Fact Check: MP ચૂંટણી પહેલા મુખ્યમંત્રી શિવારાજ સિંહનો એડિટેડ વીડિયો દુષ્પ્રચાર ફેલાવવાના ઈરાદાથી કરાઈ રહ્યો છે વાયરલ
વિશ્વાસ ન્યૂઝને તેની તપાસમાં જાણવા મળ્યું છે કે શિવરાજ સિંહના વાયરલ વીડિયોને એડિટ કરીને નકલી ઓડિયો ઉમેરવામાં આવ્યો છે અને તેને દુષ્પ્રચાર ફેલાવવાના ઈરાદાથી શેર કરવામાં આવી રહ્યો છે. અસલી વીડિયોમાં મુખ્યમંત્રી શિવરાજ સિંહ ચૌહાણ ચૂંટણી દરમિયાન પીએમ મોદીના પ્રવાસને લઈને ચાલી રહેલી તૈયારીઓ વિશે ચર્ચા કરી રહ્યા હતા.
- By: Pragya Shukla
- Published: Oct 30, 2023 at 02:54 PM
- Updated: Nov 1, 2023 at 10:51 AM
વિશ્વાસ ન્યૂઝ (નવી દિલ્હી)મધ્યપ્રદેશમાં ચૂંટણીની તારીખો જાહેર થઈ ચૂકી છે. તમામ રાજકીય પક્ષોએ જોરશોરથી તૈયારીઓ શરૂ કરી દીધી છે. આ દરમિયાન મધ્યપ્રદેશના મુખ્યમંત્રી શિવરાજ સિંહ ચૌહાણનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોને શેર કરીને એવો દાવો કરવામાં આવી રહ્યો છે કે મુખ્યમંત્રી શિવરાજ સિંહે સ્વીકાર્યું છે કે મધ્ય પ્રદેશમાં ભારતીય જનતા પાર્ટીની સ્થિતિ ખૂબ જ ખરાબ છે. તેથી તેઓ તેમના મંત્રીઓ સાથે બેઠક કરી રહ્યા છે અને તેમને વડાપ્રધાનના નામે મત માંગવાની સલાહ આપી રહ્યા છે.
વિશ્વાસ ન્યૂઝને તેની તપાસમાં જાણવા મળ્યું કે શિવરાજ સિંહના વાયરલ વીડિયોને એડિટ કરીને નકલી ઓડિયો ઉમેરવામાં આવ્યો છે અને તેને દુષ્પ્રચાર ફેલાવવાના ઈરાદાથી શેર કરવામાં આવી રહ્યો છે. અસલી વીડિયોમાં મુખ્યમંત્રી શિવરાજ સિંહ ચૌહાણ ચૂંટણી દરમિયાન પીએમ મોદીની મુલાકાતને લઈને ચાલી રહેલી તૈયારીઓ વિશે ચર્ચા કરી રહ્યા હતા.
શું થઈ રહ્યું છે વાયરલ?
ફેસબુક યુઝર દિલીપ જયસ્વાલે 27 ઓક્ટોબર, 2023ના રોજ વાયરલ વીડિયોને શેર કરીને કેપ્શનમાં લખ્યું છે કે, “કટ્ટર હિન્દુઓ લાગી જાઓ, પૂરી તાકાત લગાવી દો, ભાઈઓ કોઈપણ રીતે #BJP/સત્તા/મોદીને બચાવો, જરૂર પડે તો પૈસા આપો, તેમ છતાં પણ કામ ન થાય તો #ED #CBI #incometaxનો ઉપયોગ કરો.”
વીડિયોમાં સાંભળી શકાય છે કે, “જુઓ ભાઈઓ, હું સમય બગાડ્યા વિના સીધી વાત કરીશ. મોંઘવારી અને બેરોજગારીના કારણે રાજ્યની જનતા ભાજપની વિરુદ્ધ છે. સર્વે પણ દર્શાવે છે કે આપણી પાર્ટીની સ્થિતિ ઘણી ચિંતાજનક છે. એટલા માટે હું દરેકને કહેવા માંગુ છું કે તેઓ ચૂંટણી માટે તનતોડ મહેનત કરે. દરેક જિલ્લા અને ગામડામાં જાઓ. ખાસ કરીને ઈન્દોર, ઉજ્જૈન અને દમોહમાં જ્યાં આપણા વોટ ઘણા ઓછા છે. આ વિસ્તારોમાં શક્ય તેટલા તમારા કર્મચારીઓને લગાવી દો. ડોર ટુ ડોર ચૂંટણી પ્રચાર કરો. મોદીજી દ્વારા જારી કરાયેલ પત્ર બતાવો, વોટ માટે અપીલ કરો અને મોદીજીના નામે વોટ માંગો, નહીંતર આ વખતે પાર્ટી જંગી બહુમતીથી હારી જશે.
પોસ્ટની આર્કાઇવ લિંકને અહીં જુઓ.
તપાસ
વીડિયોને ધ્યાનથી જોયા પછી અમને જાણવા મળ્યું કે વીડિયો પર ANI ન્યૂઝ એજન્સીનો લોગો લાગેલો છે. તેના આધારે અમે ANIના સત્તાવાર એક્સ એકાઉન્ટની તપાસ શરૂ કરી. અમને ANIના ANI MP/CG/Rajasthan એકાઉન્ટ પર 26 જૂન, 2023ના રોજ અપલોડ કરવામાં આવેલો અસલી વીડિયો મળ્યો. કેપ્શનમાં અપાયેલી માહિતી અનુસાર, “ભોપાલ: મધ્યપ્રદેશના મુખ્યમંત્રી શિવરાજ સિંહ ચૌહાણે વડાપ્રધાન નરેન્દ્ર મોદીની રાજ્ય મુલાકાતની તૈયારીઓને લઈને સમીક્ષા બેઠક યોજી હતી.” અમને અસલી વીડિયોમાં આવો કોઈ ઓડિયો મળ્યો નથી.
તપાસ દરમિયાન અમને અસલી વીડિયો ANIની સત્તાવાર ફેસબુક અને યુટ્યુબ ચેનલો પર પણ અપલોડ મળ્યો. અસલી વીડિયોમાં કોઈ ઓડિયો નથી, પરંતુ ફેસબુક પર ઉપલબ્ધ વીડિયોમાં મ્યુઝિક છે.
અમને તપાસ દરમિયાન ટાઈમ્સ ઓફ ઈન્ડિયાના રિપોર્ટમાં પણ આ વીડિયો મળ્યો. આ રિપોર્ટ 26 જૂન 2023ના રોજ પ્રકાશિત કરવામાં આવ્યો છે. અહીં પણ વીડિયોમાં કોઈ ઓડિયો નથી. રિપોર્ટ અનુસાર, ”મધ્યપ્રદેશના મુખ્યમંત્રી શિવરાજ સિંહ ચૌહાણે 26 જૂને ભોપાલમાં સમીક્ષા બેઠક યોજી હતી. પીએમ મોદીના મધ્યપ્રદેશના પ્રવાસની તૈયારીઓને લઈને આ બેઠકનું આયોજન કરવામાં આવ્યું હતું. ભારતીય જનતા પાર્ટી (BJP) પાંચ રાજ્યોમાં આગામી વિધાનસભાની ચૂંટણીઓ માટે તૈયારી કરી રહી છે ત્યારે વડાપ્રધાન નરેન્દ્ર મોદી 27 જૂને મધ્ય પ્રદેશના ભોપાલની મુલાકાત લેવાના છે. પાર્ટીના સૂત્રોના જણાવ્યા અનુસાર, પાંચ ચૂંટણી રાજ્યો છત્તીસગઢ, મધ્ય પ્રદેશ, મિઝોરમ, રાજસ્થાન અને તેલંગાણામાં ભાજપના 3000 પ્રતિનિધિઓને તૈનાત કરવામાં આવશે.”
શિવરાજ સિંહ ચૌહાણના સત્તાવાર સોશિયલ મીડિયા એકાઉન્ટને સ્કેન કરવા પર અમને તેમના X (અગાઉ ટ્વિટર) એકાઉન્ટ પર આ મીટિંગ સાથે સંબંધિત કેટલીક તસવીરો મળી. આ તસવીરો 26 જૂન 2023ના રોજ શેર કરવામાં આવી હતી.
વધુ જાણકારી માટે અમે મધ્યપ્રદેશ ભાજપના પ્રવક્તા કવિ સુમિત ઓરછા સાથે સંપર્ક કર્યો. તેમણે વાયરલ દાવાને ખોટો ગણાવ્યો છે. તેમનું કહેવું છે કે વિપક્ષી પાર્ટીઓ અમારી છબી ખરાબ કરવા માટે આવા કામ કરી રહી છે. અમે ચૂંટણીને લઈને ખૂબ જ મહેનત કરી રહ્યા છીએ. અમને પૂરી આશા છે. આ વખતે પણ જનતા અમને પસંદ કરશે. આ વીડિયો એડિટેડ છે અને સાવ ખોટો છે.
અંતે અમે ખોટા દાવાની સાથે વીડિયોને શેર કરનાર યુઝરના એકાઉન્ટને સ્કેન કર્યું. અમને જાણવા મળ્યું કે યુઝર ગોરખપુરનો રહેવાસી ગણાવ્યો છે.
निष्कर्ष: વિશ્વાસ ન્યૂઝને તેની તપાસમાં જાણવા મળ્યું છે કે શિવરાજ સિંહના વાયરલ વીડિયોને એડિટ કરીને નકલી ઓડિયો ઉમેરવામાં આવ્યો છે અને તેને દુષ્પ્રચાર ફેલાવવાના ઈરાદાથી શેર કરવામાં આવી રહ્યો છે. અસલી વીડિયોમાં મુખ્યમંત્રી શિવરાજ સિંહ ચૌહાણ ચૂંટણી દરમિયાન પીએમ મોદીના પ્રવાસને લઈને ચાલી રહેલી તૈયારીઓ વિશે ચર્ચા કરી રહ્યા હતા.
- Claim Review : મધ્યપ્રદેશના સીએમ શિવરાજે વડાપ્રધાનના નામ પર વોટ માંગવાનું કહ્યું.
- Claimed By : ફેસબુક યુઝર- દિલીપ જયસ્વાલે
- Fact Check : False
Know the truth! If you have any doubts about any information or a rumor, do let us know!
Knowing the truth is your right. If you feel any information is doubtful and it can impact the society or nation, send it to us by any of the sources mentioned below.
