આવે છે. તો કેટલીક વખત તો ફોટાને એડિટ કરીને ભ્રામક માહિતી સાથે શેર કરવામાં આવે છે. ત્યારે હાલમાં બોલિવૂડ એક્ટ્રેસ કરીના કપૂર વિશેની એક પોસ્ટ વાયરલ થઈ રહી છે. જેમાં કરીના કપૂરની તેના નવજાત બાળક સાથેની બે તસવીરો શેર કરીને કેટલાક સોશિયલ મીડિયા યુઝર્સ દાવો કરી રહ્યા છે કે કરીના કપૂરે વધુ એક પુત્રને જન્મ આપ્યો છે.

વિશ્વાસ ન્યૂઝને તેની તપાસમાં જાણવા મળ્યું કે કરીના કપૂરને બે પુત્રો છે. તેમના બીજા પુત્રનો જન્મ ફેબ્રુઆરી 2021માં થયો હતો. નકલી દાવો હવે તેના નામે વાયરલ થઈ રહ્યો છે. આ ફોટા પણ ઘણા વર્ષોથી ઇન્ટરનેટ પર છે.

શું છે વાયરલ પોસ્ટમાં ?

ફેસબુક યુઝર ‘દંશિકા ગરગ‘ (આર્કાઇવ્ડ લિંક) એ 1 ડિસેમ્બરના રોજ આ પોસ્ટ કરી અને લખ્યું,

કરીના કપૂરના ઘરે ફરીથી ગૂંજી કિલકારી, પુત્રને જન્મ આપ્યો
ગિનિસ બુકમાં નામ નોંધાય ત્યાં સુધી પ્રોડક્શન બંધ ન થવું જોઈએ

તપાસ

કરીના કપૂરના નામે વાયરલ થયેલા દાવાની તપાસ કરવા માટે અમે પહેલા કીવર્ડ્સ સાથે ગૂગલ પર ઓપન સર્ચ કર્યું. 21 ફેબ્રુઆરી 2021ના રોજ જાગરણ.કોમમાં છપાયેલા સમાચાર અનુસાર કરીના કપૂર અને સૈફ અલી ખાન ફરી પેરેન્ટ્સ બન્યા છે. કરીનાએ બીજા પુત્રને જન્મ આપ્યો છે. તેમના બીજા પુત્રનો જન્મ મુંબઈની બ્રીચ કેન્ડી હોસ્પિટલમાં થયો છે. સૈફે આ અંગે એક પ્રેસ સ્ટેટમેન્ટ જારી કરીને કહ્યું છે કે તેના ઘરે એક પુત્રનો જન્મ થયો છે. માતા અને પુત્ર બંને સ્વસ્થ છે. કરીનાના પિતા રણધીર કપૂરે પણ કહ્યું કે કરીના અને બાળક બંને ઠીક છે. તે ફરીથી દાદા બનવા માટે ખૂબ જ ખુશ છે.

30 જુલાઈ 2022ના રોજ ઈન્ડિયન એક્સપ્રેસમાં કરીના કપૂર વિશેના સમાચાર પણ પ્રકાશિત થયા છે. તદનુસાર કરીના કપૂર ખાને ત્રીજા બાળક વિશે ફેલાયેલી અફવાઓ પર તેની પ્રતિક્રિયા આપી છે. તેણે કહ્યું છે કે તે 40 દિવસના વેકેશન પર હતી જ્યાં તે પિઝાની ગણતરી કરવાનું ભૂલી ગઈ હતી. તેણે કહ્યું, ચીલ, અમે પણ માણસો છીએ. હું કશું છુપાવતી નથી. કરીનાને બે પુત્રો છે. તૈમૂરનો જન્મ 2016માં અને જહાંગીરનો જન્મ 2021માં થયો છે.

20 જુલાઈ, 2022 ના રોજ, હિન્દુસ્તાન ટાઈમ્સમાં આ અંગેના સમાચાર પણ પ્રકાશિત થયા છે. લખવામાં આવ્યું છે કે કરીના અને સૈફની તાજેતરમાં લંડનમાં ઉજવાયેલી રજાની તસવીર વાયરલ થઈ રહી છે. આ પછી અફવાઓ વિશે તેણે કહ્યું કે તે ગર્ભવતી નથી. સૈફ અને કરીનાના લગ્ન 2012માં થયા હતા.

અમને કરીના કપૂર અને સૈફ અલી ખાનના ઇન્સ્ટાગ્રામ એકાઉન્ટ પર પણ આવી કોઈ પોસ્ટ મળી આવી નથી કે જેનાથી વાયરલ થયેલા દાવાની પુષ્ટિ કરી શકાય. કોઈપણ વિશ્વસનીય મીડિયા વેબસાઈટમાં પણ આવા કોઈ સમાચાર નથી.

આ મામલે અમે મુંબઈમાં વરિષ્ઠ મનોરંજન પત્રકાર પરાગ છાપેકરનો સંપર્ક કર્યો. તેમણે કહ્યું કે , સોશિયલ મીડિયા પર વાયરલ થયેલી પોસ્ટ ખોટી છે. સૈફ અને કરીનાને બે પુત્રો છે. ગયા વર્ષે તેમના બીજા પુત્રનો જન્મ થયો હતો.

ત્યારબાદ વધુ તપાસ માટે અમે ગૂગલ લેન્સની મદદથી વાયરલ તસવીરો સર્ચ કરી. આ અહેવાલ ઇન્ડિયન એક્સપ્રેસમાં 22 ડિસેમ્બર 2016ના રોજ પ્રકાશિત થયો છે. તેમાં બંને કોલાજની તસવીરો અપલોડ કરવામાં આવી છે. આ મુજબ 20 ડિસેમ્બરે તૈમૂરનો જન્મ થયો ત્યારથી સોશિયલ મીડિયા પર ઘણા ફોટા વાયરલ થઈ રહ્યા છે. વાયરલ ફોટાની સંખ્યા દિવસેને દિવસે વધી રહી છે. મતલબ કે કોલાજની બંને તસવીરો ઘણા વર્ષોથી ઈન્ટરનેટ પર વાયરલ થઈ રહી છે.

તપાસના અંતે અમે ખોટો દાવો વાયરલ કરનાર ફેસબુક યુઝર દંશિકા ગર્ગની તપાસ કરી. આ તપાસમાં અમને જાણવા મળ્યું કે યુઝર અમૃતસરનો રહેવાસી છે.

નિષ્કર્ષ: કરીના કપૂરને બે પુત્રો છે. તેમના બીજા પુત્રનો જન્મ ફેબ્રુઆરી 2021માં થયો હતો. કરીનાના ઘરે વધુ એક પુત્રના જન્મનો ખોટો દાવો સોશિયલ મીડિયા પર વાયરલ થઈ રહ્યો છે.