Fact Check: કાર્ટૂન નેટવર્ક બંધ નથી થયું, ભ્રામક દાવો ફરી થયો વાયરલ
વિશ્વાસ ન્યૂઝને તેની તપાસમાં જાણવા મળ્યું કે વાયરલ દાવો ફેક છે. કાર્ટૂન નેટવર્ક બંધ થઈ રહ્યું નથી. કાર્ટૂન નેટવર્ક ચેનલે આ અંગે સ્પષ્ટતા જાહેર કરી છે અને કહ્યું છે કે ચેનલ બંધ નહીં થાય અને આ દાવો ખોટો છે.
- By: Pallavi Mishra
- Published: Sep 25, 2023 at 12:09 PM
નવી દિલ્હી (વિશ્વાસ ન્યૂઝ) સોશિયલ મીડિયા પર એક પોસ્ટ વાયરલ થઈ રહી છે, જેમાં દાવો કરવામાં આવી રહ્યો છે કે કાર્ટૂન નેટવર્ક ચેનલ બંધ થઈ રહી છે. લોકો આ પોસ્ટને શેર કરીને પોતાની નિરાશા વ્યક્ત કરી રહ્યા છે.
વિશ્વાસ ન્યૂઝને તેની તપાસમાં વાયરલ દાવો ખોટો હોવાનું જાણવા મળ્યું છે. આ દાવો અગાઉ પણ વાયરલ થયો હતો. તે સમયે કાર્ટૂન નેટવર્ક ચેનલે આ વિશે સ્પષ્ટતા જારી કરીને કહ્યું હતું કે ચેનલ બંધ નહીં થાય અને આ દાવો ખોટો છે.
શું છે વાયરલ પોસ્ટ?
ફેસબુક યુઝર ‘Abe Enriquez’ (આર્કાઇવ લિંક)એ 6 સપ્ટેમ્બરે આ પોસ્ટને શેર કરીને લખ્યું,, “Cartoon Network is Shutting Down” ગુજરાતી અનુવાદ “કાર્ટૂન નેટવર્ક બંધ થઈ રહ્યું છે”
તપાસ
વાયરલ દાવાની તપાસ કરવા માટે અમે સૌથી પહેલા કીવર્ડ્સ સર્ચ કર્યા. અમને ઘણા સમાચાર મળ્યા, જેમાં જણાવવા આવ્યું છે કે કાર્ટૂન નેટવર્ક સ્ટૂડિયોઝ (CNS) બરબેંકમાં તેનો એનિમેશન સ્ટૂડિયો ખાલી કરી રહ્યું છે અને હવે કાર્ટૂન નેટવર્ક સ્ટૂડિયોઝ વોર્નર બ્રધર્સના સ્ટૂડિયોની સાથે એક જ બિલ્ડિંગમાંથી કામ કરશે. સમાચારમાં ક્યાંય કાર્ટૂન નેટવર્ક બંધ કરવાનો ઉલ્લેખ કરવામાં આવ્યો નથી.
અમને આ વિષય પર કાર્ટૂન નેટવર્કના X (અગાઉ ટ્વિટર) હેન્ડલ પર 2022નું એક ટ્વિટ પણ મળ્યું. ટ્વીટમાં આ વાયરલ પોસ્ટને નકારી કાઢતા લખવામાં આવ્યું હતું કે, “Y’all we’re not dead, we’re just turning 30 To our fans: We’re not going anywhere. We have been and will always be your home for beloved, innovative cartoons More to come soon!” ગુજરાતી અનુવાદ, અમારા ચાહકો માટે: અમે ક્યાંય જવાના નથી. અમે તમારા પ્રિય, ઈનોવેટિવ કાર્ટૂનો માટે હંમેશા તમારું ઘર રહ્યા છીએ અને રહીશું, જલ્દી જ બીજુ પણ ઘણું આવવાનું છે!”
અમને આ ટ્વીટને લઈને ઘણા સમાચારો પણ મળ્યા, જેમાં કહેવામાં આવ્યું હતું કે કાર્ટૂન નેટવર્ક બંધ થવાની અફવા ફેલાયા બાદ કાર્ટૂન નેટવર્ક ચેનલે સ્પષ્ટતા કરી છે કે ચેનલ બંધ થઈ રહી નથી અને આ ખાલી અફવા છે.
અમે આ વિષયમાં દૈનિક જાગરણના એન્ટરટેનમેન્ટ જર્નાલિસ્ટ સ્મિતા શ્રીવાસ્તવનો સંપર્ક કર્યો. તેમણે એ વાતની પણ પુષ્ટિ કરી કે કાર્ટૂન નેટવર્ક બંધ થઈ રહ્યું નથી અને ચેનલે પોતે આ વાતની પુષ્ટિ કરી છે.
વિશ્વાસ ન્યૂઝે અગાઉ આવા જ દાવાની તપાસ કરી હતી. તે ફેક્ટ ચેકને અહીં વાંચી શકાય છે.
અમે ફેક પોસ્ટ શેર કરનાર ફેસબુક યુઝર ‘Dank Posts‘ ની પ્રોફાઈલ સ્કેન કરી છે. આ મુજબ યુઝરના 56000 ફોલોઅર્સ છે.
- Claim Review : કાર્ટૂન નેટવર્ક બંધ થઈ રહ્યું છે
- Claimed By : Facebook user 'Abe Enriquez'
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
