Fact Check: એલ્વિશ યાદવની કોટા પોલીસે નહોતી કરી ધરપકડ, ભ્રામક દાવો વાયરલ

નવી દિલ્હી (વિશ્વાસ ન્યૂઝ)બિગ બોસ OTT વિજેતા એલ્વિશ યાદવ પર રેવ પાર્ટીમાં સાપના ઝેરનો ઉપયોગ કરવાનો આરોપ લાગ્યો છે. નોઈડા પોલીસે તેની સામે આ મામલે એફઆઈઆર પણ નોંધી છે. આ દરમિયાન સોશિયલ મીડિયા પર એક પોસ્ટ વાયરલ થઈ રહી છે, જેમાં દાવો કરવામાં આવી રહ્યો છે કે કોટા પોલીસે એલ્વિશની ધરપકડ કરી છે.

વિશ્વાસ ન્યૂઝની તપાસમાં જાણવા મળ્યું કે કોટા પોલીસે એલ્વિશની ધરપકડ કરી ન હતી, પરંતુ તેની પૂછપરછ કરીને તેને છોડી દીધો હતો. વાસ્તવમાં રાજસ્થાન પોલીસે વિધાનસભા ચૂંટણીને ધ્યાનમાં રાખીને ચેકિંગ માટે એક વાહન રોક્યું હતું.

શું છે વાયરલ પોસ્ટ?

ફેસબુક યુઝર ‘ક્ષત્રિય સંજય ગૌર સંજુ’ (આર્કાઇવ લિંક)એ 6 નવેમ્બરે તેના પેજ પર લખ્યું, “બિગ બોસ વિજેતા એલ્વિશ યાદવની કોટા પોલીસે કરી ધરપકડ, સિસ્ટમ હલી ગઈ.”

અન્ય ફેસબુક યુઝર ‘24 મીડિયા’ (આર્કાઇવ્ડ લિંક)એ પણ આવો જ દાવો કર્યો છે.

તપાસ

વાયરલ દાવાની તપાસ કરવા માટે અમે કીવર્ડ્સનો ઉપયોગ કરીને ગૂગલ પર તેના વિશે સર્ચ કર્યું. આજતકની વેબસાઈટ પર 4 નવેમ્બરે પ્રકાશિત થયેલા સમાચારમાં લખવામાં આવ્યું છે કે રાજસ્થાનમાં વિધાનસભા ચૂંટણીને ધ્યાનમાં રાખીને પોલીસ વાહનોનું ચેકિંગ કરી રહી છે. આ અંતર્ગત કોટા ગ્રામ્ય પોલીસે એક વાહનને ચેકિંગ માટે રોક્યું હતું. તેમાં એલ્વિશ પણ સવાર હતો. નોઈડા પોલીસ સાથે વાતચીત બાદ કોટા પોલીસે એલ્વિશને છોડી દીધો હતો.

આ સંદર્ભમાં કોટા પોલીસનું નિવેદન પણ 5 નવેમ્બરે દૈનિક જાગરણની યુટ્યુબ ચેનલ પર અપલોડ કરવામાં આવ્યું છે. આમાં કોટા પોલીસનું કહેવું છે કે ચૂંટણીને ધ્યાનમાં રાખીને ચેકિંગ દરમિયાન પંજાબની ગાડીને રોકવામાં આવી હતી. ગાડીમાં સવાર એક યુવકે તેનું નામ એલ્વિશ જણાવ્યું હતું. નોઈડાના સંબંધિત પોલીસ સ્ટેશનમાં વાતચીત બાદ તેને છોડી દેવામાં આવ્યો હતો.

8 નવેમ્બરે દૈનિક જાગરણની વેબસાઈટ પર પ્રકાશિત થયેલા સમાચારમાં લખવામાં આવ્યું છે કે એલ્વિશ યાદવ મોડી રાત્રે પોતાના વકીલો સાથે નોઈડાના કોતવાલી સેક્ટર-20 પહોંચ્યો હતો. ત્યાં પોલીસે તેની પાર્ટી અને તેના મિત્રોને લઈને પૂછપરછ કરી હતી. લગભગ ત્રણ કલાક પછી તે ત્યાંથી નીકળી ગયો હતો.

આ અંગે જયપુરમાં દૈનિક જાગરણના બ્યુરો હેડ નરેન્દ્ર શર્માનું કહેવું છે કે, કોટા પોલીસે એલ્વિશની ધરપકડ કરી નથી. નોઈડા પોલીસ સાથે વાત કર્યા બાદ તેને છોડી દેવામાં આવ્યો હતો.

છેલ્લે અમે ભ્રામક પોસ્ટ કરનાર ફેસબુક યુઝરની પ્રોફાઇલને સ્કેન કરી. ગ્રેટર નોઈડામાં રહેતા યુઝરના લગભગ 2 હજાર ફ્રેન્ડ્સ છે.

निष्कर्ष: કોટા પોલીસે બિગ બોસ OTT વિજેતા એલ્વિશ યાદવની ધરપકડ કરી ન હતી, પરંતુ નોઈડા પોલીસે પૂછપરછ કર્યા બાદ એલ્વિશ યાદવને છોડી દીધો હતો. નોઈડા પોલીસ એલ્વિશની પૂછપરછ કરી રહી છે. હજુ સુધી તેની ધરપકડ કરવામાં આવી નથી.

ટેગ્ઝ

• Bigg Boss OTT 2 winner Elvish Yadav
• Elvish Yadav Image
• Elvish Yadav Kota Police
• Noida Rave party case