Fact Check: અમૂલે ‘શરમ’ બ્રાન્ડનું ચીઝ નથી કર્યું લૉન્ચ, વાયરલ તસવીર છે ફેક

નવી દિલ્હી (વિશ્વાસ ન્યૂઝ) સોશિયલ મીડિયા પર અમૂલ તરફથી વર્તમાન મુદ્દાઓ પર અનોખા કાર્ટૂન શેર કરવામાં આવી રહ્યા છે. આ સંદર્ભમાં સોશિયલ મીડિયા યુઝર્સ એક તસવીર શેર કરીને દાવો કરી રહ્યા છે કે અમૂલે હવે માર્કેટમાં “શરમ” નામનું ચીઝ લોન્ચ કર્યું છે.

વિશ્વાસ ન્યૂઝને પોતાની તપાસમાં જાણવા મળ્યું કે વાયરલ થઈ રહેલી તસવીર અમૂલ તરફથી લૉન્ચ કરવામાં આવેલા કોઈ પ્રોડક્ટની નહીં, પરંતુ AIની મદદથી બનાવવામાં આવેલી તસવીર છે, જેને યુઝર્સ સાચી માનીને શેર કરી રહ્યા છે. 

શું થઈ રહ્યું છે વાયરલ?

સોશિયલ મીડિયા યુઝર ‘Salman Iqbal’એ વાયરલ તસવીરને શેર કરીને લખ્યું છે કે, “☝Finally “Sharam” Naam Ki Bhi Koi “Cheese” Hai Duniya Mey 😀*”

સોશિયલ મીડિયાના અલગ-અલગ પ્લેટફોર્મ પર ઘણા અન્ય યુઝર્સે આ તસવીરને સમાન દાવાની સાથે શેર કરી છે.

તપાસ

અમૂલ સોશિયલ મીડિયા પ્લેટફોર્મ્સ પર હાજર છે. એક્સ પર અમને 25 ડિસેમ્બરે અમૂલ તરફથી પોસ્ટ કરવામાં આવેલો વીડિયો મળ્યો, જે ચીઝ સાથે સંબંધિત છે. જેમાં અમૂલની ચીઝ પ્રોડક્ટ્સને જોઈ શકાય છે અને તેમાં જોવા મળતી કોઈપણ ચીઝ પ્રોડક્ટનું નામ “શરમ” નથી.

આ હેન્ડલ પર અમને 20 ડિસેમ્બરે શેર કરવામાં આવેલી એક પોસ્ટ મળી, જેમાં વાયરલ પોસ્ટનું ખંડન કરવામાં આવ્યું છે.

પોસ્ટમાં અમૂલ તરફથી જારી કરાયેલા સત્તાવાર નિવેદનનો પણ ઉલ્લેખ છે. નિવેદન અનુસાર, ”અમૂલ ચીઝની નવી વેરાયટીને લઈને વોટ્સએપ અને સોશિયલ મીડિયા પ્લેટફોર્મ પર ફેક મેસેજને ફેલાવવામાં આવી રહ્યા છે. આ પોસ્ટને બનાવનાર વ્યક્તિએ તેને અમૂલની મંજૂરી લીધા વગર પોતાની મરજીથી બનાવીને સોશિયલ મીડિયા પર પોસ્ટ કરી છે.” નિવેદનમાં કહેવામાં આવ્યું છે કે, ”અમને જાણવા મળ્યું છે કે પોસ્ટમાં દેખાતી તસવીરને AIની મદદથી બનાવવામાં આવી છે, જેમાં અમૂલ બ્રાન્ડને ખોટી રીતે રજૂ કરવામાં આવી છે. અમે તમને જણાવવા માંગીએ છીએ કે પોસ્ટમાં દેખાતું પેકેટ અમૂલ ચીઝનું નથી.”

ન્યૂઝ સર્ચમાં પણ અમને એવા ઘણા રિપોર્ટ્સ મળ્યા, જેમાં અમૂલ તરફથી જારી કરાયેલ આ સ્પષ્ટતાનો ઉલ્લેખ કરવામાં આવ્યો છે. વિશ્વાસ ન્યૂઝે આ પોસ્ટને લઈને અમૂલનો સંપર્ક કર્યો હતો. અમૂલે કહ્યું કે વાયરલ તસવીર ફેક છે અને તેમાં અમૂલ બ્રાન્ડના નામનો દુરુપયોગ કરવામાં આવ્યો છે. અમે ખાતરી આપવા માંગીએ છીએ કે આ પોસ્ટમાં દર્શાવેલ પેકટ અમૂલ ચીઝ નથી.

ફેક દાવાની સાથે વાયરલ તસવીરને શેર કરનાર યુઝરને ફેસબુક પર લગભગ 19 હજાર લોકો ફોલો કરે છે. AI સાથે સંબંધિત અન્ય વાયરલ દાવાઓના ફેક્ટ ચેક રિપોર્ટ્સને વિશ્વાસ ન્યૂઝના AI ચેકમાં વાંચી શકાય છે.