Fact Check : ચૂંટણી પંચે લોકસભાની ચૂંટણીની તારીખો નથી કરી જાહેર, વાયરલ પોસ્ટ ફેક
વિશ્વાસ ન્યૂઝને તેની તપાસમાં જાણવા મળ્યું કે ચૂંટણી પંચ દ્વારા લોકસભાની ચૂંટણીની તારીખોને લઈને કોઈ સત્તાવાર જાહેરાત કરવામાં આવી નથી. ચૂંટણી પંચ દ્વારા આ પોસ્ટનું ખંડન કરવામાં આવ્યું છે.
- By: Pragya Shukla
- Published: Feb 9, 2024 at 12:33 PM
વિશ્વાસ ન્યૂઝ (નવી દિલ્હી)લોકસભાની ચૂંટણીને આડે હવે ગણતરીના મહિના જ બાકી રહ્યા છે. આવી સ્થિતિમાં તમામ રાજકીય પક્ષો તૈયારીઓમાં લાગી ગયા છે. આ વચ્ચે સોશિયલ મીડિયા પર એક પોસ્ટને શેર કરીને દાવો કરવામાં આવી રહ્યો છે કે ચૂંટણી પંચે લોકસભાની ચૂંટણીની તારીખોની જાહેરાત કરી દીધી છે. 16 એપ્રિલ 2024થી લોકસભાની ચૂંટણી યોજાશે. 16 માર્ચ 2024 સુધી ટિકિટનું વિતરણ કરવામાં આવશે અને 16 ફેબ્રુઆરી 2024થી આચારસંહિતા અમલમાં આવશે.
વિશ્વાસ ન્યૂઝને તેની તપાસમાં જાણવા મળ્યું કે વાયરલ પોસ્ટમાં કરવામાં આવી રહેલો દાવો ખોટો છે. ચૂંટણી પંચ દ્વારા લોકસભાની ચૂંટણીની તારીખોને લઈને કોઈ સત્તાવાર જાહેરાત કરવામાં આવી નથી. ચૂંટણી પંચ દ્વારા પોસ્ટનું ખંડન કરવામાં આવ્યું છે.
શું થઈ રહ્યું છે વાયરલ?
ફેસબુક યુઝર ‘કાદિર અહેમદ’એ 31 જાન્યુઆરી 2024ના રોજ વાયરલ પોસ્ટને શેર કરતા લખ્યું છે કે, ”16 એપ્રિલ 2024થી લોકસભાની ચૂંટણી શરૂ. 16 માર્ચ 2024 સુધી ટિકિટ વિતરણ. 16 ફેબ્રુઆરી 2024થી આચારસંહિતા લાગુ.”
પોસ્ટની આર્કાઇવ લિંકને અહીં જુઓ.
તપાસ
વાયરલ પોસ્ટની સત્યતા જાણવા માટે અમે ચૂંટણી પંચની સત્તાવાર વેબસાઈટની તપાસ શરૂ કરી. અમને દાવા સાથે સંબંધિત કોઈ માહિતી ન મળી.
ગૂગલ પર સંબંધિત કીવર્ડ્સની મદદથી સર્ચ કરતા અમને દાવા સાથે સંબંધિત એક રિપોર્ટ આજતકની વેબસાઈટ પર 23 જાન્યુઆરી 2024ના રોજ પ્રકાશિત થયેલો મળ્યો. રિપોર્ટ અનુસાર, વાયરલ દાવો ખોટો છે. ચૂંટણી પંચના નામે લોકસભા ચૂંટણીની તારીખોને લઈને વાયરલ થયેલી પોસ્ટ ખોટી છે. ચૂંટણી પંચે આ પોસ્ટનું ખંડન કરતા કહ્યું છે કે, સત્તાવાર રીતે તારીખોની જાહેરાત કરવામાં આવી નથી. સોશિયલ મીડિયા પર વાયરલ થયેલી પોસ્ટ એક સૂચનનો ભાગ છે, જેને લોકો સાચું માનીને શેર કરી રહ્યા છે.
તપાસ દરમિયાન અમને દાવા સાથે સંબંધિત એક પોસ્ટ ચૂંટણી પંચ દિલ્હીના મુખ્ય ચૂંટણી અધિકારીના સત્તાવાર એક્સ એકાઉન્ટ પર મળી. તેમણે 23 જાન્યુઆરી 2024ના રોજ વાયરલ થયેલી પોસ્ટનું ખંડન કરતા લખ્યું છે કે, સોશિયલ મીડિયા પર લોકસભાની ચૂંટણીની તારીખોને લઈને એક પોસ્ટ ઝડપથી વાયરલ થઈ રહી છે, જેને લઈને મને ઘણા પ્રશ્નો પૂછવામાં આવી રહ્યા છે. હું આ સ્પષ્ટ કરવા માંગુ છું કે વાયરલ પોસ્ટ અધિકારીઓ માટે જાહેર કરાયેલ એક સૂચન પત્ર છે, જેથી તેઓ આ પત્રના આધારે ચૂંટણીને લઈને આયોજન કરવાનું અને કામ કરવાનું શરૂ કરી શકે.
અમને ચૂંટણી પંચના સત્તાવાર એક્સ એકાઉન્ટ પર પણ દાવા સાથે જોડાયેલી એક પોસ્ટ 30 જાન્યુઆરી 2023ના રોજ પોસ્ટ થયેલી મળી. પોસ્ટમાં વાયરલ તસવીરના સ્ક્રીનશોટને શેર કરતા તેને ફેક ગણાવ્યો છે. કેપ્શનમાં લખવામાં આવ્યું છે કે, ”LokSabhaElections2024ના શેડ્યૂલને લઈને WhatsApp પર એક ફેક મેસેજ શેર કરવામાં આવી રહ્યો છે. વાયરલ પોસ્ટ ફેક છે. ECIએ હજુ સુધી કોઈ તારીખ જાહેર કરી નથી. કમિશન પ્રેસ કોન્ફરન્સ દ્વારા ચૂંટણીના કાર્યક્રમની જાહેરાત કરે છે.”
તપાસ દરમિયાન અમને દાવા સંબંધિત એવા કોઈ ન્યૂઝ રિપોર્ટ મળ્યા નથી, જેમાં એવો ઉલ્લેખ કરવામાં આવ્યો હોય કે ચૂંટણી પંચ દ્વારા લોકસભાની ચૂંટણીની તારીખોની જાહેરાત કરવામાં આવી છે.
વધુ માહિતી માટે અમે ચૂંટણી પંચના અધિકારી અનુજ ચાંડક સાથે સંપર્ક કર્યો. તેમણે વાયરલ થયેલા દાવાને ખોટો ગણાવ્યો છે.
તપાસના અંતે અમે ખોટી પોસ્ટને શેર કરનાર યુઝરના એકાઉન્ટને સ્કેન કર્યું. અમને જાણવા મળ્યું કે યુઝર એક વિચારધારા સાથે જોડાયેલ પોસ્ટ્સને શેર કરે છે. યુઝર ઉત્તર પ્રદેશનો રહેવાસી છે.
निष्कर्ष: વિશ્વાસ ન્યૂઝને તેની તપાસમાં જાણવા મળ્યું કે ચૂંટણી પંચ દ્વારા લોકસભાની ચૂંટણીની તારીખોને લઈને કોઈ સત્તાવાર જાહેરાત કરવામાં આવી નથી. ચૂંટણી પંચ દ્વારા આ પોસ્ટનું ખંડન કરવામાં આવ્યું છે.
- Claim Review : 16 એપ્રિલ 2024થી લોકસભાની ચૂંટણી શરૂ, 16 માર્ચ 2024 સુધી ટિકિટ વિતરણ, 16 ફેબ્રુઆરી 2024થી આચારસંહિતા લાગુ.
- Claimed By : ફેસબુર યુઝર કદીર અહેમદ
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
