Fact Check: AIMIM અસદુદ્દીન ઓવૈસીની એડિટેડ તસવીર વાયરલ

નવી દિલ્હી (વિશ્વાસ ન્યૂઝ)સોશિયલ મીડિયા પર એક પોસ્ટ વાયરલ થઈ રહી છે, જેમાં ઓલ ઈન્ડિયા મજલિસ-એ-ઈત્તેહાદુલ મુસલમીનના અધ્યક્ષ અસદુદ્દીન ઓવૈસી હાથમાં ભગવાન શ્રી રામની તસવીરને જોઈ શકાય છે. પોસ્ટમાં દાવો કરવામાં આવી રહ્યો છે કે આ તસવીર અસલી છે અને આ તસવીરના બહાને તેમના પર નિશાન સાધવામાં આવી રહ્યું છે. 

વિશ્વાસ ન્યૂઝે આ પોસ્ટની તપાસ કરી અને જાણવા મળ્યું કે દાવો ખોટો છે. આ તસવીર એડિટેડ છે. વાસ્તવમાં ઓવૈસીએ બાબા સાહેબ આંબેડકરની તસવીર પકડી હતી.

શું છે વાયરલ પોસ્ટમાં?

આ વાયરલ પોસ્ટને  Abhay Singh Rajput  (Archive) નામના યુઝરે 14 મેના રોજ શેર કરી છે. વાયરલ પોસ્ટમાં ઓલ ઈન્ડિયા મજલિસ-એ-ઈત્તેહાદુલ મુસલમીનના અધ્યક્ષ અસદુદ્દીન ઓવૈસીને કેટલાક લોકોની સાથે ઊભેલા જોઈ શકાય છે. આ તસવીરમાં તેમણે હાથમાં ભગવાન રામની તસવીર પકડી છે. પોસ્ટની સાથે ડિસ્ક્રિપ્શનમાં લખવામાં આવ્યું છે કે, “જબ લગતા હૈ કી ફટ જાએગી તો અચ્છે અચ્છે લાઈન પર આ જાતે હૈ.”

તપાસ

આ તસવીર એકવાર પહેલા પણ વાયરલ થઈ ચૂકી છે. તે સમયે પણ વિશ્વાસ ન્યૂઝે આ પોસ્ટની તપાસ કરી હતી. તે સમયે તપાસ કરવા માટે અમે આ તસવીરને ગૂગલ રિવર્સ ઈમેજ સર્ચ કરી હતી અને અમને આ તસવીર અસદુદ્દીન ઓવૈસીના વેરિફાઈડ ફેસબુક એકાઉન્ટ પર મળી હતી. પરંતુ આ તસવીરમાં ઓવૈસીએ ભગવાન શ્રી રામની નહીં પણ બાબા સાહેબ આંબેડકરની તસવીર પકડી હતી. આ પોસ્ટમાં લખ્યું કે  છે, ”Dalits from Mochi Colony met #AIMIM President Barrister Asaduddin Owaisi at AIMIM party headquarters #Darussalam & thanked him for taking development activities in their area (Ramnaspura div Bahadurpura Constituency).” ભાષાંતરઃ મોચી કોલોનીના દલિતોએ #AIMIM પાર્ટી હેડક્વાર્ટર દારૂસ્સલામમાં AIMIMના અધ્યક્ષ  અસદુદ્દીન ઓવૈસી સાથે મુલાકાત કરી અને તેમના ક્ષેત્રમાં વિકાસ પ્રવૃતિઓ માટે તેમનો આભાર માન્યો.” આ પોસ્ટ 7 એપ્રિલ, 2018ના રોજ અસદુદ્દીન ઓવૈસીના વેરિફાઈડ ફેસબુક એકાઉન્ટ પરથી પોસ્ટ કરવામાં આવી હતી.

બંને તસવીરોમાં અંતર નીચે અપાયેલા કોલાજમાં જોઈ શકાય છે. 

તે સમયે અમે ઓલ ઈન્ડિયા મજલિસ-એ-ઈત્તેહાદુલ મુસલમીનના અધ્યક્ષ અસદુદ્દીન ઓવૈસી સાથે ફોન પર વાત પણ કરી હતી અને તેમણે અમને કહ્યું હતું કે આ તસવીર એડિટેડ છે.

અમે ઓવૈસીના સોશિયલ મીડિયા એકાઉન્ટ્સ પણ સર્ચ કર્યા. ભગવાન રામની તસવીર સાથે અહીં ક્યાંય પણ તેમની તસવીર નહોતી.

આ પોસ્ટને અભય સિંહ રાજપૂત નામના ફેસબુક પેજ દ્વારા શેર કરવામાં આવી હતી. આ યુઝરના લગભગ 6000 ફોલોઅર્સ છે.

निष्कर्ष: અમારી તપાસમાં અમને જાણવા મળ્યું કે વાયરલ તસવીર એડિટેડ છે. વાસ્તવમાં ઓવૈસીએ બાબા સાહેબ આંબેડકરની તસવીર પકડી હતી.

ટેગ્ઝ

• Asaduddin Owaisi
• Fact Check
• Lord Ram