નવી દિલ્હી (વિશ્વાસ ટીમ) | સોશિયલ મીડિયા પર અમેરિકાના 100 ડોલરની એક તસવીર ઝડપથી વાયરલ થઈ રહી છે. તેના પર ભીમરાવ આંબેડકરની તસ્વીર છપાયેલી છે. આને વાયરલ કરીને કેટલાક સોશિયલ મીડિયા યૂઝર્સ દાવો કરી રહ્યા છે કે અમેરિકાએ ભીમરાવ આંબેડકરની તસવીરવાળા ડોલરની નોટ જારી કરી છે. વિશ્વાસ ન્યૂઝની તપાસમાં આ વાયરલ થયેલા દાવા ખોટા સાબિત થયા. વાયરલ તસવીર એડિટ કરેલી છે. અમેરિકા તરફથી આવી કોઈ નોટ જારી કરવામાં આવી નથી. વાયરલ તસવીર એડિટિંગ દ્વારા તૈયાર કરવામાં આવી છે. 100 ડોલરની નોટની અત્યાર સુધી કોઈપણ સિરીઝ પર બાબાસાહેબ આંબેડકરની કોઈ તસવીર નથી છપાઈ. વિશ્વાસ ન્યૂઝે એક વાર પહેલા પણ આવા જ દાવાની તપાસ કરી છે.
ફેસબુક યુઝર રોહિત મુખર્જીએ 14 જાન્યુઆરી 2023ના રોજ વાયરલ તસવીરને શેર કરી હતી. યૂઝરે તસવીરને શેર કરતાં અંગ્રેજીમાં કેપ્શનમાં લખ્યું કે, “USAએ એ કરી બતાવ્યું જે ભારત નથી કરી શક્યું. “
પોસ્ટના કન્ટેન્ટને અહીં જેમ છે તેમ જ લખવામાં આવ્યું છે. આને અન્ય યુઝર્સ પણ વાયરલ કરી રહ્યા છે. તેનું આર્કાઇવ વર્ઝન અહીં જુઓ.
તપાસ
વાયરલ દાવાનું સત્ય જાણવા માટે અમે ગૂગલ પર કેટલાય કીવર્ડ્સ દ્વારા સર્ચ કર્યું, પરંતુ અમને વાયરલ દાવા અંગે કોઈ વિશ્વસનીય મીડિયા રિપોર્ટ મળ્યો નથી.
વાયરલ દાવાનું સત્ય જાણવા માટે અમે ગૂગલ પર અન્ય કીવર્ડ્સની મદદથી અમેરિકી કરન્સી વિશે પર સર્ચ કરવાનું શરૂ કર્યું. અમે અમેરિકી સેન્ટ્રલ બેંક, ફેડરલ રિઝર્વની વેબસાઈટને તપાસવાનું શરૂ કર્યું. વેબસાઈટ અનુસાર, ફેડરલ રિઝર્વ હાલમાં 1, 2, 5, 10, 20, 50 અને 100 ડોલરની નોટો બહાર પાડે છે. અમેરિકી કરન્સીનું પ્રિન્ટીંગ કામ અમેરિકી ટ્રેઝરી ડિપાર્ટમેન્ટ હેઠળની એજન્સી બ્યુરો ઓફ એન્ગ્રેવિંગ એન્ડ પ્રિન્ટિંગ કરે છે. આ એજન્સીએ અત્યાર સુધીમાં 100 ડોલરની નોટોની 4 સિરીઝની બહાર પાડી છે. અમે બધી સિરીઝને ચેક કરી, પરંતુ અમને કોઈપણ સિરીઝમાં ભીમરાવ આંબેડકરની તસવીર વાળી નોટ નથી મળી.
વેબસાઈટ પર ઉપલબ્ધ માહિતી અનુસાર, 100 ડોલરની નોટ પર અમેરિકાના ફાઉન્ડિંગ ફાધર બેન્જામિન ફ્રેન્કલિનની તસવીર છે. સમય-સમય પર નોટના ફીચર્સ બદલવામાં આવ્યા છે, પરંતુ બેન્જામિન ફ્રેન્કલિનની તસવીર હટાવી ક્યારેય બીજા કોઈની તસ્વીર લગાવવામાં આવેલ નથી.
વિશ્વાસ ન્યૂઝે પહેલા પણ વાયરલ દાવાની સત્યતા તપાસી છે, જે તમે આ લિંક પર ક્લિક કરીને વાંચી શકો છો.
તપાસના અંતમાં વિશ્વાસ ન્યૂઝે નકલી દાવો શેર કરનાર ફેસબુક યુઝરના હેન્ડલનું સોશિયલ સ્કેનિંગ કર્યું. પ્રોફાઇલ પર આપવામાં આવેલી માહિતી અનુસાર, યુઝર પશ્ચિમ બંગાળના ખડગપુર શહેરનો રહેવાસી છે. યુઝરના ફેસબુક પર કુલ 3000 ફ્રેન્ડ્સ છે. યુઝર ફેસબુક પર જાન્યુઆરી 2019થી એક્ટિવ છે
નિષ્કર્ષ: વિશ્વાસ ન્યૂઝની તપાસમાં વાયરલ દાવો ખોટો સાબિત થયો. વાયરલ તસ્વીર એડિટ કરવામાં આવી છે. અમેરિકા તરફથી આવી કોઈ નોટ જારી કરવામાં આવી નથી. વાયરલ તસવીર એડિટિંગ દ્વારા તૈયાર કરવામાં આવી છે. 100 ડોલરની નોટની અત્યાર સુધીની કોઈપણ સિરીઝ પર ભીમરાવ આંબેડકરની કોઈ તસવીર છપાઈ નથી.
Knowing the truth is your right. If you have a doubt on any news that could impact you, society or the nation, let us know. You can share your doubts and send you news for fact verification on our mail ID contact@vishvasnews.com or whatsapp us on 9205270923